என்றும் குழந்தையைப்போல் வாழ்ந்துவிட்டால்...

அனைவருக்கும் வணக்கம்... இறைவன் அனைவரையும் காக்க வேண்டும் எனும் வேண்டுதலோடு தொடர்கிறேன்... திருக்குறளின் ஊழ் அதிகாரத்தைக் குறளின் குரலாகப் பகிர்ந்து கொண்டேன்... அதை வாசிக்காதவர்களுக்காக இணைப்பு ☛ ☚

---

அதில் குறள் விளக்கங்களை மனதுடன் நடத்திய உரையாடலாகப் பகிர்ந்து விட்டேன்... இந்த அதிகாரம் திருக்குறளின் வேர் என்றே தோன்றும்... இதன் ஆய்வை பிறகு பகிர்வேன்... சரி, குறளுக்கேற்ப ஒரு பாடல் நினைக்க, அந்தப் பாடலுக்குப் பல பாடல்கள் பதிலாக வர... ம்... குறளும், பாடல்களும் இன்றைய நிலையைச் சிறிது மறக்க எனக்கு ஒரு மருந்து...!

இந்தப்பதிவில் குறள், விளக்கம் மற்றும் திரைப்படப் பாடல்கள் என முழுவதும் கேட்பொலியாக... திரைப்படப் பாடல்கள் ரசிகர்களுக்கு ஒரு ஊகித்தல் தேர்வு : குறளும் அதன் விளக்கமும் வாசித்து விட்டு, அதற்கேற்ப மனதில் தோன்றும் பாடலை ஊகித்து விட்டு, கேட்பொலி (►) பொத்தானைச் சொடுக்கிக் கேட்கலாம்... பாடல் வரிகளை வாசிப்பதற்கான பொத்தானும் உள்ளது... நீங்கள் கணித்த பாடலுள்ள குறள் எண்ணையும் கருத்துரையில் தெரிவிக்கவும்... நன்றி...

---

ஆகூழால் தோன்றும் அசைவின்மை கைப்பொருள்
போகூழால் தோன்றும் மடி 371

ஒருவருக்கு நல்வினையால் முயற்சியும், தீவினையால் சோம்பலும் உண்டாகும்...
வாழ்க்கை என்றால் ஆயிரம் இருக்கும்... வாசல் தோறும் வேதனை இருக்கும்... வந்த துன்பம் எதுவென்றாலும் - வாடி நின்றால் ஓடுவதில்லை... எதையும் தாங்கும் இதயம் இருந்தால் இறுதி வரைக்கும் அமைதி இருக்கும்... ⟪ © சுமைதாங்கி ✍ கண்ணதாசன் ♫ விஸ்வநாதன்-ராமமூர்த்தி 🎤 P.B.ஸ்ரீனிவாஸ் @ 1962 ⟫ ∬ நல்ல பொழுதையெல்லாம் தூங்கிக் கெடுத்தவர்கள் நாட்டைக் கெடுத்ததுடன் தானும் கெட்டார்... சிலர் அல்லும் பகலும் தெருக் கல்லாய் இருந்து விட்டு, அதிர்ஷ்டம் இல்லை என்று அலட்டிக்கொண்டார்... விழித்துக் கொண்டோரெல்லாம் பிழைத்துக் கொண்டார்... உன்போல் குறட்டைவிட்டோரெல்லாம் கோட்டைவிட்டார்... தூங்காதே தம்பி தூங்காதே - சோம்பேறி என்ற பெயர் வாங்காதே... ⟪ © நாடோடி மன்னன் ✍ பட்டுக்கோட்டை கல்யாணசுந்தரம் ♫ S.M.சுப்பையா நாயுடு, S.M.பாலகிருஷ்ணன் 🎤 T.M.சௌந்தரராஜன் @ 1958 ⟫

---

பேதைப் படுக்கும் இழவூழ் அறிவகற்றும்
ஆகலூழ் உற்றக் கடை 372

தீவினை ஒருவனின் அறியாமைக்கும், நல்வினை அறிவின் விரிவுக்கும் காரணங்கள் ஆகும்...
மனிதராகப் பிறந்ததினால் மனிதரில்லை - பெரும் மாளிகையில் வசிப்பதனால் உயர்வுமில்லை... குணத்தால் சிறந்தவரே உயர்ந்தவராம் - அந்தக் கொள்கையுள்ள நல்லவரே மனிதர்களாம்... எண்ணத்திலே தாழ்ந்துவிட்ட மனிதர்களால் - இந்த உலகத்திலே பிறருக்கென்ன சுகங் கிடைக்கும்...? மண்ணிலே பொன் கிடைக்கும், மரத்திலே கனி கிடைக்கும்... ⟪ © நல்லவன் வாழ்வான் ✍ அ.மருதகாசி ♫ T.R.பாப்பா 🎤 P.சுசீலா @ 1961 ⟫ ∬ மண்குடிசை வாசலென்றால் - தென்றல் வர வெறுத்திடுமா...? மாலை நிலா ஏழையென்றால் - வெளிச்சம் தர மறுத்திடுமா...? உனக்காக ஒன்று எனக்காக ஒன்று - ஒருபோதும் தெய்வம் கொடுத்ததில்லை... கொடுத்ததெல்லாம் கொடுத்தான் - அவன் யாருக்காகக் கொடுத்தான்...? ஒருத்தருக்கா கொடுத்தான்...? - இல்லை ஊருக்காகக் கொடுத்தான்...? ⟪ © படகோட்டி ✍ அ.மருதகாசி ♫ விஸ்வநாதன்-ராமமூர்த்தி 🎤 T.M.சௌந்தரராஜன் @ 1956 ⟫

---

நுண்ணிய நூல்பல கற்பினும் மற்றுந்தன்
உண்மை யறிவே மிகும் 373

உயரிய நூல்களை ஒருவன் கற்றாலும், அவனுக்கு இயற்கை அறிவே மேற்படும்...
கொடுப்பதற்கும் சிரிப்பதற்கும் படிப்பு வேண்டுமா...? என்றும் குழந்தையைப்போல் வாழ்ந்துவிட்டால் துன்பம் தோன்றுமா...? படித்ததினால் அறிவுப் பெற்றோர் ஆயிரம் உண்டு... பாடம் படிக்காத மேதைகளும் பாரினில் உண்டு... ⟪ © படிக்காத மேதை ✍ கண்ணதாசன் ♫ K.V.மகாதேவன் 🎤 M.S.ராஜேஸ்வரி @ 1960 ⟫ ∬ ஜனத்தொகை மிகுந்ததாலும் பசித்துயர் மலிந்ததாலும், பணத்தொகை மிகுந்தோர் மேலும் பணம் சேர்க்க முயல்வதாலும், உழைத்தால்தான் பற்றாக்குறையை ஒழிக்க முடியும்... மக்கள் ஓய்ந்திருந்தால் நாட்டின் நிலைமை மோசமாக முடியும்... எதற்கும் படிப்பு தேவை - அதோடு உழைப்பும் தேவை - முன்னேறப் படிப்புத் தேவை... ⟪ © சங்கிலித் தேவன் ✍ பட்டுக்கோட்டை கல்யாணசுந்தரம் ♫ T.G.லிங்கப்பா 🎤 T.M.சௌந்தரராஜன் & குழுவினர் @ 1960 ⟫

---

இருவேறு உலகத்து இயற்கை திருவேறு
தெள்ளிய ராதலும் வேறு 374

பொருளாளி ஆவதும், அறிவாளி ஆவதும், வேறுவேறு முறைகளைக் கொண்டுள்ளன...
அறிவிருக்கும் அன்பிருக்கும் பண்பிருக்கும் சிலரிடம்... அழகிருக்கும் பணமிருக்கும் பகட்டிருக்கும் பலரிடம்... இது தெரியும் - அது தெரியாது...! கனதனவானின் நெஞ்சில் எந்நாளும் கபடம் பொறாமை எனும் அழுக்கிருக்கும்... கள்ளம் அறியாத பாட்டாளி மேனியில் உள்ளபடி வேர்வை அழுக்கிருக்கும்... இது தெரியும் - அது தெரியாது...! ⟪ © அல்லி பெற்ற பிள்ளை ✍ அ.மருதகாசி ♫ K.V.மகாதேவன் 🎤 T.M.சௌந்தரராஜன் @ 1959 ⟫ ∬ பொருளேதுமின்றி கருவாக வைத்து உருவாக்கி விட்டுவிட்டான்... அறிவென்ற ஒன்றை மரியாதை இன்றி இடம் மாற்றி வைத்து விட்டான்... கடவுள் செய்த பாவம் - இங்குக் காணும் துன்பம் யாவும் - என்ன மனமோ என்ன குணமோ - இந்த மனிதன் கொண்ட கோலம்... ⟪ © நாடோடி ✍ கண்ணதாசன் ♫ M.S.விஸ்வநாதன் 🎤 T.M.சௌந்தரராஜன் @ 1966 ⟫

---

நல்லவை எல்லாஅந் தீயவாம் தீயவும்
நல்லவாம் செல்வம் செயற்கு 375

நல்லது தீயதாவதும், தீயது நல்லதாவதும், தீவினை நல்வினை செயல்களினாம்...
வாலிபம் என்பது தணிகின்ற வேடம் - அதில் 'வந்தது வரட்டும்' என்பவன் முழு மூடன்... வருமுன் காப்பவன்தான் அறிவாளி - புயல் வருமுன் காப்பவன்தான் அறிவாளி - அது வந்தபின்னே தவிப்பவன்தான் ஏமாளி... துடுப்புகள் இல்லா படகு - அலைகள் அழைக்கின்ற திசையெல்லாம் போகும்... தீமையைத் தடுப்பவர் இல்லா வாழ்வும் - அந்த படகின் நிலை போலே ஆகும்... ⟪ © பூம்புகார் ✍ மு.கருணாநிதி ♫ R.சுதர்சனம் 🎤 K.B.சுந்தராம்பாள் @ 1964 ⟫ ∬ நடக்கும் என்பார் நடக்காது - நடக்காதென்பார் நடந்துவிடும்... கிடைக்கும் என்பார் கிடைக்காது - கிடைக்காதென்பார் கிடைத்துவிடும்... ⟪ © தாயைக் காத்த தனயன் ✍ கண்ணதாசன் ♫ K.V.மகாதேவன் 🎤 T.M.சௌந்தரராஜன் @ 1962 ⟫

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :