இனி நீங்கள் மா(ற்)ற வேண்டும்...!

வணக்கம் நண்பர்களே... வலைத்தளம் ஆரம்பிக்க ஆர்வமுடைய அனைவருக்கும், இன்றைய பதிவர்களுக்கும் சிலது உதவும் எனும் எண்ணத்துடன் சிலவற்றைப் பகிர்கிறேன்... சில சூழ்நிலையால் இணையம் மூலம் உங்களுடன் சந்திப்பே சில பல மாதங்களில் மாறலாம்... அதற்கு முன் இது போல் பகிர்வுகள் பதிவு செய்து விடை பெறுவேன்... அவ்வப்போது சிந்தனைப் பகிர்வுகளும் தொடரலாம்...!


இந்தப் பதிவு புதுப்பிக்கப்பட்ட நாள் : 23.07.2020

புதுக்கோட்டையில் 06/10/2013 அன்று நடந்த கணினி பயிலரங்கத்தில் பேசினதை இங்கே பேசுகிறேன்... இங்கும் முடிந்தளவு படிப்படியாக சொல்ல முயற்சிக்கிறேன்... விளக்கமாக அறிய அங்கங்கே இருக்கும் இணைப்புகளையும் (→ ←) சொடுக்கவும்... ஆறு தலைப்புகள் உண்டு... மூன்று தலைப்புக்குப் பின் டீ சாப்பிட அவகாசம் உண்டு ! ஹிஹி... நீண்ட விளக்கம் என்பதால்...! OK.√

இந்தப்பதிவில் உங்களுக்குத் தேவைப்படுவதைக் கீழுள்ள தலைப்பைச் சொடுக்கியும் செல்லலாம்... அங்குச் சென்று அதே தலைப்பை மீண்டும் சொடுக்கினால், இங்கு வந்து விடலாம்...

---

1) உலாவி - சில குறிப்புகள்
2) மின்னஞ்சல் உருவாக்கம்
3) இணையப் பக்கத்தை சேமித்தல்
4) தமிழில் எழுதுவது (மாற்றுவது) எப்படி...?
5) வலைத்தளம் உருவாக்கம்
6) அமைப்புகளை தீர்மானித்தல்

---

1) உலாவி - சில குறிப்புகள் : Google உலாவி (browser) நமக்கு இலவசமாக தருவதில் வலைப்பக்கமும் (blogspot) ஒன்று... அதன் உருவாக்கத்தை அறிவதற்கு முன், உலாவி நமக்கு பயன்படும் வகையில் அமைத்துக் கொள்வோம்... உங்கள் கணினியில் Google உலாவி (browser) இருப்பதை சொடுக்கவும்... Google search பக்கம் திறக்கும்... அதை Google மொழியாக்கம் பக்கமாக முதலில் மாற்றுவோம்... உலாவியின் வலது பக்க மூலையில் மூன்று புள்ளிகளை சொடுக்கி, அதில் Settings என்பதை சொடுக்கவும்... திறக்கும் பக்கத்தை சிறிது சுட்டியில் (mouse) கீழ் நோக்கி உருட்டினால், (Scroll செய்தால்) அங்கே On startup இருப்பதை காணலாம்... அதில், Open a specific page or set of pages என்பதை தேர்வு செய்யவும்... Add a new page என்பதை சொடுக்கி, https://translate.google.com/ என்று தட்டச்சு செய்யவும்... Add என்பதை சொடுக்கி விடவும்... உலாவியின் வலது புறம் மேலுள்ள X என்பதையும் சொடுக்கி மூடி விடவும்... இப்போது மீண்டும் ஒரு முறை, உங்கள் கணினியில் Google உலாவியை சொடுக்கவும்... Google மொழியாக்கம் பக்கத்தை காணலாம்... இந்தப் பக்கம் தேவைப்படும் என்பதால் மூட வேண்டாம்...

---

2) மின்னஞ்சல் உருவாக்கம் : உலாவியில் + என்பதை சொடுக்கினால் இன்னொரு பக்கம் (tab) திறக்கும்... Create your Google Account to continue to Gmail - என்று சொல்லும் கூகுளின் சேவைக்கு முதலில் இங்கே சொடுக்கி சென்று, உங்கள் Google mail கணக்கை துவக்குங்கள்... First Name மற்றும் Last Name நிரப்புக... Username என்பதில் உங்கள் விருப்பப் பெயரை இடவும்... Password (கடவுச்சொல்) இடவும்... மறுபடியும் அதே கடவுச்சொல்லை அடுத்த கட்டத்திலும் இடவும்... username என்பதில், நீங்கள் இடும் பெயர் ஏற்கனவே இருந்தால், The username is taken. Try another. - என்று வரும்... அதை மாற்றவும்... பெயரோடு தங்களின் பிறந்த வருடம் அல்லது பிற எண்களையும் இணைத்துக் கொள்ளலாம்...

உங்களின் மின்னஞ்சல் முகவரி மற்றும் கடவுச்சொல் சரியாக இருந்தால், Google அடுத்த பக்கம் செல்லும்... இங்கு Phone number மற்றும் Recovery email address - இவைகள் தங்களின் விருப்பப்படி (optional) என்பதை அறியவும்... ஆனால் இவை இரண்டும் நம் மின்னஞ்சலுக்கு பாதுகாப்பு தருபவை... இதில், நீங்கள் முதன்முதலாக மின்னஞ்சல் ஆரம்பிப்பவராக இருந்தால், Recovery email address என்பதை தவிர்த்து விடலாம்... ஏற்கனவே மின்னஞ்சல் இருந்தால், அந்த கட்டத்தை நிரப்பவும்... அடுத்து, கைபேசி எண்ணை கொடுப்பதாக நினைத்தால், அதையும் கொடுக்கவும்... கைபேசிக்கு வரும் ஆறு (6) இலக்க எண்ணை இடவும்... மின்னஞ்சல் பாதுகாப்பு எந்தளவு முக்கியம் என்பதையும், கடவுச்சொல் எவ்வாறு இருக்க வேண்டும் என்பதையும் அறிய இங்கே சொடுக்கி அறியவும்...

அடுத்து உங்களின் பிறந்த நாள், மாதம், ஆண்டு மற்றும் பாலினத்தை நிரப்பவும்... அடுத்து வரும் பக்கங்களை படித்து விட்டு, I agree என்பதை சொடுக்கி விட்டால், உங்களின் மின்னஞ்சல் உருவாகி விடும்... உருவாகி விட்டது பாருங்கள்...!

---

3) இணையப் பக்கத்தை சேமித்தல் : நம் உலாவியில் முக்கியமான இணையப் பக்கத்தை Bookmark செய்து வைத்துக் கொண்டால், அது ஒரு சேமிப்பாகவும், நாம் உடனே செல்வதற்கு வசதியாகவும் இருக்கும்... உலாவியின் வலது பக்க மூலையில் மூன்று புள்ளிகளை சொடுக்கி, அதில் Bookmarks என்பதில் சுட்டியை கொண்டு செல்லும் போது, பக்கத்தில் இன்னொரு பக்கம் காண்பிக்கும்... அதில், Show bookmarks bar என்பதை தேர்வு (√) செய்யவும்... Address bar-ல் கீழே Bookmarks காண்பிக்கும்... அதில், Apps என்று ஒன்று இருக்கும்... அது அவ்வாறே இருக்கட்டும்... உலாவியில் மின்னஞ்சல் உருவாக்கின பக்கத்தில் இப்போது நீங்கள் உள்ளீர்கள், அதை இப்போது Bookmark செய்யப் போகிறோம்... உலாவின் முகவரி (Address bar) முடிவில் ஒரு நட்சத்திரத்தை காணலாம்... அதன் அருகில் உங்கள் சுட்டியை கொண்டு சென்றால், Bookmark this tab என்பதையும் காணலாம்... அதை சொடுக்கி வரும் பெட்டியில், Name என்பதில் சுருக்கமாக G என்று தட்டச்சு செய்யவும்... ஏற்கனவே Folder உருவாக்கினவர்கள், Bookmarks bar என்பதை தேர்வு செய்து, Done என்பதை சொடுக்கவும்... அவ்வளவு தான்... நாம் Gmail பக்கத்தை Bookmark செய்து விட்டோம்... இனி நீங்கள் அடுத்த முறை உலாவியை திறக்கும் போது, Address bar கீழுள்ள G என்பதை சொடுக்கி, உங்கள் மின்னஞ்சல் உள்ளீடு பக்கத்திற்கு செல்லலாம்...

---

"நீண்ட பதிவு போல...!" என்று Page down செய்து பார்க்கும் எனதன்பு உள்ளங்களே... இனிமேல் தான் விளையாட்டு ஆரம்பம்...! டீ சாப்பிட்டு விட்டீர்களா...? இனி...

---

4. தமிழில் எழுதுவது (மாற்றுவது) எப்படி...? உலாவி திறக்கும் போதே இந்தப் பக்கத்தை (translate.google.com) ஆரம்பித்து விட்டோம்... அதனால் அந்தப் பக்கத்தை (1st tab) சொடுக்கவும்... இடது புறமுள்ள பெட்டியில் உள்ள download arrow mark (v)-போல் இருப்பதை சொடுக்கி, தமிழ் மொழியை தேர்ந்தெடுக்கவும்... இப்போது பெட்டியில் ஆங்கிலத்தில் ammaa என்று தட்டச்சு செய்து, spacebar-யை தட்டினால் அம்மா என்று மாறி விடும்... அடுத்து சொல்லப்போகும் பல குறிப்புகளில், தமிழில் எழுத (மாற்ற) இந்தப் பக்கம் மிகவும் தேவைப்படும்... அதனால் தான் இந்த சின்ன பயிற்சி...! இந்தப் பெட்டியின் வலதுபுறம் கீழே த என்பதன் பக்கத்தில் உள்ள -யை சொடுக்கி, தமிழ் தட்டச்சு பயின்றவர்கள் பயன்படுத்தலாம்... இதில் எழுத்து வரம்பு 5000 என்பதையும் அங்கு காணலாம்... அதனால் :-

தமிழ் தட்டச்சு பயின்றவர்களுக்கென Google உள்ளீட்டு கருவி என்று உள்ளது... அங்கு செல்ல இங்கே சொடுக்கவும் அதில் நம் மொழியை Tamil என தேர்வு செய்யவும்... அதன் பக்கத்தில் த என்பதன் பக்கத்தில் உள்ள download arrow mark (v)-போல் உள்ளதை சொடுக்கி, நீங்கள் பயின்ற தட்டச்சு பலகையை (Keyboard) தேர்வு செய்து, தட்டச்சு செய்து தமிழிலேயே எழுதலாம்... சற்று கீழே நீங்கள் scroll செய்தால், "Chrome நீட்டிப்பை நிறுவுக" என்று காணலாம்... அதை சொடுக்கி, அதன் பின் வரும் Add to chrome மற்றும் Add extension என்பதையும் சொடுக்கி விட்டால், நம் உலாவியில் Address bar அருகே ஒரு தமிழ் Icon வந்து விடும்... அதை சொடுக்கி நமக்கு வேண்டியதை தேர்வு செய்து விட்டு, தமிழில் தட்டச்சு செய்யலாம்...

---

5) வலைத்தளம் உருவாக்கம் உலாவியில் மீண்டும் ஒருமுறை + என்பதை சொடுக்கினால் இன்னொரு பக்கம் (tab) திறக்கும்... blogger.com என்று தட்டச்சு செய்யவும்... Sign in சொடுக்கி செல்லவும்... Create a new blog என்பதில், இப்போதைக்கு உங்களின் பெயரை தமிழில் இடவும்... அடுத்து வரும் பக்கத்திற்கு சென்ற பின், மொழி மாற்ற பக்கத்திற்கு (tab) சென்று உங்களுக்கு பிடித்த பெயரை தமிழில் மாற்றிப் பார்க்கவும்... ஆங்கில எழுத்துக்களையும் ஞாபகம் வைத்துக் கொள்ளவும்... மீண்டும் நம் வலைப்பக்க பக்கத்திற்கு வந்து, Title என்பதில், நீங்கள் தீர்மானித்த வலைத்தளத்தின் பெயரை தமிழில் இடவும்... Address என்பதில், நீங்கள் ஆங்கிலத்தில் ஞாபகம் வைத்துள்ள வலைத்தளத்தின் பெயரை இடவும்... This blog address is available என்று வரும்வரை மாற்றம் செய்யவும்... தமிழில் சரியாக வரும் ஆங்கில எழுத்துகள் தான் உங்கள் தள முகவரி url... சரியானதை பொறுமையாக தேர்வு செய்யவும்... மற்றவர்களுக்குச் சொல்வதற்கும், அவர்கள் தமிழில் மாற்றி உங்களின் தளத்தை தேடியந்திரங்களில் விரைவில் கண்டுபிடிப்பதற்கும் எளிதாக இருக்க வேண்டும்... இதோ ஓர் எடுத்துக்காட்டு :-

அடுத்து, Theme என்பதில், Simple என்பதை தேர்வு செய்து, OK என்பதையும், No thanks என்பதையும் சொடுக்கவும்... இந்தப் பக்கத்தையும் B எனும் பெயரில் Bookmark செய்யவும்...

---

6) அமைப்புகளை தீர்மானித்தல் : வலைப்பக்கம் உருவாக்கி விட்டோம்... இடது புறம் கீழுள்ள Settings-யை சொடுக்கவும்... அதில் முதலில் Basic என்பதற்கு கீழுள்ள Title யை சொடுக்கவும்... அதில் உங்கள் பெயர் இருக்கும்... உங்களுக்கு கிடைத்த வலைப்பூவின் பெயரை மாற்றவும்... அது தான் உங்கள் வலைத்தளத்தின் பெயர்... நான் எடுத்துக்காட்டாக சொன்ன "அன்பே அனைத்தும்" என்று நிரப்புகிறேன்... (ஒவ்வொன்றையும் முடித்தவுடன் Save-யை சொடுக்க மறக்க வேண்டாம்...!) அடுத்து, Description என்பதில், உங்கள் வலைத்தளம் குறித்து சிறுகுறிப்பு எழுதவும்... இது வலைத்தளத்தின் பெயருக்கு கீழே வரும்... Blog language என்பதில், Tamil - தமிழ்-யை தேர்வு செய்யவும்... Privacy கீழுள்ள Visible to search engines என்பது On செய்து இருக்கட்டும்... அடுத்து HTTPS கீழுள்ள HTTPS redirect என்பதும் அவ்வாறே...

அடுத்து Comments கீழுள்ள Comment Location என்பதில் Embedded-யை தேர்வு செய்யவும்... Who can comment? என்பதில், User with Google Accounts-யை தேர்வு செய்யவும்... Comment Moderation ? என்பதில், Always-யை தேர்வு செய்யவும்... Email moderation requests to என்பதில் உங்களின் வலைப்பக்க மின்னஞ்சல் Gmail id முகவரியை இடவும்... Reader comment captcha என்பது Off செய்தே இருக்கட்டும்... இவற்றின் முக்கியத்துவத்தை விரிவாக அறிய இங்கே சொடுக்கவும்

Comment Form Message என்பதை சொடுக்கி உங்களுக்கு பிடித்த சில வரிகளை எழுதவும்... இந்த வரிகள் நீங்கள் எழுதப்போகும் பதிவின் கருத்துரைப்பெட்டிக்கு கீழ் வரும்... Formatting கீழுள்ள Time Zone என்பதில், (GMT+05:30) India Standard Time-யை தேர்வு செய்யவும்... Meta tags கீழுள்ள Enable search description என்பதை On செய்து விட்டு, Search description என்பதில், நீங்கள் எழுதப் போகும் பதிவுகளின் முக்கிய நோக்கம் மற்றும் சாரத்தை எழுதவும்... இதன் முக்கியத்துவத்தை விரிவாக அறிய இங்கே சொடுக்கவும்

அடுத்து Manage Blog கீழுள்ள Back up content என்று இருக்கும்... இப்போது அதை சொடுக்க தேவையில்லை... பதிவுகள் எழுதிக்கொண்டே வருகையில், மாதம் ஒருமுறை நம் பதிவுகளை சேமிக்க இது பயன்படும்... Gmail பக்கம் சென்று Inbox-ல், Comment subscription request from என்று வந்துள்ளதை சொடுக்கி, Subscribe என்பதை சொடுக்கவும்... இப்போது திறக்கும் பக்கத்தையும், இந்த Gmail பக்கத்தையும் மூடி விடலாம்...

முடிவாக Site feed கீழுள்ள Allow Blog Feed-ல் Until Jump Break-யை தேர்வு செய்யவும்... இதை நம் பதிவு எழுதும் போது பயன்படுத்த வேண்டும்... சுருக்கமாக இங்கே சொல்கிறேன்... உதாரணமாக 7 பதிவுகள் எழுதி விட்டீர்கள்... உங்கள் வலைத்தளத்திற்கு வருபவர்கள், அந்த 7 பதிவுகளையும் உங்களின் வலைத்தள முகப்பு பக்கத்திலேயே வாசித்து விடுவார்கள்... இதனால் பக்கப் பார்வைகளின் எண்ணிக்கை குறையும்... அதே சமயம் சற்று பெரிய பதிவாக இருந்தால், உங்கள் வலைத்தளத்தில் மின்னஞ்சல் சந்தாதாரர்களுக்கு, (email subscription) அந்தப் பதிவைக் குறித்து மின்னஞ்சல் செல்லாது... இவற்றை எல்லாம் தவிர்க்க, சில வரிகள் மற்றும் பதிவிற்கேற்ப படத்தை இணைத்த பிறகு, பதிவு எழுதும் பக்கத்தில், மேலே நிறையப் பொத்தான்கள் (icons) இருக்கும்... அதன் முடிவில் மூன்று புள்ளிகளை சொடுக்கி, அதில் "_" என்று இருக்கும் பொத்தானை (சுட்டியை கொண்டு செல்லும் போது Insert Jump break என்று தெரியும்...) சொடுக்கி விட்டு, பதிவை தொடர்ந்து எழுத வேண்டும்... வரும் பதிவுகளில் மேலும் விளக்கமாக அறியலாம்...

---

வலது பக்கம் மேலுள்ள உங்கள் பெயரில் தொடங்கப்பட்ட ஆரம்ப ஆங்கில எழுத்தைக் கொண்ட icon-யை சொடுக்கி, Sign-out செய்து விடவும்... இது நீங்கள் எங்கிருந்தாலும் மின்னஞ்சல் மற்றும் வலைப்பக்கம் உட்பட பலவற்றில் இருந்து Sign-out செய்ய வேண்டியது முக்கியம்... அடுத்த முறை உங்கள் வீட்டில் உலாவியை சொடுக்கும் போது, Address bar கீழுள்ள B -யை சொடுக்கினால் போதும்... அடுத்து உங்களின் மின்னஞ்சல் மற்றும் கடவுச்சொலை கொடுத்து விட்டால், உங்களின் வலைப்பக்க பக்கத்திற்கு சென்று விடலாம்... நன்றி...

---

நண்பர்களே... எதையுமே கற்றுக் கொடுத்தால் தான் கற்றுக் கொள்ளவே முடியும்... அதைப்பற்றிக் கணினியில் முதல் அனுபவம் முயற்'சிக்காமல்' முடியாதென்று சொல்லாதே ! பதிவிலேயே சொல்லியுள்ளேன்... இந்தப்பதிவால், "ஒரு தொழினுட்ப பதிவு எவ்வாறு எழுத வேண்டும்" என்பதை கற்றுக் கொண்டுள்ளேன் என்று நினைக்கிறேன்... இந்தப் பதிவைப் படித்தால் மட்டும் போதாது... அதனால் "செய்து பார்த்திட வேண்டும்" எனும் முடிவுக்கு பாராட்டுக்கள்... வாழ்த்துகள் நண்பர்களே...!

---

மேலும் சந்தேகம் இருந்தால் தொடர்பு கொள்ளவும்... நன்றி...
dindiguldhanabalan@yahoo.com

---

அடுத்து என்னென்ன Gadgets மட்டும் தேவை...? அறிய இங்கே சொடுக்கித் தொடரவும்... அதற்கு முன் இந்தப் பதிவைப் பற்றித் தங்களின் கருத்து என்ன...?

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :