உனக்குள் ஒருவன்... உணர்ந்தால் இறைவன்... (பகுதி 1)

வணக்கம் நண்பர்களே... நாம் இன்று என் முந்தைய பதிவான தெய்வம் இருப்பது எங்கே ? என்ற பதிவிற்கேற்ற பாடல் வரிகளை வாசிப்போம்...


புதிதாக என் தளம் வருபவர்களுக்கு : (மற்ற நண்பர்கள் பாடல் வரிகளை ரசிக்கச் செல்லலாம்) நண்பர்களே... →தெய்வம் இருப்பது எங்கே ? ← இந்தப் பதிவு எழுதும் போது, என் மனதில் பல பாடல் வரிகள் தோன்றின. அவற்றில் எனக்குப் பிடித்த பாடல் வரிகளை மிக்ஸ் செய்து (DD Mix - Dindigul Dhanabalan Mix) வெளியிட்டேன்.. அதற்கு முன்... அந்தப் பதிவைப் படிக்காதவர்கள் பதிவின் மீது சொடுக்கி, படித்து / கேட்டு விட்டு வந்து, இந்தப் பாடல் வரிகளைப் படித்தால், பாடல்களின் மகத்துவத்தை அறியலாம். நீலக்கலரில்-அருமை வரிகள், என் கருத்துக்கள் எழுதினால் பதிவு நீளமாகி விடும் என்பதால், சிவப்புக் நிறத்தில் - நான் பாட்டுக்கு எதிர்ப்பாட்டு பாடுகிறேன்...

---

01. படம் : மன்னன், முதல் வரி : அம்மா என்றழைக்காத உயிரில்லையே...

அம்மா என்றழைக்காத உயிரில்லையே... அம்மாவை வணங்காது உயர்வில்லையே... நேரில் நின்று பேசும் தெய்வம்... பெற்ற தாயன்றி வேறொன்று ஏது ?

பத்து மாதம் சுமந்திருந்து பெற்றாள்... பகல் இரவாய் விழித்திருந்து வளர்த்தாள்... வித்தகனாய் கல்வி பெற வைத்தாள்... மேதினியில் நாம் வாழச் செய்தாள்... அன்னையைப் போல் ஒரு தெய்வமில்லை - அவள் அடி தொழ மறப்பவர் மனிதரில்லை... மண்ணில் மனிதரில்லை...
(படம் : அன்னையின் ஆணை)

---

02. படம் : நியூ, முதல் வரி : காலையில் தினமும் கண் விழித்தால்

காலையில் தினமும் கண் விழித்தால் நான் கை தொழும் தேவதை அம்மா... அன்பென்றாலே அம்மா... என் தாய் போல் ஆகிடுமா...?

எத்தனை செல்வங்கள் வந்தாலுமே... எத்தனை இன்பங்கள் தந்தாலுமே... அத்தனையும் ஒரு தாயாகுமா... அம்மா ! அம்மா! அம்மா ! எனக்கது நீயாகுமா ?... தாயின் ம‌டியில் த‌லை வைத்திருந்தால்... துய‌ர‌ம் தெரிவ‌தில்லை... (படம் : தாயின் மடியில்)

---

03. படம் : அன்னை ஓர் ஆலயம், முதல் வரி : அன்னை ஓர் ஆலயம்

என் கண்களும், என் நெஞ்சமும், கொண்டாடும் தெய்வம், தாயே... அன்னை ஓர் ஆலயம்... அன்னை ஓர் ஆலயம்...

எந்தக் குழந்தையும் நல்ல குழந்தை தான்... மண்ணில் பிறக்கையிலே-பின் நல்லவராவதும்... தீயவராவதும்... அன்னை வளர்க்கையிலே...
(படம் : நீதிக்குத் தலை வணங்கு)

---

04. படம் : M குமரன் S/o மகாலெட்சுமி, முதல் வரி : நீயே நீயே... நானே நீயே... நெஞ்சில் வாழும்... உயிர் தீயே நீயே...

என் கண்ணில் ஈரம் வந்தால், என் நெஞ்சில் பாரம் வந்தால், சாய்வேனே உன் தோளிலே... கண்ணீரே கூடாதென்றும், என் பிள்ளை வாடாதென்றும் சொல்வாயே, அந்நாளிலே... இனியொரு ஜென்மம், எடுத்து வந்தாலும், உன் மகன் ஆகும், வரம் தருவாய்...

எல்லாம் எனக்குள் இருந்தாலும்... என்னை தனக்குள் வைத்திருக்கும்... அன்னை மனமே என் கோயில்... அவளே என்றும் என் தெய்வம்...
(படம் : பாசம்)

---

05. படம் : ராமு, முதல் வரி : நம்பினார் கெடுவதில்லை

நம்பினார் கெடுவதில்லை... நான்கு மறை தீர்ப்பு... நல்லவர்க்கும் ஏழையர்க்கும் ஆண்டவனே காப்பு... பசிக்கு விருந்தாவான்... நோய்க்கு மருந்தாவான்... பரந்தாமன் சன்னதிக்கு... வாராய் நெஞ்சே..!

கிளி போலப் பேசு... இளங்குயில் போலப் பாடு... மலர் போலச் சிரித்து... நீ குறள் போல வாழு... மனதோடு கோபம், நீ வளர்த்தாலும் பாவம்... மெய்யான அன்பே தெய்வீகமாகும்... (படம் : நம் நாடு)

---

06. படம் : சுமைதாங்கி, முதல் வரி : மனிதன் என்பவன் தெய்வமாகலாம்...

ஊருக்கென்று வாழ்ந்த நெஞ்சம் சிலைகளாகலாம்... உறவுக்கென்று விரிந்த உள்ளம் மலர்களாகலாம்... யாருக்கென்று அழுதபோதும் தலைவனாகலாம்... மனம்... மனம்... அது கோவிலாகலாம்... மனம் இருந்தால் பறவைக் கூட்டில் மான்கள் வாழலாம்... வழியிருந்தால் கடுகுக்குள்ளே மலையைக் காணலாம்... துணிந்துவிட்டால் தலையில் எந்தச் சுமையும் தாங்கலாம்... குணம்.. குணம்... அது கோவிலாகலாம்...

பத்து மாதம் சுமந்த தாய்க்கே பணிவிடைகள் செய்கின்றோம்... பத்து வருடம் சுமந்த பள்ளிக்கு என்ன செய்ய நினைக்கின்றோம்...? இருக்கும் கோவில்கள் போதாதென்று புதிதாய் கோவில்கள் கட்டுகின்றோம்... பள்ளிகள் எல்லாம் கோவில்கள் என்பதை, ஏனோ நாமும் மறக்கின்றோம்... மீண்டும் பள்ளிக்குப் போகலாம்... நம்மை நாம் அங்கே தேடலாம்... (படம் : பள்ளிக்கூடம்)

---

07. படம் : அவன் தான் மனிதன், முதல் வரி : ஆட்டுவித்தால் யாரொருவர்... ஆடாதாரே கண்ணா... ஆசையெனும் தொட்டினிலே... ஆடாதாரே கண்ணா...

பாஞ்சாலி உன்னிடத்தில் சேலை கேட்டாள்... அந்தப் பார்த்தனவன் உன்னிடத்தில் கீதை கேட்டான்... நானிருக்கும், நிலையில் உன்னை என்ன கேட்பேன்...? இன்னும் நன்மை செய்து துன்பம் வாங்கும் உள்ளம் கேட்பேன்... /// கடலளவு கிடைத்தாலும் மயங்க மாட்டேன்... அது கையளவே ஆனாலும் கலங்க மாட்டேன்... உள்ளத்திலே உள்ளது தான் உலகம் கண்ணா... இதை உணர்ந்து கொண்டால் துன்பமெல்லாம் விலகும் கண்ணா...

முற்றும் கசந்தது என்று, பற்று அறுத்து வந்தவருக்குச் சுற்றம் என நின்றிருப்பான் ஒருவன்... அவனைத் தொடர்ந்து சென்றால் அவன் தான் இறைவன்... பூஜ்ஜியத்துக்குள்ளே ஒரு... ராஜ்யத்தை ஆண்டு கொண்டு, புரியாமலே இருப்பான் ஒருவன்... அவனைப் புரிந்து கொண்டால்... அவன்தான் இறைவன்... (படம் : வளர்பிறை)

---

மனிதராக இருப்பவர்கள் தங்களின் மனதிற்கேற்றவாறு, கடவுளை நம்புவதுண்டு... வானத்திலிருந்து நேரடியாகக் குதித்த பல பேருக்குக் கடவுள் என்றவுடனே 'பெரியார்' ஞாபகம் வருகிறதே... அப்போ அவர்கள் மனதில் பெரியார் தான் கடவுளாக இருப்பாரோ...? மற்ற எதையும் அவர் சிந்திக்க வைக்கலையா...? துன்பம் வரும் போது...? கடை சீர் (7) உதடுகள் ஒட்டவில்லை என்றாலும், உதடுகள் ஒட்டும் என்று சொல்லப்படும் ஒரு குறள் :

இடும்பைக்கு இடும்பை படுப்பர் இடும்பைக்கு
இடும்பை படாஅ தவர். (குறள் எண் : 623)

பொருள் : இடையூறுகள் வந்தபோது அதற்காக வருந்தாது மனத் தெளிவு உள்ளவர்கள், துன்பத்துக்குத் துன்பம் உண்டாக்கி அதனைப் போக்கி விடுவார்கள் - இடையூறுகள் கடவுளா...? மனத்தெளிவு கடவுளா...?

"ஹாய்... மனசாட்சி பேசறேன்... உலகத்திலே எளிதான வேலை செஞ்சிட்டே - கேள்விகள் கேட்கிறது தான்...! கோபமா...? வேண்டாம்பா, கோபத்திற்குக் குறள்கள் சொல்ல ஆரம்பிச்சிடுவே... நான் அதிகாரம் 31-ல் படிச்சிக்கிறேன்... இதே குறள் போல், உதடுகள் ஒட்டும் குறள் - நான் வேறு ஏதோ கேள்விப்பட்டேனே...!?"

ஓ.. அதுவா... பலரும் வயதான காலத்தில் அறிவது...! (குறள் எண் : 350)

பற்றுக பற்றற்றான் பற்றினை அப்பற்றைப்
பற்றுக பற்று விடற்கு.

பொருள் : பற்று இல்லாதவனான இறைவனது பற்றினை மட்டுமே பற்றுக. உலகப் பற்றினை விடுவதற்காக, அதனையே எப்போதும் எங்கேயும் விடாமல் பற்றிக் கொள்க.

---

உதடுகள் ஒட்டாத குறள்கள் இருக்காமே... அறிய → இங்கே ← சொடுக்கித் தொடர்வதற்கு முன் இந்தப் பதிவைப் பற்றி தங்களின் கருத்து என்ன...?

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :