டொய்ங்... டொய்ங்...

வணக்கம் நண்பர்களே... எனது புதிய பதிவை "preview"வில் பார்ப்பதோடு சரி... பிறகு 99% அந்தப் பதிவைப் பார்ப்பதே இல்லை... மீதி 1% கருத்துரை மூலம் வரும் புதிய பதிவர்களை முடிந்த வரை தொடர்வதே எனது வாடிக்கை...← இது பலரும் என்னிடம் கேட்கும் கேள்விற்கான பதில்...! (இரு கேள்விகளும் இந்தப் பதிவு முடிந்தவுடன் உங்களுக்குப் புரிந்து விடலாம்...!)

Settings → Comments → Reader comment captcha → Show word verification for readers who comment என்பதில் OFF செய்து இருப்பதே உங்களுக்குக் கோடி புண்ணியம்...!

இந்தப் பதிவு புதுப்பிக்கப்பட்ட நாள் : 01.06.2020

---

Settings → Comments →
1) Who can comment → ???
2) Comment Moderation → ???
3) Comment Location → ???
இவற்றைப் பற்றி இந்தப் பதிவில் விரிவாகப் பார்ப்போம்...

---

கவனிக்க: அடுத்த மாபெரும் பதிவர் சந்திப்பு புதுக்கோட்டையில் என்று உங்கள் அனைவருக்கும் தெரியும்... அதற்குள் குறைந்தபட்சம் 50 புதிய பதிவர்களை உருவாக்கிட வேண்டும் என்பதே முத்துநிலவன் ஐயாவின் திட்டம் ... வரும் ஜனவரி முதல் வாராவாரம் ஆரவாரமாக ஞாயிற்றுக்கிழமைகளில் புதுக்கோட்டையில் கணினி வலைப்பயிற்சி தொடர்ந்து நடக்கப் போகிறது... ஏற்கனவே பதிவு செய்த எனது தொழினுட்ப பகிர்வுகளால் வகுப்பு எடுக்க எளிதாக இருந்தது... அந்த வகையில் → இந்த பகிர்வில் உள்ளவை எல்லாம் எனது அனுபவமே... மாறுவதும் மாற்றுவதும் உங்கள் மனம் விருப்பம் போல்...! (அப்பாடா !)

---

1) Who can comment என்பதில் Anonymous என்று வைத்திருந்து, காலையில் Anonymous கருத்துரையைப் படித்தாலே எரிச்சல், கோபம், இன்னும் பல தொல்லைகள் என 2) Comment Moderation என்பதில் Always என்று மாற்றியவர்கள் பல பேர்... (ஆமாம்... மற்ற நேரங்களில் படித்தால் இப்படி ஆகாதோ...? ஹா...ஹா...) "நான் எழுதுவதை மட்டும் படி, மற்றபடி வாசிப்பவர்களுக்கு எந்த யோக்கியதையும் இல்லை போ" எனும் நினைப்பில் Settings »» Comments »» Comment Location »» Hide என்பதைத் தேர்வு செய்து விட்டு, கருத்துப் பெட்டியை மூடியவர்கள் சில பேர் ! (அடடா சொல்லிட்டேனா...? ஹிஹி... பதிவின் முடிவில் சொல்லித்தான் ஆக வேண்டும்...!)

2) Comment Moderation என்பதில் Always என்று வைத்திருந்தால், Anonymous உட்பட எந்த கருத்துரையையும் நீங்கள் நினைத்தால் தான் வெளியிட முடியும்... (வெளியிட்டு உங்களின் பொன்னான நேரத்தை அதற்குச் செலவழிக்கலாம்...!) உங்கள் தளத்திற்கு வரும் கேள்விகளுக்கு, சந்தேகங்களுக்கு, சந்தோசங்களுக்கு, எழுத்துப் பிழைகளுக்கு, தவறான தகவலின் சுட்டிக் காட்டுதலுக்கு, ஆரோக்கியமான விவாதங்களுக்கு, ரசிக்க வைக்கும் அரட்டைக்கு எனப் பல முக்கியமானவற்றுக்கு மறுமொழி இடுவது அவசியம் தான்... (பதறுவது-பம்முவது, கும்முவது-குமறுவது, பினாத்துவது-பிதற்றுவது - இவை இல்லையா...?) சிலரின் அற்புதமான கருத்துரைகளால், நொந்து நூடுல்ஸ் ஆன பல வலைத்தள நண்பர்களின் உரையாடல் மூலம் அவர்களின் வருத்தம் அறிந்து மீண்டும் பதிவுகளைத் தொடர வைத்தேன்... அதை பிறகு பார்ப்போம்...! ஒவ்வொரு கருத்துரைக்கும் "நன்றி" சொல்லும் வகையில் சொந்த தளத்திலேயே ஒரே மாதிரியான மறுமொழி தேவையா...? தேவை தான் என்போருக்கு அடுத்த பதிவர் சந்திப்பில் ஒரு பரிசு உண்டு !

நன்றியோ, பாராட்டோ, உதவியோ - மனதில் தோன்றியவுடன் செய்து விட வேண்டும் அல்லவா...? ஆரம்பக் காலத்தில் இதே போல் நானும் செய்தேன்... பரிசு கொடுக்கத் தான் யாரும் இல்லை... ஹிஹி... பிறகு ஒவ்வொரு பதிவின் கருத்துரையாளர்களின் பெயரை எல்லாம் தொகுக்கும் படி Excel-ல் ஒரு Program செய்து வைத்திருந்தேன்... எதற்கு...? முடிவாக அந்தப் பதிவில் "அனைவருக்கும் நன்றி" என்று கருத்திட...! அதற்குப் பிறகு அந்தப் பதிவிற்கு எந்த கருத்துரையும் வராது என்பதையும் அறிந்தேன்... தேவையானதைத் தவிரக் கிட்டத்தட்ட எனது 1500 கருத்துரைகளை நீக்கி விட்டேன்...! (எளிதாக நீக்குவது எப்படி என்று ஒரு பதிவு போடணுமே...!)

நேர / காலத்தின் சிறப்பை அறிய... சொடுக்குக :
1) மனித வாழ்வில் போனா வராதது எது ?
2) அதிக பக்தர்களைக் கொண்ட ஒரே மதம் எது ?
3) எல்லாம் என் நேரம்...!

புதிய பதிவர்களே நண்பர்களின் வலைத்தள நேரத்தை உங்களால் குறைக்க முடியுமா ?
கீழுள்ள Settings செய்வதன் மூலம் முடியும்... முக்கியமான ஒன்று... உங்கள் பதிவிற்கு வரும் கருத்துரை அனைத்திற்கும், நன்றி எனும் வகையில் ஒரே மாதிரியான மறுமொழி இட வேண்டும் என்று அவசியமில்லை... அவர்கள் வந்து பார்க்கப் போவதுமில்லை... பெட்ரோமாக்ஸ் லைட்டே வேண்டும் என்றால்... அதாவது மனதில் என்றும் இருக்க வேண்டிய நன்றியைச் சொல்லியே ஆக வேண்டும் என்றால், மறுமொழி இட்ட தளங்களைத் தொடர்ந்து வாசித்துக் கருத்திடுங்கள்... நேரத்தைப் பயனுள்ளதாக மாற்றுங்கள்... உங்கள் தளத்தைத் தொடர்பவர்களை + கருத்துரைகளால் சந்தோசப்படுத்துபவர்களை முதலில் தொடருங்கள்←அவர்கள் உங்கள் தளத்தைத் தொடரா விட்டாலும்...! (பதிவின் ஆரம்ப கேள்வி இரண்டில் ஒன்று லைட்டா புரியுது...!) I am a complan boy...!

---

டொய்ங்... டொய்ங்... இந்தப் பதிவின் தலைப்பிற்குச் செல்வதற்கு முன் Comments பகுதியில் Spam என்பதைச் சொடுக்கி ஒரு முறை பாருங்கள்... அன்பர்களின் கருத்துக்கள் அங்கு இருக்கக் கூடும்... Not Spam என்பதைச் சொடுக்கி மாற்றுங்கள்... இனி : 3) Comment Location »» இவற்றில் 1) Embedded 2) Full Page 3) Popup window 4) Hide என்று உள்ளது... முதல் மூன்றில் எதைத் தேர்வு செய்தால் கருத்துரை இடுபவர்களுக்குப் பெரு(று)ம் உதவியாக இருக்கும்...?

1) Embedded இருந்து Comment Moderation என்பதில் Never என்றிருந்தால், கருத்துரை இட்ட பின், உங்கள் கருத்துரையோடு மீண்டும் அந்த தளம் "டொய்ங் டொய்ங்" என்று சுற்றி, முழுவதுமாக வந்த பின், அடுத்த தளத்திற்குச் செல்ல வேண்டும் (அவசரப்பட்டால் முதல் தளத்தில் வெளியிட்ட கருத்துரை அடுத்த தளத்தில் சென்று, அவர்களின் இதயம் டொய்ங்... டொய்ங்... ஆகவும் வாய்ப்பு உண்டு...!) அதனால் 2) Comment Moderation என்பதில் Always - என்பதைத் தேர்வு செய்து, வரும் கருத்துரைகளை ரசித்து...... யோசித்து...... பிறகு வெளியிடலாம் ! (புரியுது... அடுத்து ?)

2) Full Page வைத்திருந்தால், comment option-ஐ சொடுக்கினால் பதிவு உள்ள பக்கம் மறைந்து கருத்துரை பக்கம் திறக்கும். (புதிய பக்கத்தில் திறக்க வேறு ஒரு settings செய்ய வேண்டும்...!) மீண்டும் பதிவை வாசிக்க வேண்டுமெனில், அங்குள்ள பதிவின் தலைப்பைச் சொடுக்க வேண்டும்... டொய்ங்... டொய்ங்... (இதுவும் நல்லாயில்லையே ! எதுதானப்பா சிறந்தது ?)

3) Popup window வைத்திருந்தால், கருத்துரைப் பெட்டி புதிய சிறிய விண்டோவாக திறக்கும்... அங்குச் சென்று நாம் கருத்திட்ட வேண்டும்... தமிழில் எழுத உங்களின் கணினியில், எத்தகைய வழிமுறைகள் வைத்திருப்பீர்கள் என்று எனக்குத் தெரியாது... அதனால், இந்த Popup முறையும் எளிதல்ல...

உண்மையிலேயே நாங்க டொய்ங்... டொய்ங்... என்னதான் செய்யணும்...? இதோ :

1) Who can comment → User with Google accounts

2) Comment Moderation → Always

3) Comment Location → Embedded

"காலம் மாறுது, கருத்தும் மாறுது; நாமும் மாற வேண்டும்; நம்மால் நாடும் (வலைத்தளமும்) மாற வேண்டும்..."

---

தங்களின் விருப்பம் என்ன நண்பர்களே...?

நண்பர்களிடம் பகிர்ந்து கொண்டதற்கு நன்றி

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :