திருக்குறள் அதிகார கடையெழுத்தும் முதலெழுத்தும் (1)

அனைவருக்கும் வணக்கம்... கடந்த மூன்று பதிவுகளாக திருக்குறள் அதிகார எழுத்துக்களின் கணக்கை செய்தோம்... அவை சுருக்கமாக :


→பதிவு 1← தற்போது நடைமுறையிலுள்ள திருக்குறள் மொத்த அதிகார எழுத்துக்களின் எண்ணிக்கை 849 மற்றும் பாட வேறுபாடுகள்... ഽ →பதிவு 2← காமத்துப்பாலின் மூன்று அதிகாரத்தின் பெயர்கள் மட்டும் திருத்தம் செய்ததற்கான சான்றுகள் மற்றும் திருக்குறள் மொத்த அதிகார எழுத்துக்களின் எண்ணிக்கை 853-ஆக மாற்றம் பெற்றது... ഽ →பதிவு 3← அறத்துப்பால், பொருட்பால், காமத்துப்பால் என முப்பால் வாரியாக பிரித்துப் பார்த்து, திருக்குறள் மொத்த அதிகார எழுத்துக்களின் எண்ணிக்கை 853 (மூல எண் 7) சரியே என உறுதிப்படுத்தினோம்...

---

இன்று புதியதொரு கணக்கியல் தொடர் தொடங்குகிறது : திருக்குறள் கட்டமைப்பு - அதிகாரம் : "எங்கெல்லாம் எப்படியெல்லாம் கட்டமைப்புகள் உள்ளன; அவற்றின் கணக்கு 7 என்று முடிவடைகிறதா...?" என்பதே இந்த இரண்டாவது தொடரின் ஆய்வும் அவ்வாறே...! இனிமேலும் செய்யப்போகும் அனைத்து ஆய்வின் முடிவும் ஏழு (7) ஒன்றே...

ஒரேயொரு அதிகாரம் மட்டும் இன்றளவும் இணையம் உட்படப் பல இடங்களில், அதன் பெயர் மாற்றி மாற்றிப் பேசப்படுகிறது... அதுவே ஏழாவது அதிகாரம் : "மக்கட்பேறு" என்பதை "புதல்வரைப்பெறுதல்" என்று பரிமேலழகர் மாற்றினார்... "இது தவறு. அவருக்கு முன்பே புதல்வரைப்பெறுதல் என்று தான் இருந்தது" என்று சொல்பவர்களுக்கான ஒரு கேள்வி :- அவர் கொடுத்த அதன் அதிகார விளக்கம்...? அவரின் இலக்கியச் செழுமையும், சொற்களின் நுண்ணிய ஆய்வும் கொண்ட உரைவளம் சிறந்ததே... அதற்காக அவர் சார்ந்த சமயத்தின்படி திருக்குறளுக்கு உரை வகுத்ததை ஏற்க முடியாது... பல இடங்களில் அவரின் உரைகளை →நச்சுக் கருத்துக்கள்← என்றும் விளக்கமாகப் பதிவு செய்து வைத்திருக்கிறார்கள்... எப்பொருள் யார்யார்வாய்க் கேட்பினும் அப்பொருள் மெய்ப்பொருள் காண்பது அறிவு... இப்போது கணக்கின் மூலம் காண்போம்...

---

முதலில் ① பள்ளிக்குழந்தை கணக்கு :
ஏழு வெவ்வேறு எண்களின் கூட்டுத்தொகையும், அதன் மூல எண்ணும் :
① 7+64+74+75+78+92+120 = 510 = (5+1+0) =

இதில் முடிவில் வரும் மூல எண் என்பதை என்று வருமாறு, வண்ணம் கொண்ட 7 எண்களில் 2 எண்களை நீக்கவேண்டும்...!

// இரண்டு எண்களை நீக்கி, மிச்சத்தைக் கூடினால் 368 வருகிறது... 3+6+8 = 17 = 1+7 = வருகிறது...! ப்பூ இவ்வளவு தானே...! // என்று சின்னஞ்சிறு கணக்கைச் செய்தவர்களுக்கு நன்றி... அடடா...! 99% விடையைச் சொல்லிவிட்டேனே...! ஆனாலும், நீக்கிய அந்த இரண்டு எண்களை மட்டும் ஞாபகம் வைத்துக் கொள்ளுங்கள்...! ஐயனின் அதிகார எண்ணும் எழுத்தும் நுட்பங்களை அறிந்து தெரிந்து புரிந்து கொள்ள ஒரு வாய்ப்பு உண்டு...!

---

திருக்குறள் அதிகாரங்களை கடையெழுத்தை மட்டும் கருத்தில் கொண்டு சொல்வதென்றால், என முடியும் அதிகாரங்கள்: 44, என முடியும் அதிகாரங்கள்: 44, 45 அதிகாரங்கள் என்று எளிதாக சொல்லிவிடலாம்... இவற்றில், மற்றவைகளில் உள்ள 45 அதிகாரங்களை பிரித்தால்,

ம் 10, கை 8, து 4, பு 4, வு 4, சி 3, வி 3, ழ் 2 ➖ ஆகிய 38 அதிகாரங்களும்,

று, சு, டு, ண், கு, ர், தி ➖ ஆகியவை கடையெழுத்தாக ஒரேயொரு முறை வரும் 7 அதிகாரங்களும்,

ஆக மொத்தம் "மற்றவை" 45 அதிகாரங்கள் ஆகும்...

சரி, இதேபோல் 133 அதிகாரங்களின் முதலெழுத்து கணக்கையும் பார்க்கவேண்டும் அல்லவா...?! சுளகு இருக்கச் சோம்பல் ஏன்...?! 42 வெவ்வேறு எழுத்துக்களில் அதிகாரங்களின் முதலெழுத்து தொடங்குகிறது, அவை இருக்கட்டும்; எனது எதிர்பார்ப்பு என்னவென்றால், ஒரேயொரு முறை முதலெழுத்தாகவும் 7 அதிகாரங்கள் வரவேண்டும் என்றொரு புல்லறிவு நினைப்பு...! அவ்வாறு வந்துவிட்டால், // 133 அதிகாரங்களில், ஒரேயொரு முறை கடையெழுத்தாக 7 அதிகாரங்களும், ஒரேயொரு முறை முதலெழுத்தாக 7 அதிகாரங்களும் வருகிறது... இதுவே திருக்குறள் அதிகாரங்களின் கட்டமைப்பு // என்று சொல்லி, இந்த புதிய தொடரை ஒரே பதிவிலேயே முடித்து விடலாம்... ஆனால் முதலெழுத்தாக 14 அதிகாரங்கள் அல்லவா ஒரேயொரு முறை வருகிறது...! முருகா...

---

நினைப்பதெல்லாம் வருமென்றால், கணக்கு எதுவுமில்லை...
வருவதையே நினைத்திருந்தால் தீர்வு எங்கும் இல்லை...!
பாடல் தொடரும், இதுவரை செய்தவற்றை ஒரு தொகுப்பாகத் தொடர்கிறது :-

---

ஒரேயொருமுறை வரும் (7) கடையெழுத்து அதிகாரங்கள் :

① 7.மக்கட்பேறு ഽ 64.அமைச்சு ഽ 74.நாடு ഽ 75.அரண் ഽ 78.படைச்செருக்கு ഽ 92.வரைவின்மகளிர் ഽ 120.தனிப்படர்மிகுதி

ஒரேயொருமுறை வரும் (14) முதலெழுத்து அதிகாரங்கள் :

② 3.நீத்தார்பெருமை ഽ 23.ஈகை ഽ 35.துறவு ഽ 36.மெய்யுணர்தல் ഽ 42.கேள்வி ഽ 46.சிற்றினஞ்சேராமை ഽ 53.சுற்றந்தழால் ഽ 62.ஆள்வினையுடைமை ഽ 65.சொல்வன்மை ഽ 69.தூது ഽ 84.பேதைமை ഽ 94.சூது ഽ 97.மானம் ഽ 99.சான்றாண்மை

---

எண்களின் கணக்கைச் செய்துபார்த்தால் என்ன...? "எண்ணென்ப" என்று எண்ணிற்கு தானே ஐயன் முதலிடம் கொடுத்துள்ளார்... எண்கள் இல்லாமல் உலக இயக்கம் எது...? ஆமாம் எண்களின் கணக்கிற்கு எழுத்துக்கள் எதற்கு...? அதனால் மேற்காணும் அதிகார எழுத்துக்களை எல்லாம் நீக்கிவிட்டு எண்களை மட்டும் எழுதிக்கொண்டு கணக்கிடுவோம் :-

① 7+64+74+75+78+92+120 = 510 = (5+1+0) =

(சற்று முன் எங்கேயோ பார்த்து, கணக்கிட்ட மாதிரி இருக்கிறதா ? பதிவின் ஆரம்பத்திலுள்ள கணக்கே தான்...!)

② 3+23+35+36+42+46+53+62+65+69+84+94+97+99 = 808 = 8+0+8 = 16 = (1+6) =

இதில் முடிவில் வரும் மூல எண் என்று வருவதை என்று வருமாறு, வண்ணம் கொண்ட 14 எண்களில் 3 எண்களை நீக்கவேண்டும்...! (இதையும் செய்தவர்களுக்கு நன்றி...) முடியாதவர்களுக்கு விளக்கம் தொடர்கிறது :-

---

"எண்ணென்ப" முடிந்து விட்டது; அடுத்ததாக "ஏனை எழுத்தென்ப" காண்போம்...! அதாவது எண்களின் கணக்கிற்கு அடுத்ததாக எழுத்துக்களின் கணக்கியல்...! பதிவின் ஆரம்பத்தில் ① கணக்கில் இரண்டு எண்களை நீக்கினோம் அல்லவா...? அந்த இரண்டு எண்களின் அதிகார பெயரில், வண்ணம் அடித்து பெரிய எழுத்தில் எழுதி வைத்திருக்கும் அதிகாரத்தின் கடையெழுத்தைச் சற்றே கூர்ந்து கவனித்துப் பார்ப்போம்... 133 அதிகாரங்களின் பெயர்களை எல்லாம் மனக்கண்ணில் கொண்டு வருவோம்... அவ்வாறு கொண்டுவந்து விட்டால், அந்தந்த கடையெழுத்தைப் பார்க்கும் போதே தாத்தாவின் அதிகார எழுத்துக்கள் கணக்கும் தெரியும், நுட்பமும் புரியும்... ②-வது முதலெழுத்து கணக்கும் அவ்வாறே...! இரண்டையும் முடித்து விட்டால், அடுத்த பதிவில் செய்யப்போகும் கணக்கு என்னவென்றும் சொல்வீர்கள் நண்பர்களே... நன்றி...

எங்கே எழுத்து தொடங்கும்...? அது எங்கே எவ்விதம் முடியும்...?
இது தான் கணக்கு, இது தான் நுட்பம் - என்பது வாசித்தால் தெரியாது...!
எழுத்தெல்லாம் மாறி வரும், அதுவே தீர்வு தரும்...!
மாறுவதைத் தெரிந்து கொண்டால் - நுட்பம் புரிந்து விடும்...✔
குறிப்பு : பதிவின் எந்த பத்தி "புரியவில்லை" என்றாலும், அதைக் குறித்து கருத்துரையில் கேட்டால், விளக்கமாக விவரித்துச் சொல்கிறேன்... நன்றி...

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :