திருக்குறள் அதிகாரங்கள் - ஐயனின் கணக்கியல் நுட்பம் (5)

அனைவருக்கும் வணக்கம்...
ഽ  மு  = முதல் = முதலெழுத்து ഽ  க  = கடை = கடையெழுத்து ഽ
என்று சுருக்கமாக அழைத்துக் கொள்வோம்...!

முந்தைய திருக்குறள் அதிகாரங்கள் - →ஐயனின் கணக்கியல் நுட்பம் ←(4) பதிவில், ஒரு தொழினுட்ப நுட்பம் மூலம், அனைத்து அதிகாரங்களின் முதலும் கடையும் தனித்தனியாக கணக்கிட்ட போது, (முதல் 14 + கடை 7) 21 அதிகாரங்கள் வந்தன... அடுத்து :


முதலும் கடையும் இணைத்து கணக்கிட்ட போது, 25^# அதிகாரங்கள் - மூல எண் 7^# என்று வந்தாலும், அது தவறு என்று தெளிந்து உணர்ந்து விட்டு, "கண்ணை நம்பாதே - உன்னை ஏமாற்றும்... உன்னை ஏமாற்றும் - நீ காணும் தோற்றம்... உண்மை இல்லாதது... கணக்கை நீ நம்பு - உள்ளம் தெளிவாகும்... அடையாளம் காட்டும் - பொய்யே சொல்லாதது...!" என்று மனதில் பாட்டு பாடிவிட்டு, முடிவாக 16^🔯 அதிகாரங்கள் - மூல எண் 7^🔯 என்று வருவது தான் சரி என்பதையும், ஒரேயொரு முறை முதல் 11 எழுத்துக்களாலும் மற்றும் கடை 5 எழுத்துக்களாலும் கட்டமைக்கப்பட்டுள்ளது என்பதை உறுதி செய்தோம்... 16 அதிகாரங்கள் தவிர மற்ற (133-16=) 117 அதிகாரங்களும் எவ்வாறு கட்டமைக்கப்பட்டுள்ளது என்பதையும் அறிந்து கொள்ள வேண்டும் அல்லவா...? அதற்கு முதலில், முந்தைய பதிவின் முடிவில் ஒரு பத்தி :-

// அதெல்லாம் சரி, முதல்➕கடை = 266 ஆகிய எழுத்துக்களைக் கணக்கிட்டுப் பார்க்கும் போது, 21 அதிகாரங்களிலிருந்து 16 அதிகாரங்களாகக் குறைகிறது...! (21-16) = அந்த 5 அதிகாரங்கள் எங்கே போயின...? அதாவது ஒரேயொரு முறை வரும் முதலெழுத்தைக் கொண்ட துறவு, சிற்றினஞ்சேராமை, சுற்றந்தழால் ஆகிய அதிகாரங்களும், ஒரேயொரு முறை வரும் கடையெழுத்தைக் கொண்ட அமைச்சு, படைச்செருக்கு ஆகிய அதிகாரங்களும் எங்கே...? சுருக்கமாக : து, சி, சு, சு, கு ? // அடுத்து வரும் தொழினுட்பம் அல்லாத அட்டவணையில், கணக்கிட போவது 117 அதிகாரங்கள் தான்... ஆனால், அதில் முதலில் து, சி, சு, சு, கு ஆகிய 5 அதிகாரங்களும் அல்லது 5 எழுத்துக்களும், எவ்வாறு மற்ற அதிகாரங்களில் முதல் அல்லது கடை எழுத்தாகவோ இருக்கும் நுட்பத்தை பார்த்து விடுவோம்...!

வ.எண்	அதிகார எண். அதிகாரங்கள்	மு	க
1	35. துறவு	து	வு
2	1. கடவுள்வாழ்த்து	க	து
3	95. மருந்து	ம	து
4	46. சிற்றினஞ்சேராமை	சி	மை
5	39. இறைமாட்சி	இ	சி
6	77. படைமாட்சி	ப	சி
7	87. பகைமாட்சி	ப	சி
8	64. அமைச்சு	அ	சு
9	53. சுற்றந்தழால்	சு	ல்
10	78. படைச்செருக்கு	ப	கு
11	44. குற்றங்கடிதல்	கு	ல்
12	71. குறிப்பறிதல்	கு	ல்
13	96. குடிமை	கு	மை
14	103. குடிசெயல்வகை	கு	கை
15	110. குறிப்புணர்தல்	கு	ல்
16	128. குறிப்பறிவுறுத்தல்	கு	ல்
❋❋❋	❋❋❋❋❋❋❋❋❋❋❋❋❋❋	❋❋	❋❋
17	2. வான்சிறப்பு	வா	பு
18	4. அறன்வலியுறுத்தல்	அ	ல்
19	5. இல்வாழ்க்கை	இ	கை
20	6. வாழ்க்கைத்துணைநலம்	வா	ம்
21	8. அன்புடைமை	அ	மை
22	9. விருந்தோம்பல்	வி	ல்
23	10. இனியவைகூறல்	இ	ல்
24	11. செய்ந்நன்றியறிதல்	செ	ல்
25	12. நடுவுநிலைமை	ந	மை
26	13. அடக்கமுடைமை	அ	மை
27	14. ஒழுக்கமுடைமை	ஒ	மை
28	15. பிறனில்விழையாமை	பி	மை
29	16. பொறையுடைமை	பொ	மை
30	17. அழுக்காறாமை	அ	மை
31	18. வெஃகாமை	வெ	மை
32	19. புறங்கூறாமை	பு	மை
33	20. பயனிலசொல்லாமை	ப	மை
34	21. தீவினையச்சம்	தீ	ம்
35	22. ஒப்புரவறிதல்	ஒ	ல்
36	24. புகழ்	பு	ழ்
37	25. அருளுடைமை	அ	மை
38	26. புலான்மறுத்தல்	பு	ல்
39	27. தவம்	த	ம்
40	28. கூடாவொழுக்கம்	கூ	ம்
41	29. கள்ளாமை	க	மை
42	30. வாய்மை	வா	மை
43	31. வெகுளாமை	வெ	மை
44	32. இன்னாசெய்யாமை	இ	மை
45	33. கொல்லாமை	கொ	மை
46	34. நிலையாமை	நி	மை
47	37. அவாவறுத்தல்	அ	ல்
48	38. ஊழ்	ஊ	ழ்
49	40. கல்வி	க	வி
50	41. கல்லாமை	க	மை
51	43. அறிவுடைமை	அ	மை
52	45. பெரியாரைத்துணைக்கோடல்	பெ	ல்
53	47. தெரிந்துசெயல்வகை	தெ	கை
54	48. வலியறிதல்	வ	ல்
55	49. காலமறிதல்	கா	ல்
56	50. இடனறிதல்	இ	ல்
57	51. தெரிந்துதெளிதல்	தெ	ல்
58	52. தெரிந்துவினையாடல்	தெ	ல்
59	54. பொச்சாவாமை	பொ	மை
60	55. செங்கோன்மை	செ	மை
61	56. கொடுங்கோன்மை	கொ	மை
62	57. வெருவந்தசெய்யாமை	வெ	மை
63	58. கண்ணோட்டம்	க	ம்
64	59. ஒற்றாடல்	ஒ	ல்
65	60. ஊக்கமுடைமை	ஊ	மை
66	61. மடியின்மை	ம	மை
67	63. இடுக்கணழியாமை	இ	மை
68	66. வினைத்தூய்மை	வி	மை
69	67. வினைத்திட்பம்	வி	ம்
70	68. வினைசெயல்வகை	வி	கை
71	70. மன்னரைச்சேர்ந்தொழுகல்	ம	ல்
72	72. அவையறிதல்	அ	ல்
73	73. அவையஞ்சாமை	அ	மை
74	76. பொருள்செயல்வகை	பொ	கை
75	79. நட்பு	ந	பு
76	80. நட்பாராய்தல்	ந	ல்
77	81. பழைமை	ப	மை
78	82. தீநட்பு	தீ	பு
79	83. கூடாநட்பு	கூ	பு
80	85. புல்லறிவாண்மை	பு	மை
81	86. இகல்	இ	ல்
82	88. பகைத்திறந்தெரிதல்	ப	ல்
83	89. உட்பகை	உ	கை
84	90. பெரியாரைப்பிழையாமை	பெ	மை
85	91. பெண்வழிச்சேறல்	பெ	ல்
86	93. கள்ளுண்ணாமை	க	மை
87	98. பெருமை	பெ	மை
88	100. பண்புடைமை	ப	மை
89	101. நன்றியில்செல்வம்	ந	ம்
90	102. நாணுடைமை	நா	மை
91	104. உழவு	உ	வு
92	105. நல்குரவு	ந	வு
93	106. இரவு	இ	வு
94	107. இரவச்சம்	இ	ம்
95	108. கயமை	க	மை
96	109. தகையணங்குறுத்தல்	த	ல்
97	111. புணர்ச்சியின்மகிழ்தல்	பு	ல்
98	112. நலம்புனைந்துரைத்தல்	ந	ல்
99	113. காதற்சிறப்புரைத்தல்	கா	ல்
100	114. நாணுத்துறவுரைத்தல்	நா	ல்
101	115. அலரறிவுறுத்தல்	அ	ல்
102	116. பிரிவாற்றாமை	பி	மை
103	117. படர்மெலிந்திரங்கல்	ப	ல்
104	118. கண்விதுப்பழித்தல்	க	ல்
105	119. பசப்புறுபருவரல்	ப	ல்
106	121. நினைந்தவர்புலம்பல்	நி	ல்
107	122. கனவுநிலையுரைத்தல்	க	ல்
108	123. பொழுதுகண்டிரங்கல்	பொ	ல்
109	124. உறுப்புநலனழிதல்	உ	ல்
110	125. நெஞ்சொடுகிளத்தல்	நெ	ல்
111	126. நிறையழிதல்	நி	ல்
112	127. அவர்வயின்விதும்பல்	அ	ல்
113	129. புணர்ச்சிவிதும்பல்	பு	ல்
114	130. நெஞ்சொடுபுலத்தல்	நெ	ல்
115	131. புலவி	பு	வி
116	132. புலவிநுணுக்கம்	பு	ம்
117	133. ஊடலுவகை	ஊ	கை
	பயன்படுத்தப்பட்ட  எழுத்துக்கள்	31	12

அட்டவணை கணக்கு சொல்வது என்னவென்றால், 117 முதலெழுத்துக்களைக் கணக்கிட்டால் 31 எழுத்துக்களும், 117 கடையெழுத்துக்களைக் கணக்கிட்டால் 12 எழுத்துக்களும் பயன்படுத்தப்பட்டிருக்கின்றன... அதனால் இந்த கணக்கியலில், திருக்குறள் எண்ணான ஏழு = 31 ➕ 12 = 43 = (4+3) =  7  என்று வருகிறது...! முதலும் கடையும் சேர்த்துக் கணக்கிட்டால், அதாவது 117+117 = 234 எழுத்துக்களைக் கணக்கிட்டால், 37 எழுத்துக்கள் பயன்படுத்தப்பட்டிருக்கிறதாக வருகிறது...! 37 = பகா எண் மற்றும் இதன் மூல எண் ஒன்று (1) ஆகும்...

அடுத்ததாக ஒரேயொரு முறை பயன்படுத்திய எழுத்துக்களைக் கணக்கிடுவோம்... முதலும் கடையும் தனித்தனியே கணக்கிட்டால், 4 முதலெழுத்துக்களும், 2 கடையெழுத்துக்களும் பயன்படுத்தியதாக வருகிறது... (இது சரியில்லையே...!) முதலும் கடையும் சேர்த்துக் கணக்கிட்டால், ஒரேயொரு முறை ஒரேயொரு எழுத்து வருகிறது...! அது  வ...!  அட்டவணையைப் பாருங்கள்; அது வலியறிதல் அதிகாரம்...! தாத்தா என்ன இது...? ஏன்...? இதற்கும் கணக்கிற்கும் என்ன தொடர்பு இருக்க முடியும்...? மேற்கொண்டு கணக்கு செய்ய வேண்டும் என்று வழி சொல்லுமா...? அடுத்த பதிவில் எழுத்துக்களின் கணக்கைச் செய்வோம்... இப்போது சற்றே எழுத்து பேசுவதைப் பேசுவோம்...!

---

இன்றைய அட்டவணையில் மட்டுமல்ல; 133 அதிகாரங்களில் ஒரேயொரு முறை வரும் ஒரு அதிகாரத்தின் கடையெழுத்து, ஒரேயொரு முறை வேறொரு அதிகாரத்தின் முதலெழுத்தாகவும் வருகிறது...! அவை: அமைச்⇐சு⇒ற்றந்தழால்...! இந்த நுட்பத்தைத் தான் இந்த தொடரின் முதல் பதிவிலேயே கேட்டேன்...! தாத்தா, "ஒரு நாட்டின் அமைச்சரவையானது, சுற்றந்தழால் போல் இருக்க வேண்டும்" என்று ஓரெழுத்து நுட்பத்தில் சொல்லிவிட்டார்... இங்கோ மணிப்பூர் எரிய, பேடி பேசாது, நெய் ஊற்றிக் கொண்டிருக்கிறது...! // →அமைச்சு← அதிகாரத்தைக் குறளின் குரலாக, அதில் முதல் கேள்வியாக 1. தலைமை என்றால் எப்படி இருக்க வேண்டும்...? என்று ஆரம்பித்து ⇝ 10. அற்புதம்ங்க... வாயிலே வடை சுட்ற ஆட்கள் இப்போ பெருகிகிட்டு வர்றாங்க... முதல் கேள்விக்கு இப்போ என்ன பதில் சொல்லப் போறீங்க...? // என்று முன்பே எழுதி விட்டேன்... வாசிக்காத குடும்பத் தலைமைகள் இணைப்பிற்குச் சென்று பதில் தரலாம்...!

சுற்றந்தழால் ։➖ ஒருவர் தன் சுற்றத்தாரைப் பேணிக் கொண்டு, தன் இடத்திலிருந்து நீங்காமல் இருக்கச் செய்தலைச் சொல்வதே ஆகும்... நட்புச்சுற்றம், உறவுச்சுற்றம், தொழில்முறைச் சுற்றம், வலைப்பூ சுற்றம், எனப் பல சுற்றங்கள், அவரவர் மனத்திற்கேற்ப செயலுக்கேற்ப உண்டு...! இந்த அதிகாரம் நாட்டின் தலைமைக்கு மட்டுமன்றி ஏனையோருக்கும் பொருந்தும்...! பல குடும்பப் பிரிவினைக்குக் காரணமாக இருப்பது ஒப்பீடும், அதனால் செய்யும் ஓரவஞ்சனையும் ஆகும்... அதனால் இன்றைய காலத்தில் கூட்டுக்குடும்பம் 'மறை(ற)ந்து' விட்டதால், இங்குச் சொல்வது தாய், தந்தை, குழந்தைகள் கொண்ட தனிக்குடும்பம்...! எல்லாரையும் ஒரே தன்மை கொண்டவராக வைத்துப் பொதுவாகப் பார்க்கக்கூடாது என்று சொல்கிறார் தாத்தா... குடும்பத் தலைமையானது, தனது குழந்தைகளின் தகுதிக்கும் திறமைக்கும் ஏற்பச் செயல்பட வேண்டும்... அத்துடன் சிறப்புத் தேவைகளை வரிசை அறிந்தும் செய்ய வேண்டும்... இன்றைய மேலாண்மைக் கோட்பாட்டுடன் ஒத்த கருத்தைத் தரும் குறள் : 528. பொதுநோக்கான் வேந்தன் வரிசையா நோக்கின் அதுநோக்கி வாழ்வார் பலர்.

வீட்டில் அம்மா, தகுதி திறமை எல்லாம் பார்ப்பதில்லை; அனைத்து குழந்தைகளுக்கும் பொதுநோக்கு தான்; அது அன்பு ஒன்றே... அப்பா என்றாலே பயம், திட்டு, அடி, இது போன்ற உத்தம வில்லன்...! (தேவதைகளைப் பெற்ற அப்பாக்கள், இந்த பட்டியலில் வருவதில்லை...!) // அன்னையிடம் நீ அன்பை வாங்கலாம் - தந்தையிடம் நீ அறிவை வாங்கலாம்... இரண்டும் இருந்தால் பேரை வாங்கலாம் - பேரை வாங்கினால் ஊரை வாங்கலாம்...// அப்படியென்றால் "அன்னைக்கு அறிவு இல்லையா...? தந்தைக்கு அன்பு இல்லையா...?" என்றெல்லாம் நினைப்பு வந்தால், "சிலருக்கு மட்டும் தான் கல்வி" எனும் காலம் முதல் பேச வேண்டி வரும்...! இன்றைக்கு குடும்பத் தலைமை இருவருக்கும் அன்பும் அறிவும் மட்டுமல்ல, தகுதியும் திறமையும் உள்ளது... ஆனாலும் அம்மா, தன் அறிவை மறைத்து அன்பை வெளிப்படுத்துவார்கள்... அப்பா, தன் அன்பை மறைத்து அறிவை வெளிப்படுத்துவார்கள்... உண்மை நிலவரம் என்னவென்றால், தன் குழந்தைகளின் தகுதியும் திறமையும் பற்றி மனைவியிடம் கேட்டுவிட்டு, அதன்பின் குழந்தைகளிடம் 'அறிவுடன்' செயல்பட்டுச் சிறப்புச் செய்வார் அப்பா...! 😊 அம்மா-அப்பா, மனைவி-கணவன், பெண்-ஆண், என்று ஒப்பீடு செய்யும் புல்லறிவாளர்களே... பெண்ணின் பெருந்தக்க யாவுள...? நன்றி...

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :