திருக்குறள் அதிகாரங்கள் - ஐயனின் கணக்கியல் நுட்பம் (4)

அனைவருக்கும் வணக்கம்... எண் என்று சொல்லப்படும் கணித நூல் அறிவும், எழுத்து என்று சொல்லப்படும் இலக்கண இலக்கிய நூலறிவு ஆகிய இவ்விரண்டும் உலகில் வாழும் மக்களுக்குக் கண்கள் போன்றவை... வேண்டுகோள் : இப்பதிவை வாசிக்கத் திருக்குறள் மீது ஆர்வமும், சற்றே நுணுக்கமான கவனிப்பும் அவசியம் தேவை... நன்றி...


இதுவரை என்ன செய்தோம்...? என்பதை விளக்க, "இதற்கு ஒரு தொழினுட்ப அட்டவணை உருவாக்க முடியாதா...?" என்று தாத்தா மனதில் கேள்வி கேட்க, புதியதொரு தொழினுட்ப அட்டவணையைக் கற்றுக்கொண்டேன்...! ( மு என்பது அதிகாரத்தின் முதலெழுத்து & க என்பது அதிகாரத்தின் கடையெழுத்து - அவற்றை ஒவ்வொன்றாக ஒருமுறை சொடுக்கி....... வேண்டாம்... வாசிப்பவர்கள் கணினி என்றால் சுட்டியை உருட்ட உருட்ட அல்லது கைப்பேசி என்றால் சுட்டு விரலை மேலே மேலே தடவ வேண்டிவரும் என்பதால், இருமுறை சொடுக்கிப் பார்க்கவும்...! )

வ.எண்	அதிகார எண். அதிகாரம்	மு ↑	க ↑
	1. கடவுள்வாழ்த்து	க	து
	2. வான்சிறப்பு	வா	பு
	3. நீத்தார்பெருமை	நீ	மை
	4. அறன்வலியுறுத்தல்	அ	ல்
	5. இல்வாழ்க்கை	இ	கை
	6. வாழ்க்கைத்துணைநலம்	வா	ம்
	7. மக்கட்பேறு	ம	று
	8. அன்புடைமை	அ	மை
	9. விருந்தோம்பல்	வி	ல்
	10. இனியவைகூறல்	இ	ல்
	11. செய்ந்நன்றியறிதல்	செ	ல்
	12. நடுவுநிலைமை	ந	மை
	13. அடக்கமுடைமை	அ	மை
	14. ஒழுக்கமுடைமை	ஒ	மை
	15. பிறனில்விழையாமை	பி	மை
	16. பொறையுடைமை	பொ	மை
	17. அழுக்காறாமை	அ	மை
	18. வெஃகாமை	வெ	மை
	19. புறங்கூறாமை	பு	மை
	20. பயனிலசொல்லாமை	ப	மை
	21. தீவினையச்சம்	தீ	ம்
	22. ஒப்புரவறிதல்	ஒ	ல்
	23. ஈகை	ஈ	கை
	24. புகழ்	பு	ழ்
	25. அருளுடைமை	அ	மை
	26. புலான்மறுத்தல்	பு	ல்
	27. தவம்	த	ம்
	28. கூடாவொழுக்கம்	கூ	ம்
	29. கள்ளாமை	க	மை
	30. வாய்மை	வா	மை
	31. வெகுளாமை	வெ	மை
	32. இன்னாசெய்யாமை	இ	மை
	33. கொல்லாமை	கொ	மை
	34. நிலையாமை	நி	மை
	35. துறவு	து	வு
	36. மெய்யுணர்தல்	மெ	ல்
	37. அவாவறுத்தல்	அ	ல்
	38. ஊழ்	ஊ	ழ்
	39. இறைமாட்சி	இ	சி
	40. கல்வி	க	வி
	41. கல்லாமை	க	மை
	42. கேள்வி	கே	வி
	43. அறிவுடைமை	அ	மை
	44. குற்றங்கடிதல்	கு	ல்
	45. பெரியாரைத்துணைக்கோடல்	பெ	ல்
	46. சிற்றினஞ்சேராமை	சி	மை
	47. தெரிந்துசெயல்வகை	தெ	கை
	48. வலியறிதல்	வ	ல்
	49. காலமறிதல்	கா	ல்
	50. இடனறிதல்	இ	ல்
	51. தெரிந்துதெளிதல்	தெ	ல்
	52. தெரிந்துவினையாடல்	தெ	ல்
	53. சுற்றந்தழால்	சு	ல்
	54. பொச்சாவாமை	பொ	மை
	55. செங்கோன்மை	செ	மை
	56. கொடுங்கோன்மை	கொ	மை
	57. வெருவந்தசெய்யாமை	வெ	மை
	58. கண்ணோட்டம்	க	ம்
	59. ஒற்றாடல்	ஒ	ல்
	60. ஊக்கமுடைமை	ஊ	மை
	61. மடியின்மை	ம	மை
	62. ஆள்வினையுடைமை	ஆ	மை
	63. இடுக்கணழியாமை	இ	மை
	64. அமைச்சு	அ	சு
	65. சொல்வன்மை	சொ	மை
	66. வினைத்தூய்மை	வி	மை
	67. வினைத்திட்பம்	வி	ம்
	68. வினைசெயல்வகை	வி	கை
	69. தூது	தூ	து
	70. மன்னரைச்சேர்ந்தொழுகல்	ம	ல்
	71. குறிப்பறிதல்	கு	ல்
	72. அவையறிதல்	அ	ல்
	73. அவையஞ்சாமை	அ	மை
	74. நாடு	நா	டு
	75. அரண்	அ	ண்
	76. பொருள்செயல்வகை	பொ	கை
	77. படைமாட்சி	ப	சி
	78. படைச்செருக்கு	ப	கு
	79. நட்பு	ந	பு
	80. நட்பாராய்தல்	ந	ல்
	81. பழைமை	ப	மை
	82. தீநட்பு	தீ	பு
	83. கூடாநட்பு	கூ	பு
	84. பேதைமை	பே	மை
	85. புல்லறிவாண்மை	பு	மை
	86. இகல்	இ	ல்
	87. பகைமாட்சி	ப	சி
	88. பகைத்திறந்தெரிதல்	ப	ல்
	89. உட்பகை	உ	கை
	90. பெரியாரைப்பிழையாமை	பெ	மை
	91. பெண்வழிச்சேறல்	பெ	ல்
	92. வரைவின்மகளிர்	வ	ர்
	93. கள்ளுண்ணாமை	க	மை
	94. சூது	சூ	து
	95. மருந்து	ம	து
	96. குடிமை	கு	மை
	97. மானம்	மா	ம்
	98. பெருமை	பெ	மை
	99. சான்றாண்மை	சா	மை
	100. பண்புடைமை	ப	மை
	101. நன்றியில்செல்வம்	ந	ம்
	102. நாணுடைமை	நா	மை
	103. குடிசெயல்வகை	கு	கை
	104. உழவு	உ	வு
	105. நல்குரவு	ந	வு
	106. இரவு	இ	வு
	107. இரவச்சம்	இ	ம்
	108. கயமை	க	மை
	109. தகையணங்குறுத்தல்	த	ல்
	110. குறிப்புணர்தல்	கு	ல்
	111. புணர்ச்சியின்மகிழ்தல்	பு	ல்
	112. நலம்புனைந்துரைத்தல்	ந	ல்
	113. காதற்சிறப்புரைத்தல்	கா	ல்
	114. நாணுத்துறவுரைத்தல்	நா	ல்
	115. அலரறிவுறுத்தல்	அ	ல்
	116. பிரிவாற்றாமை	பி	மை
	117. படர்மெலிந்திரங்கல்	ப	ல்
	118. கண்விதுப்பழித்தல்	க	ல்
	119. பசப்புறுபருவரல்	ப	ல்
	120. தனிப்படர்மிகுதி	த	தி
	121. நினைந்தவர்புலம்பல்	நி	ல்
	122. கனவுநிலையுரைத்தல்	க	ல்
	123. பொழுதுகண்டிரங்கல்	பொ	ல்
	124. உறுப்புநலனழிதல்	உ	ல்
	125. நெஞ்சொடுகிளத்தல்	நெ	ல்
	126. நிறையழிதல்	நி	ல்
	127. அவர்வயின்விதும்பல்	அ	ல்
	128. குறிப்பறிவுறுத்தல்	கு	ல்
	129. புணர்ச்சிவிதும்பல்	பு	ல்
	130. நெஞ்சொடுபுலத்தல்	நெ	ல்
	131. புலவி	பு	வி
	132. புலவிநுணுக்கம்	பு	ம்
	133. ஊடலுவகை	ஊ	கை

133 அதிகாரங்களில், ஒரேயொரு முறை பதினான்கு (14) எழுத்துக்கள் முதலெழுத்தாகவும், ஒரேயொரு முறை ஏழு (7) எழுத்துக்கள் கடையெழுத்தாகவும், பயன்படுத்தப்பட்டுள்ளன என்பதை இருமுறை சொடுக்கிப் பார்த்து மேலேயே அறிந்திருப்பீர்கள்... ஆக மொத்தம் 21 அதிகாரங்கள்... இதை அப்படியே ஒரு அட்டவணையாக போடுவோம்...

ஒரேயொரு முறை வரும்
அ. எண்	முதலெழுத்து 14 அதிகாரங்கள்	அ. எண்	கடையெழுத்து 6 அதிகாரங்கள்
62	ஆள்வினையுடைமை	78	படைச்செருக்கு
23	ஈகை	64	அமைச்சு
42	கேள்வி	74	நாடு
99	சான்றாண்மை	75	அரண்
46	சிற்றினஞ்சேராமை	120	தனிப்படர்மிகுதி
53	சுற்றந்தழால்	92	வரைவின்மகளிர்
94	சூது	7	மக்கட்பேறு
65	சொல்வன்மை
35	துறவு
69	தூது
3	நீத்தார்பெருமை
84	பேதைமை
97	மானம்
36	மெய்யுணர்தல்
808	முதலெழுத்து 14 கடையெழுத்து 7	510	முதலெழுத்து 6 கடையெழுத்து 7
அதிகார எண்களின் எண்ணிக்கை 808+510=1318 (4)
மொத்த முதல் + கடை எண்ணிக்கை 14+7 ➕ 6+7 = 34 (7)

மொத்த அதிகார எண்களைக் கூட்டினால் ஏழு (7) வரவில்லை... ஆனால் மொத்த முதல் கடை எழுத்துக்களைக் கூட்டினால் 34 (7) வருகிறது... இந்தமுறையில் ஏழு (7) வருகிறது என்று சொல்லிக் கொள்ளலாம்... ஆனால் கணக்கிட்ட முறை தவறு.... மேலும் ஆய்வு தொடர்வோம்... முப்பால் எனும் நூல், ஏழு (7) எனும் எண்ணால் கட்டமைக்கப்பட்டுள்ளது என்று பலமுறை கூறியுள்ளேன்... இங்கு அவை அதிகாரங்களைப் பொறுத்தமட்டில், எவ்வாறு என்பது தான் இந்த ஓர் ஆய்வு...!

இன்றைய பதிவை தொடங்குவோம்...! இதுவரை தாத்தா என்ன செய்துள்ளார்...? 133 அதிகாரங்களை 19 பகுதிகளாகப் பிரித்துள்ளார்... (133➗7=19) ✔ ஆக ஒவ்வொரு பகுதியும் 7 அதிகாரங்கள்... ஒரு பகுதியைக் கடையெழுத்திற்கும், ஈரேழு பகுதியை முதலெழுத்திற்கும், மீதம் 16 பகுதியை ஏனைய எழுத்திற்கும் அமைத்துள்ளார்...! இப்போது 133 அதிகாரங்களின் கடையெழுத்துக்களையும் (➕) முதலெழுத்துக்களையும் (அதாவது 133 x 2 = 266 எழுத்துக்களை) இணைத்துக் கணக்கிட்டுப் பார்ப்போமே...! வாருங்கள் சுளகு நண்பனே, கண்ணிமைக்கும் நேரத்தில் சொல்...!

ஒரேயொரு முறை வரும் அதிகார கடையெழுத்தும் ➕ முதலெழுத்தும்
வரிசை எண்	அதிகார எண்	16  அதிகாரங்கள்
1	7	மக்கட்பேறு
2	74	நாடு
3	75	அரண்
4	92	வரைவின்மகளிர்
5	120	தனிப்படர்மிகுதி
மொத்தம் ①	368	→(3+6+8)=17=(1+7)=
6	3	நீத்தார்பெருமை
7	23	ஈகை
8	36	மெய்யுணர்தல்
9	42	கேள்வி
10	62	ஆள்வினையுடைமை
11	65	சொல்வன்மை
12	69	தூது
13	84	பேதைமை
14	94	சூது
15	97	மானம்
16	99	சான்றாண்மை
மொத்தம் ②	674	→(6+7+4)=17=(1+7)=
① + ②	1042	→ 7 ←= +

முதல்➕கடை = 266 எழுத்துக்களைக் கணக்கிட்டுப் பார்க்கும் போது, 21 அதிகாரங்களிலிருந்து 16 அதிகாரங்களாகக் குறைகிறது...! எண்களால் திருக்குறள் எண்ணான ஏழு, (7) "எட்டும் எட்டும் ஏழு" (+= 7 ) எனும் வகையில் கட்டமைக்கப்பட்டுள்ளது என்பதை அட்டவணையில் காண்கிறோம்... அதேபோல் எழுத்துக்களை ஏதேனும் கணக்கிட்டோமா...? இல்லையே; அதனால் மேற்கண்ட அட்டவணையிலிருந்து அதிகாரங்களின் முதல் & கடை எழுத்துக்களை மட்டும் பிரித்து ஆராய்வோம்...

ஒரேயொரு முறை வரும் அதிகார முதலெழுத்தும், கடையெழுத்தும்
வ. எண்	தவறு ✖		சரி ✔
	முதல்	கடை	முதல்	கடை
1	ம	று	ம	று
2	நா	டு	நா	டு
3	அ	ண்	அ	ண்
4	வ	ர்	வ	ர்
5	த	தி	த	தி
6	நீ	மை	நீ	மை
7	ஈ	கை	ஈ	கை
8	மெ	ல்	மெ	ல்
9	கே	வி	கே	வி
10	ஆ	மை	ஆ	மை
11	சொ	மை	சொ	மை
12	தூ	து	தூ	து
13	பே	மை	பே	மை
14	சூ	து	சூ	து
15	மா	ம்	மா	ம்
16	சா	மை	சா	மை
	16	9	11	5
	( 16 + 9 )= 25=(2+5)=  7		( 11 + 5 )= 16=(1+6)=  7

இந்த அட்டவணையை நம் மதி நுட்பத்தால் ஆராய்ந்து, தாத்தாவின் ஒரு சிறிய நுட்பத்தைப் பார்ப்போம்... சரி ✔ என்பதைத் தானாகப் புரிந்துகொள்ள வேண்டுமென்றால், தவறு ✖ தலைப்பின் கீழ் உள்ளதைப் பார்த்தாலே போதும்...! அப்படிப் பார்த்தால், முதல் எனும் நெடுவரிசையில் 16 வெவ்வேறு எழுத்துக்களும், கடை எனும் நெடுவரிசையில் 9 வெவ்வேறு எழுத்துக்களும், ஒரேயொரு முறை பயன்படுத்தப்பட்டுள்ளன... மொத்தம் (16+9) = 25 எழுத்துக்கள் மற்றும் திருக்குறள் எண் ஏழும் 25 = (2+5=7) வந்துவிட்டது... இதில் என்ன தவறு...?

உலகத்திலேயே மனிதன் செய்யும் மிகப்பெரிய தவறு என்னவென்று தெரியுமா...? என்னைப் பொறுத்தவரை, தான் செய்யும் செயலிலும், பேசும் பேச்சிலும், தான் செய்த தவற்றைத் தான் அறியாமல் வாழ்வதே...! இங்கும் அப்படித்தான்...! இத்துடன் இப்பதிவை முடித்து, "இதுவே அதிகாரத்தின் கட்டமைப்பு" என்று புல்லறிவாளனாக முடித்திருந்தால், என்றாவது ஒரு நாள், யாராவது ஒருவர், கணக்கியல் பதிவுகளின் படி செய்யும் போது, அவரும் யோசிக்காமல் விட்டுவிட்டால்...? தாத்தா இதற்கும், மிக அதிக தமிழ் இலக்கண மாத்திரையில் ஒலிக்கும், ஒரு குறள் வைத்துள்ளார் :- 849 காணாதான் காட்டுவான் தான்காணான் காணாதான் கண்டானாம் தான்கண்ட வாறு...! எண்களை யார் கணக்கிட்டாலும் விடை ஒன்றாகத் தான் வரும்...! ஆனால் எழுத்துக்களும், அதனால் உருவாகும் சொற்களும், பேச்சுக்களும், இடத்திற்கேற்ப, ஆளுக்கேற்ப, நேரத்திற்கேற்ப - போன்ற பலவகையில் மாறுபடும்...! அதனால் எழுத்துக்களைக் கணக்கிடும் போது, கவனம் அதிகம் தேவை...

சரி, தொழினுட்ப அட்டவணையில் மு மற்றும் க ஆகியவற்றைச் சொடுக்கிப் பார்த்தபோது, ம, நா, அ, வ, த, கை, ல், வி, ம் ஆகிய 9 எழுத்துக்களும், ஒரேயொரு முறை பயன்படுத்தியதாக வந்தனவா...? வரவே வராது...! ஏனென்றால் அந்த 9 எழுத்துக்கேற்ப

எடுத்துக்காட்டாக ஒரு கடையெழுத்து: வி எனும் எழுத்து, கேள்வி அதிகாரம் தவிர, கல்வி, புலவி ஆகிய அதிகாரங்களின் கடையெழுத்தாகவும், விருந்தோம்பல், வினைத்தூய்மை, வினைத்திட்பம், வினைசெயல்வகை ஆகிய அதிகாரங்களின் முதலெழுத்தாகவும் வருகிறது...! ஒரேயொரு முறை வரும் கே எனும் முதலெழுத்தினால் தான், கேள்வி அதிகாரமும் இந்த பட்டியலில் வருகிறது... அதனால் முதலும் கடையுமாக வருகின்ற வி எனும் எழுத்து, ஒரேயொருமுறை பயன்படுத்தியதாக வராது... அடுத்து எடுத்துக்காட்டாக ஒரு முதலெழுத்து: ம எனும் எழுத்து, மக்கட்பேறு அதிகாரம் தவிர, மடியின்மை, மன்னரைச்சேர்ந்தொழுதல், மருந்து, ஆகிய அதிகாரங்களின் முதலெழுத்தும் அதுவே...! எனவே, ஒரேயொருமுறை பயன்படுத்தியதாக வராது... இதுபோல் மற்ற 7 எழுத்துக்களும் (நா, அ, வ, த, கை, ல், ம்) அவ்வாறே... இதுவே ஐயனின் அதிகார கணக்கியல் ...! மேலும் :

ஒரேயொரு முறை வரும் று எனும் கடையெழுத்தினால் தான், மக்கட்பேறு அதிகாரமே இந்த பட்டியலில் வருகிறது... 61. பெறுமவற்றுள் யாமறிவது இல்லை அறிவறிந்த மக்கட்பேறு அல்ல பிற - மக்கட்பேறு அதிகாரத்தின் முதல் குறள்... வீடுபேறு, மோட்சம் - போன்ற உறுதிப்பொருட்கள் இல்லாதவற்றை எல்லாம் முப்பாலில் தேடினாலும் கிடைக்காது...! அறம், பொருள், இன்பம் மட்டுமே... மற்றவையெல்லாம் தமிழ்ப் பக்தி இயக்க காலத்தில் சில சிறுமைகளால் பரப்பப்பட்டவை... அதற்குத் துணையாகப் புரட்டுப் புராணங்கள் ஏராளம் + தாராளம்...! அந்த சில கீழ்களால் முப்பாலும் சிதைக்கப்பட்டது என்பது தான் கொடூரம்... இந்த அதிகார கட்டமைப்பின் பல சிறப்புகளில் ஒரு சிறப்பு, மிகவும் முக்கியமானது ஒன்று உண்டு...! ஏழாவது அதிகாரம் மக்கட்பேறு தான் என உறுதியாகிறது... கிட்டத்தட்ட 2000 வருடத்திற்கு முன்பிருந்தே பரிமேலழகர், அவரின் மதம் சார்ந்து புதல்வரைப் பெறுதல் என்று உரைத்து, அதற்கான நான்கு வர்ண விளக்கங்கள் எல்லாம் இங்கே கணக்கு உடைத்தெறிந்து விட்டதை அறிவது மிக மிக முக்கியம்... நம் நாட்டில் ஒவ்வொரு மனிதனும், உலகில் வாழும் கணக்கற்ற உயிரினங்களில் "தான் ஒரு மனிதப்பிறவி" என்று நினைத்து வாழும்வரை, நம் நாடு எந்த வகையிலும் முன்னேற்றம் காணாது...!

சரி ✔ எனும் நெடுவரிசையில் முடிவாக, 5 எழுத்துக்கள் ஒரேயொரு முறை கடையெழுத்தாகவும், 11 எழுத்துக்கள் ஒரேயொரு முறை முதலெழுத்தாகவும் பயன்படுத்தப்பட்டுள்ளன... (5+11) = 16 = (1+6) = 7 ✔ போகிற போக்கில் 5, 11 ஆகியவை பகா எண்கள் என்பதையும் மறக்காமல் கவனிக்க வேண்டும்...! எண்களாலும், முதல்+கடை எழுத்துகளாலும், அதிகாரத்தின் ஒரு பகுதி, திருக்குறள் எண்ணான ஏழில்  7  கட்டமைக்கப்பட்டுள்ளது...

---

// அதெல்லாம் சரி, முதல்➕கடை = 266 ஆகிய எழுத்துக்களைக் கணக்கிட்டுப் பார்க்கும் போது, 21 அதிகாரங்களிலிருந்து 16 அதிகாரங்களாகக் குறைகிறது...! (21-16) = அந்த 5 அதிகாரங்கள் எங்கே போயின...? அதாவது ஒரேயொரு முறை வரும் முதலெழுத்தைக் கொண்ட துறவு, சிற்றினஞ்சேராமை, சுற்றந்தழால் ஆகிய அதிகாரங்களும், ஒரேயொரு முறை வரும் கடையெழுத்தைக் கொண்ட அமைச்சு, படைச்செருக்கு ஆகிய அதிகாரங்களும் எங்கே...? // சுருக்கமாக : து, சி, சு, சு, கு ? இவ்வாறு யாருக்காவது ஐயம் வந்ததா...? அவ்வாறு வந்தாலும் வாராவிட்டாலும், "மேற்கூறிய அதே தான்" என்று சொல்லத் தேவையில்லை என்று எண்ணுகிறேன்...! ஏனெனில் இந்த ஐந்து எழுத்துக்களைக் கவனித்தாலே தெரிந்து விடும்... அமைச்'சு' என்று முடிவது, 'சு'ற்றந்தழால் என்று ஆரம்பிக்கிறது...! நன்றி...

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :