திருக்குறள் அதிகாரங்கள் - ஐயனின் கணக்கியல் நுட்பம் (4)

அனைவருக்கும் வணக்கம்... எண் என்று சொல்லப்படும் கணித நூல் அறிவும், எழுத்து என்று சொல்லப்படும் இலக்கண இலக்கிய நூலறிவு ஆகிய இவ்விரண்டும் உலகில் வாழும் மக்களுக்குக் கண்கள் போன்றவை... வேண்டுகோள் : இப்பதிவை வாசிக்கத் திருக்குறள் மீது ஆர்வமும், சற்றே நுணுக்கமான கவனிப்பும் அவசியம் தேவை... நன்றி...


இதுவரை என்ன செய்தோம்...? என்பதை விளக்க, "இதற்கு ஒரு தொழினுட்ப அட்டவணை உருவாக்க முடியாதா...?" என்று தாத்தா மனதில் கேள்வி கேட்க, புதியதொரு தொழினுட்ப அட்டவணையைக் கற்றுக்கொண்டேன்...! ( மு என்பது அதிகாரத்தின் முதலெழுத்து & க என்பது அதிகாரத்தின் கடையெழுத்து - அவற்றை ஒவ்வொன்றாக ஒருமுறை சொடுக்கி....... வேண்டாம்... வாசிப்பவர்கள் கணினி என்றால் சுட்டியை உருட்ட உருட்ட அல்லது கைப்பேசி என்றால் சுட்டு விரலை மேலே மேலே தடவ வேண்டிவரும் என்பதால், இருமுறை சொடுக்கிப் பார்க்கவும்...! )

வ.எண்	அதிகார எண். அதிகாரம்	மு ↑	க ↑
	1. கடவுள்வாழ்த்து	க	து
	2. வான்சிறப்பு	வா	பு
	3. நீத்தார்பெருமை	நீ	மை
	4. அறன்வலியுறுத்தல்	அ	ல்
	5. இல்வாழ்க்கை	இ	கை
	6. வாழ்க்கைத்துணைநலம்	வா	ம்
	7. மக்கட்பேறு	ம	று
	8. அன்புடைமை	அ	மை
	9. விருந்தோம்பல்	வி	ல்
	10. இனியவைகூறல்	இ	ல்
	11. செய்ந்நன்றியறிதல்	செ	ல்
	12. நடுவுநிலைமை	ந	மை
	13. அடக்கமுடைமை	அ	மை
	14. ஒழுக்கமுடைமை	ஒ	மை
	15. பிறனில்விழையாமை	பி	மை
	16. பொறையுடைமை	பொ	மை
	17. அழுக்காறாமை	அ	மை
	18. வெஃகாமை	வெ	மை
	19. புறங்கூறாமை	பு	மை
	20. பயனிலசொல்லாமை	ப	மை
	21. தீவினையச்சம்	தீ	ம்
	22. ஒப்புரவறிதல்	ஒ	ல்
	23. ஈகை	ஈ	கை
	24. புகழ்	பு	ழ்
	25. அருளுடைமை	அ	மை
	26. புலான்மறுத்தல்	பு	ல்
	27. தவம்	த	ம்
	28. கூடாவொழுக்கம்	கூ	ம்
	29. கள்ளாமை	க	மை
	30. வாய்மை	வா	மை
	31. வெகுளாமை	வெ	மை
	32. இன்னாசெய்யாமை	இ	மை
	33. கொல்லாமை	கொ	மை
	34. நிலையாமை	நி	மை
	35. துறவு	து	வு
	36. மெய்யுணர்தல்	மெ	ல்
	37. அவாவறுத்தல்	அ	ல்
	38. ஊழ்	ஊ	ழ்
	39. இறைமாட்சி	இ	சி
	40. கல்வி	க	வி
	41. கல்லாமை	க	மை
	42. கேள்வி	கே	வி
	43. அறிவுடைமை	அ	மை
	44. குற்றங்கடிதல்	கு	ல்
	45. பெரியாரைத்துணைக்கோடல்	பெ	ல்
	46. சிற்றினஞ்சேராமை	சி	மை
	47. தெரிந்துசெயல்வகை	தெ	கை
	48. வலியறிதல்	வ	ல்
	49. காலமறிதல்	கா	ல்
	50. இடனறிதல்	இ	ல்
	51. தெரிந்துதெளிதல்	தெ	ல்
	52. தெரிந்துவினையாடல்	தெ	ல்
	53. சுற்றந்தழால்	சு	ல்
	54. பொச்சாவாமை	பொ	மை
	55. செங்கோன்மை	செ	மை
	56. கொடுங்கோன்மை	கொ	மை
	57. வெருவந்தசெய்யாமை	வெ	மை
	58. கண்ணோட்டம்	க	ம்
	59. ஒற்றாடல்	ஒ	ல்
	60. ஊக்கமுடைமை	ஊ	மை
	61. மடியின்மை	ம	மை
	62. ஆள்வினையுடைமை	ஆ	மை
	63. இடுக்கணழியாமை	இ	மை
	64. அமைச்சு	அ	சு
	65. சொல்வன்மை	சொ	மை
	66. வினைத்தூய்மை	வி	மை
	67. வினைத்திட்பம்	வி	ம்
	68. வினைசெயல்வகை	வி	கை
	69. தூது	தூ	து
	70. மன்னரைச்சேர்ந்தொழுகல்	ம	ல்
	71. குறிப்பறிதல்	கு	ல்
	72. அவையறிதல்	அ	ல்
	73. அவையஞ்சாமை	அ	மை
	74. நாடு	நா	டு
	75. அரண்	அ	ண்
	76. பொருள்செயல்வகை	பொ	கை
	77. படைமாட்சி	ப	சி
	78. படைச்செருக்கு	ப	கு
	79. நட்பு	ந	பு
	80. நட்பாராய்தல்	ந	ல்
	81. பழைமை	ப	மை
	82. தீநட்பு	தீ	பு
	83. கூடாநட்பு	கூ	பு
	84. பேதைமை	பே	மை
	85. புல்லறிவாண்மை	பு	மை
	86. இகல்	இ	ல்
	87. பகைமாட்சி	ப	சி
	88. பகைத்திறந்தெரிதல்	ப	ல்
	89. உட்பகை	உ	கை
	90. பெரியாரைப்பிழையாமை	பெ	மை
	91. பெண்வழிச்சேறல்	பெ	ல்
	92. வரைவின்மகளிர்	வ	ர்
	93. கள்ளுண்ணாமை	க	மை
	94. சூது	சூ	து
	95. மருந்து	ம	து
	96. குடிமை	கு	மை
	97. மானம்	மா	ம்
	98. பெருமை	பெ	மை
	99. சான்றாண்மை	சா	மை
	100. பண்புடைமை	ப	மை
	101. நன்றியில்செல்வம்	ந	ம்
	102. நாணுடைமை	நா	மை
	103. குடிசெயல்வகை	கு	கை
	104. உழவு	உ	வு
	105. நல்குரவு	ந	வு
	106. இரவு	இ	வு
	107. இரவச்சம்	இ	ம்
	108. கயமை	க	மை
	109. தகையணங்குறுத்தல்	த	ல்
	110. குறிப்புணர்தல்	கு	ல்
	111. புணர்ச்சியின்மகிழ்தல்	பு	ல்
	112. நலம்புனைந்துரைத்தல்	ந	ல்
	113. காதற்சிறப்புரைத்தல்	கா	ல்
	114. நாணுத்துறவுரைத்தல்	நா	ல்
	115. அலரறிவுறுத்தல்	அ	ல்
	116. பிரிவாற்றாமை	பி	மை
	117. படர்மெலிந்திரங்கல்	ப	ல்
	118. கண்விதுப்பழித்தல்	க	ல்
	119. பசப்புறுபருவரல்	ப	ல்
	120. தனிப்படர்மிகுதி	த	தி
	121. நினைந்தவர்புலம்பல்	நி	ல்
	122. கனவுநிலையுரைத்தல்	க	ல்
	123. பொழுதுகண்டிரங்கல்	பொ	ல்
	124. உறுப்புநலனழிதல்	உ	ல்
	125. நெஞ்சொடுகிளத்தல்	நெ	ல்
	126. நிறையழிதல்	நி	ல்
	127. அவர்வயின்விதும்பல்	அ	ல்
	128. குறிப்பறிவுறுத்தல்	கு	ல்
	129. புணர்ச்சிவிதும்பல்	பு	ல்
	130. நெஞ்சொடுபுலத்தல்	நெ	ல்
	131. புலவி	பு	வி
	132. புலவிநுணுக்கம்	பு	ம்
	133. ஊடலுவகை	ஊ	கை

133 அதிகாரங்களில், ஒரேயொரு முறை பதினான்கு (14) எழுத்துக்கள் முதலெழுத்தாகவும், ஒரேயொரு முறை ஏழு (7) எழுத்துக்கள் கடையெழுத்தாகவும், பயன்படுத்தப்பட்டுள்ளன என்பதை இருமுறை சொடுக்கிப் பார்த்து மேலேயே அறிந்திருப்பீர்கள்... கடந்த மூன்று பதிவுகளில் இதையே வேறுவிதமாகச் சொல்லியிருந்தேன்... இப்போது கணினி Excel கோப்பில் செய்த கணக்கியலை படமாகக் கீழே :-


ஆக மொத்தம் 14+7=21 அதிகாரங்கள் வருகிறது... மேற்படி அட்டவணையில் இரு தொகுப்புகளில், பயன்படுத்திய முதல் + கடை எழுத்துக்களின் எண்ணிக்கைகளைக் கூட்டினால் 14+7 + 6+7 =34=3+4= திருக்குறள் எண் ஏழு (7) வருகிறது... மொத்த அதிகார எண்களைக் கூட்டினால் (808+510) மூல எண் ஏழு (7) வரவில்லை... அதற்காக முந்தைய இரு பதிவுகளிலும், சில அதிகார எண்களை நீக்கி, திருக்குறள் எண் ஏழு (7) வருமாறு செய்தோம்... மேலும் விளக்கமாக :

→கடையெழுத்து கணக்கு (2)← பதிவில், 64.அமைச்சு, 78.படைச்செருக்கு ஆகிய இரண்டு அதிகாரங்களையும் நீக்கினோம்... அதே போல் : →முதலெழுத்து கணக்கு (3)← பதிவில், நீக்கப்பட்ட அதிகார எண்களின் பெயர்கள் :- 35.துறவு, 46.சிற்றினஞ்சேராமை, 53.சுற்றந்தழால் ஆகியவை ஆகும்... சுருக்கமாக : து, சி, சு, சு, கு - இவை எவ்வாறு நீங்கியது...? இதோ: இப்போது 133 அதிகாரங்களின் கடையெழுத்துக்களையும் (➕) முதலெழுத்துக்களையும் இணைத்துக் கணக்கிட்டுப் பார்ப்போமே...!

ஒரேயொரு முறை வரும் அதிகார கடையெழுத்தும் ➕ முதலெழுத்தும்
வரிசை எண்	அதிகார எண்	16  அதிகாரங்கள்
1	7	மக்கட்பேறு
2	74	நாடு
3	75	அரண்
4	92	வரைவின்மகளிர்
5	120	தனிப்படர்மிகுதி
மொத்தம் ①	368	→(3+6+8)=17=(1+7)=
6	3	நீத்தார்பெருமை
7	23	ஈகை
8	36	மெய்யுணர்தல்
9	42	கேள்வி
10	62	ஆள்வினையுடைமை
11	65	சொல்வன்மை
12	69	தூது
13	84	பேதைமை
14	94	சூது
15	97	மானம்
16	99	சான்றாண்மை
மொத்தம் ②	674	→(6+7+4)=17=(1+7)=
① + ②	1042	→ 7 ←= +

முதல்➕கடை = 266 எழுத்துக்களைக் கணக்கிட்டுப் பார்க்கும் போது, (14+7=)21 அதிகாரங்களிலிருந்து 16 அதிகாரங்களாகக் குறைகிறது...! எண்களால் திருக்குறள் எண்ணான ஏழு, (7) "எட்டும் எட்டும் ஏழு" (+= 7 ) எனும் வகையில் கட்டமைக்கப்பட்டுள்ளது என்பதை அட்டவணையில் காண்கிறோம்... அதேபோல் எழுத்துக்களாலும் திருக்குறள் எண்ணான ஏழு, (7) கட்டமைக்கப்பட்டுள்ளது என்பதை கீழ்க்காணும் அட்டவணையில் காணலாம்...

ஒரேயொரு முறை வரும் அதிகார முதலெழுத்தும், கடையெழுத்தும்
வ. எண்	முதல்	கடை
1	ம	று
2	நா	டு
3	அ	ண்
4	வ	ர்
5	த	தி
6	நீ	மை
7	ஈ	கை
8	மெ	ல்
9	கே	வி
10	ஆ	மை
11	சொ	மை
12	தூ	து
13	பே	மை
14	சூ	து
15	மா	ம்
16	சா	மை
	11	5
( 11 + 5 )=16=(1+6)= 7

து, சி, சு, சு, கு - ஆகிய எழுத்துக்கள் எவ்வாறு நீங்கியது...? அவை எடுத்துக்காட்டாக ஒரு கடையெழுத்து: வி எனும் எழுத்து, கேள்வி அதிகாரம் தவிர, கல்வி, புலவி ஆகிய அதிகாரங்களின் கடையெழுத்தாகவும், விருந்தோம்பல், வினைத்தூய்மை, வினைத்திட்பம், வினைசெயல்வகை ஆகிய அதிகாரங்களின் முதலெழுத்தாகவும் வருகிறது...! ஒரேயொரு முறை வரும் கே எனும் முதலெழுத்தினால் தான், கேள்வி அதிகாரமும் இந்த பட்டியலில் வருகிறது... அதனால் முதலும் கடையுமாக வருகின்ற வி எனும் எழுத்து, ஒரேயொருமுறை பயன்படுத்தியதாக வராது... அடுத்து எடுத்துக்காட்டாக ஒரு முதலெழுத்து: ம எனும் எழுத்து, மக்கட்பேறு அதிகாரம் தவிர, மடியின்மை, மன்னரைச்சேர்ந்தொழுதல், மருந்து, ஆகிய அதிகாரங்களின் முதலெழுத்தும் அதுவே...! எனவே, ஒரேயொருமுறை பயன்படுத்தியதாக வராது... இதுவே ஐயனின் அதிகார கணக்கியல் ...! மேலும் மேற்படி நீங்கிய எழுத்துக்களான து, சி, சு, சு, கு - ஆகியவையும், ஐயனின் இதே நுட்பத்தால் நீங்கி, எண்களாலும், எழுத்துக்களாலும், திருக்குறள் எண் ஏழு (7) வருவதாகக் கட்டமைக்கப்பட்டுள்ளது...

ஒரேயொரு முறை வரும் று எனும் கடையெழுத்தினால் தான், மக்கட்பேறு அதிகாரமே இந்த பட்டியலில் வருகிறது... 61. பெறுமவற்றுள் யாமறிவது இல்லை அறிவறிந்த மக்கட்பேறு அல்ல பிற - மக்கட்பேறு அதிகாரத்தின் முதல் குறள்... வீடுபேறு, மோட்சம் - போன்ற உறுதிப்பொருட்கள் இல்லாதவற்றை எல்லாம் முப்பாலில் தேடினாலும் கிடைக்காது...! அறம், பொருள், இன்பம் மட்டுமே... மற்றவையெல்லாம் தமிழ்ப் பக்தி இயக்க காலத்தில் சில சிறுமைகளால் பரப்பப்பட்டவை... அதற்குத் துணையாகப் புரட்டுப் புராணங்கள் ஏராளம் + தாராளம்...! அந்த சில கீழ்களால் முப்பாலும் சிதைக்கப்பட்டது என்பது தான் கொடூரம்... இந்த அதிகார கட்டமைப்பின் பல சிறப்புகளில் ஒரு சிறப்பு, மிகவும் முக்கியமானது ஒன்று உண்டு...! ஏழாவது அதிகாரம் மக்கட்பேறு தான் என உறுதியாகிறது... கிட்டத்தட்ட 2000 வருடத்திற்கு முன்பிருந்தே பரிமேலழகர், அவரின் மதம் சார்ந்து புதல்வரைப் பெறுதல் என்று உரைத்து, அதற்கான நான்கு வர்ண விளக்கங்கள் எல்லாம் இங்கே கணக்கு உடைத்தெறிந்து விட்டதை அறிவது மிக மிக முக்கியம்... நம் நாட்டில் ஒவ்வொரு மனிதனும், உலகில் வாழும் கணக்கற்ற உயிரினங்களில் "தான் ஒரு மனிதப்பிறவி" என்று நினைத்து வாழும்வரை, நம் நாடு எந்த வகையிலும் முன்னேற்றம் காணாது...!

---

கணினி கோப்பில் செய்த கணக்கியலை படமாகக் கீழே :- நன்றி...

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :