ஊருக்குத் தெரிந்தால் உண்மைகள் புரிந்துவிடும்...

வணக்கம் நண்பர்களே... முதலில் ஒரு பாட்டு கேட்போமா...?


நீரு நெலம் நாலு பக்கம் - நான் திரும்பிப் பார்த்தாலும், அந்தப் பக்கம் இந்தப் பக்கம் - அத்தனையும் நீயாகும்... நெஞ்சுக்குள்ள நீங்காம - நீதான் வாழுற... நாடியில சூடேத்தி - நீதான் வாட்டுற... ஆலையிட்ட செங்கரும்பா - ஆட்டுகிற எம் மனச, யார விட்டு தூது சொல்லி - நானறிவேன் உம் மனச... உள்ளமும் புண்ணாச்சு, காரணம் கண்ணாச்சு... காத்திருந்து காத்திருந்து - காலங்கள் போனதடி... பூத்திருந்து பூத்திருந்து - பூவிழி நோகுதடி... நேத்து வர சேர்த்து வச்ச - ஆசைகள் வேகுதடி... நீயிருந்து நான் அணைச்சா - நிம்மதி ஆகுமடி...

மேலுள்ள பாடல் வரிகளை மட்டும் கேட்க → சொடுக்குக ►

⟪ © வைதேகி காத்திருந்தாள் ✍ வாலி ♫ இளையராஜா 🎤 P.ஜெயச்சந்திரன் @ 1984 ⟫

---

இங்கே நம் காதலன் தூது சொல்ல யாரையும் தேடவில்லை... சோக கீதமும் பாடவில்லை... காரணம் என்ன...? ஏற்கனவே மடலேறுவேன் என்று ஊராருக்குச் சொல்லி விட்டான்... அதோடு இப்போது ஊரில் அலர் பரவி விட்டது... காதல் நிறைவேற அலர் ஒன்றே போதும், என்று நினைப்பதை மேலும் இந்தப்பதிவில் அறிவோம்... அலர் என்றால் என்ன...? என்பதை அறிய முன்னோட்டம் என்கிற பதிவை வாசிக்காதவர்கள் சொடுக்கி சென்று வாசிக்கலாம்...



அதிகாரம் 115 ♥♥♥ அலரறிவுறுத்தல் ♥♥♥ (1144-1145)

 குறட்பா  பொத்தானைச் சொடுக்கி வாசிக்க → குறள்+பா...!
கற்பனையில் தன் காதலியுடன் சேர்ந்து காதலன் பாடுவதை,
► பொத்தானைச் சொடுக்கிப் பரவசமடைய இனிமை பா...! நன்றி ப்பா...

---

எங்கள் காதல் கனவாக மாற வாய்ப்பே இல்லை... காரணம் ஊராரின் பேச்சு... அவை மட்டும் இல்லையென்றால், எனது காதல் வளம் இழந்து வாடிப்போய் விடும்...! புன்செய் நிலமாக இருந்த எங்களின் காதலை நன்செய் நிலமாக மாற்றுவதும் அவர்களின் பேச்சு தான்...

செல்லாது | நில்லாது | சுகமென்று | மனமென்று →

கௌவையால் கவ்வியது காமம் அதுவின்றேல்
தவ்வென்னும் தன்மை இழந்து 1144

யார் என்ன சொன்னாலும் செல்லாது - அணை போட்டுத் தடுத்தாலும் நில்லாது... | தீராத விளையாட்டு திரை போட்டு விளையாடி - நம் காணும் உலகென்று ஒன்று... | வெகுதூரம் நீ சென்று நின்றாலும், உன் விழி மட்டும் தனியாக வந்தாலும் | வருகின்ற விழி ஒன்று தருகின்ற பரிசென்று, பெறுகின்ற சுகமென்று ஒன்று... | தூங்காத கண்ணென்று ஒன்று, துடிக்கின்ற சுகமென்று ஒன்று, தாங்காத மனமென்று ஒன்று, தந்தாயே நீ என்னைக் கண்டு... ⟪ © குங்குமம் ✍ கண்ணதாசன் ♫ K.V.மகாதேவன் 🎤 T.M.சௌந்தரராஜன், P.சுசீலா @ 1963 ⟫

---

கள் குடித்து மகிழும் போதெல்லாம், கள் இனிதாவது போல் நினைத்து, வாடிப் போய் விடுவார்கள்... வாடிப் போகாமல், அந்த இனிமையை மட்டும் விரும்புவதாக, எனது காதல் ஊருக்குள் பேசப்படும் போதெல்லாம் மனத்திற்கு இனிதாய் இனிக்கிறது...

முடிந்தால் ? | விடிந்தால் ? | தெரிந்தால் ? | புரிந்துவிடும் ! →

களித்தொறும் கள்ளுண்டல் வேட்டற்றால் காமம்
வெளிப்படுந் தோறும் இனிது 1145

ஆசையென்ற ஊஞ்சலிலே ஆட வைத்தாயே – அருகில் நின்று உருகி உருகி பாட வைத்தாயே... | அஞ்சி அஞ்சி வந்தவளை அள்ளி கொண்டாயே² நெஞ்சமெனும் பஞ்சணையில் பள்ளி கொண்டாயே... | இரவு முடிந்துவிடும் | முடிந்தால்...? பொழுது விடிந்துவிடும் | விடிந்தால்...? ஊருக்கு தெரிந்துவிடும் | தெரிந்தால்...? உண்மைகள் புரிந்துவிடும்...! ⟪ © அன்புக் கரங்கள் ✍ வாலி ♫ R.சுதர்சனம் 🎤 P..B.ஸ்ரீனிவாஸ், P.சுசீலா @ 1965 ⟫

---

காதலனின் முந்தைய பகுதியை ரசிக்காதவர்கள் செல்லலாம்... இந்த அதிகாரத்தில், மனைவியுடன் கூடியிருக்கும் இன்பத்தையே பெரிதாக எண்ணும் காதலனின் அலர் குறித்த சிந்தனை இந்தப் பதிவோடு முடிந்தது... காதலன் பேசுவதும் முடிந்ததே விட்டது எனலாம்...! சரி, மீதம் உள்ள ஐந்து குறள்களில், சமுதாயத்தில் மனைவி என்னும் தகுதியும், மதிப்பும் கிடைக்க வேண்டும் என்று என்னும், தலைவியின் மனதை அடுத்த பகிர்வில் அறிவோம்...

---

நண்பர்களே... தங்களின் அலர் என்ன...?

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :