தலைப்புச் செய்தி...

இந்தப்பதிவிற்கு வைத்திருக்க வேண்டிய தலைப்பு //2020 வல்லரசு ஒரு கனவா ? (பகுதி 2)// இதுவும் இது செய்தி...!

நாடு எனும் முந்தைய பதிவில் சொன்னது போல், "ஒரு நாட்டின் அரசனைக் கடவுளுக்குச் சமானம் என்கிறார் ஐயன்" என்பதைக் குறிப்பிட்டு விட்டுத் தொடர்கிறேன்... முதல் பகுதியில் குறள் அதிகாரத்தைக் கூறிய திரு. வே. நடனசபாபதி ஐயா அவர்களுக்கும், திருமதி. கோமதி அரசு அம்மா அவர்களுக்கும் நன்றி...

---

பதிவில் வரும் அதனால் என்பதை உலகப்பொதுமறையில் ஆராய்ந்தால், அதனால் இவ்வாறு இருக்க வேண்டும் என்றுள்ள, கீழுள்ள ↓ அதிகாரத்தை வாசிக்க வேண்டாம்... ஏனென்றால்...



"குறள்களையும் எழுதுங்கள்" என்று கூறிய நண்பர்கள் விருப்பப்படி, 'அரசிற்கு' சொன்னதின் (381-385) முதல் 2020 வல்லரசு ஒரு கனவா...? பதிவிலும் இணைத்து விட்டேன் என்பது கூடுதல் செய்தி...! சரி, இந்தப்பதிவிலும் குறள்கள் எங்கே உள்ளதென்றால், ஒவ்வொரு "அதனால்" கீழுள்ள பெட்டிக்கு கேள்விக்குறிக்கு மேல் சுட்டியைக் கொண்டு சென்றால் வாசிக்கலாம்... கேட்பொலியை சொடுக்கியும் கேட்கலாம்...

---

விருப்பமுள்ளவர்கள் அனைவரும் ஆய்வு செய்ய வேண்டிய குறிப்புகள் சில :-
ஔவையார் தனிப்பாடல் திரட்டு 32 ∫ பட்டினத்தார் – திருத்தில்லை 7, திருவேகம்பமாலை 15, பொது 40 ∫ மெய்கண்ட தேவர் – சிவஞானபோதம் – சூத்திரங்கள் 5,7,11 ∫ திருவாசகம் – திருச்சதகம் 12, பிடித்தபத்து 3 ∫ திருமந்திரம் – உபதேசம் 142, கேள்வி கேட்டமைதல் 301, கால சக்கரம் 766, திருவடி பேறு 1598, இதோபதேசம் 2103, ஞானகுரு தரிசனம் 2658, மோன சமாதி 2937 ∫
அனைத்திற்கும் மேலாக உதவி செய்தது நம் தாத்தாவின் குறள்கள் சில:-

திருக்குறள் அதிகாரங்கள் – கடவுள் வாழ்த்து 10, புலால் மறுத்தல் 259, ஊழ் 373, கல்வி 398, கேள்வி 411-420

---

அரசனுக்கு :- ㉑ நீதி வேண்டி யார் வந்தாலும், காண்பதற்கு ஆடம்பரத்துடன் பரோபகாரத்துடன் சர்வாதிகாரியாக ஏளனத்துடன் நடந்து கொள்வதும், ㉒ அகங்காரத்துடன் மிதமிஞ்சிய இறுமாப்புடன், சகலமும் தானென்று பேசும் பண்பாடு உடைய மடையனின் ஆட்சிப் பரப்பு விரைவில் சுருங்குவதோடு, வாழத் தகுதியற்ற நிலம் என இந்த உலகமே தூற்றும்...

அதனால்...
காட்சிக் கெளியன் கடுஞ்சொல்லன் அல்லனேல்
மீக்கூறும் மன்னன் நிலம் 386

---

காண்பதற்கு எளியனாய், கண்டபோது இன்சொல் தருபவனாய் உள்ள அரசனே, உலகோரால் போற்றப்படுவான்...

---

㉓ வாயைத் திறந்து பேசினாலே, பிரபஞ்சமே கொதித்து அழிந்து போகும் அளவிற்குப் பொய்யை மட்டும் சொல்லி, மக்களை ஏமாற்றியும் அடிமையாக்கி நாசமாக்கவும், ㉔ மக்களைக் காப்பது போலக் காவு வாங்கும் ஆற்றல் பெற்ற கயவனுக்கு, எண்ணிய எல்லாவற்றையும் இந்த உலகமே எதிர்க்கும்...

அதனால்...
இன்சொலால் ஈத்தளிக்க வல்லார்க்குத் தன்சொலால்
தான்கண் டனைத்திவ் வுலகு 387

---

இன்சொல்லுடன், மக்கள் தேவை நிறைவேற்றும் ஒருவனுக்கு, உலகம் தன்சொல் வழிபட்டு நிற்கும்...

---

㉕ நீதி நெறிமுறைகளை வழங்காமல், நாட்டை பல துண்டுகளாகப் பிரித்துப் பாழாக்கி, மக்களைப் பட்டினியால் சாக வைத்தும், மேலும் பல வகையில் துன்புறுத்தும் ஈவு இரக்கம் இல்லா மூடன், பிறப்பில் ஒரு மனித உயிர் என்றாலும், மக்களின் பிடித்த பீடை என இழிவு பட்டு தானே அழிந்து போவான்...

அதனால்...
முறைசெய்து காப்பாற்றும் மன்னவன் மக்கட்கு
இறையென்று வைக்கப் படும் 388

---

குறை தீர்த்து, பசி இல்லாமல் மக்களைக் காக்கும் மன்னன், கடவுளுக்கு சமானம்...

---

㉖ காது குடையும் அளவிற்கு அனுபவம் வாய்ந்த பெரியோர்களின் அறிவுரை ஆலோசனைகளைக் கேட்காமல் புறந்தள்ளி விட்டு, தனது அரசு செய்த குற்றங்களைத் திருத்தப் பொறுமை இல்லாமல், அவற்றின் தீமையை ஊக்குவித்து மேலும் தவறு செய்யும் அயோக்கியனுக்கு, இந்த உலகமே பொறுமை இழந்து வெகுண்டு எழும்...

அதனால்...
செவிகைப்பச் சொற்பொறுக்கும் பண்புடை வேந்தன்
கவிகைக்கீழ்த் தங்கும் உலகு 389

---

அறிவுடையார் நன்மொழிகள் தனக்கு வெறுப்பாயினும், பொறுத்து ஏற்றால், குடிமக்கள் அவர் ஆட்சியை ஏற்பர்...

---

㉗ மக்களின் அமைதியான வாழ்வின் அழிவிற்கு வேண்டியதைத் தாராளமாக வழங்குவது, ㉘ துளி கூட ஈவு இரக்கம் இல்லாமல் எப்போதும் ஆணவத்துடனும் அகம்பாவத்துடனும் பேசுவது, ㉙ அநீதி மேலோங்கும்படி சர்வாதிகாரத்தை யோசிக்காமல் அவசர அவசரமாகத் தொடர்வது, ㉚ மக்களை எல்லாவற்றிலும் நம்ப வைத்து ஏமாற்றி நட்டாற்றில் விடுவது - இந்த நான்கும் உடையவன், பிரகாசிக்கும் ஒளி படைத்த அரசர்க்கெல்லாம், திரி அணைந்த விளக்கைப் போல் விளங்கும் கொடுங்கோலன்...

அதனால்...
கொடையளி செங்கோல் குடியோம்பல் நான்கும்
உடையானாம் வேந்தர்க் கொளி 390

---

கொடுத்தலும், அன்பும், நீதியும், காத்தலும் ஆகிய பண்புடைய அரசனே, வேந்தருள் விளக்கு ஆவான்...

---

நல்லதொரு பாடலை கேட்போமா...?


⟪ © தங்க ரத்தினம் ✍ அ.மருதகாசி ♫ K.V.மகாதேவன் 🎤 P.சுசிலா @ 1960 ⟫

இன்னொருவர் தயவெதற்கு - இந்நாட்டில் வாழ்வதற்கு...? இல்லையென்ற குறையும் இங்கே - இனிமேலும் ஏன் நமக்கு...? | கன்னித்தாய் காவேரி எந்நாளும் துணையிருக்க, கைகளிலே உழைப்பதற்கு பலமிருக்க திறமிருக்க... பொன் விளையும் வளமுடைய கண்ணான நிலமிருக்க, புகழுடனே உலகையாண்ட இனம் என்ற பெயரிருக்க... | எண்ணத்தால் இமயம்போல் உயர்ந்துவிட்ட மனமிருக்க, லட்சியமே உயிராகக் கொண்டாடும் குணமிருக்க... முன்னேற்றப் பாதையிலே அறிவோடு நாம் நடக்க, கண்ணோட்டம் கொண்டவர்கள் வழிகாட்டி காத்திருக்க... வந்தாரை வரவேற்று வாழவைத்த தென்னாடு... வள்ளுவனார் பொதுமறையை வழங்கிய நம்நாடு... இந்நாளில் பிறர் கையை எதிர்பார்த்து வாழுவதா...? எந்நாளும் துயர் மேகம் நம்மீது சூழுவதா...?

---

வ╱ல்╱ல╱ர╱சு - நல்லரசு நனவாகும் கனவுகள் (24x7) கருத்துக்கள் வரவேற்கப்படுகின்றன...!
ஒரு நாட்டின் அரசன் எப்படி இருக்க வேண்டும் என்பது உட்படக் குறளில் பலவற்றும் வரையறுக்கப்பட்டது என்பதும், நயவஞ்சக அரசர்கள் அவைகளை அறிந்தால், அவர்களுக்கே அது பிரச்சினையை விளைவிக்கும் என்பதும், அதனால் திருக்குறளை வாசிக்கத் தகுதியில்லாத அரசர்கள் உட்படப் பலரையும் ஏமாற்றியே வாழும் நபர்களும் திருக்குறளைப் போற்றி புகழாமல் இருந்தனர் என்பதும், தரித்திரம் பிடித்த அவர்களுக்குத் தண்டனை அறம் உறுதியாகக் கொடுக்கும் என்பதையும் அனைவரும் அறிவர்...

சில மாதங்களுக்கு முன் ஐயனைக் கொண்டாடியவர்கள், இந்தப்பதிவில் சொன்ன "கொடுங்கோல் அரசனைப் போல் உள்ளவனைக் கொண்டாடுவது ஏன்...?" என்பதற்கான பதில்கள் (24x7x...!...) வரவேற்கப்படுகின்றன...! நன்றி...

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :