ஊரென்ன சொல்லும்...?

முந்தைய பதிவுகளில் நாணுத்துறவுரைத்தல் அதிகாரத்தில் பெண்ணின் பெருமையை அறிந்தோம்... 'மடலேறுவேன்' என்று சொன்ன பலரிடம் கூறிய காதலனின் நிலை என்னவாயிற்று...? அடுத்துள்ள அதிகாரத்தைத் தொடர்வோம்... அதற்கு முன் ஒரு பாடலை கேட்போமா...?


ஊர் மக்கள் : ஊரு விட்டு ஊரு வந்து, காதல் கீதல் பண்ணாதீங்க...! பேரு கேட்டு போனதுன்னா நம்ம பொழப்பு என்னாகுங்க...? விட்டுடு தம்பி - இது வேணாம் தம்பி - இத்தன பேரு வீடு உங்கள நம்பி...!² நாயகன் : ஆணா பொறந்தா எல்லாரும் பொண்ண, அன்பாக எண்ண வேணும்... வீணா திரிஞ்சா ஆனந்தம் இல்லே, வேறென்ன சொல்ல வேணும்...? வாழ்க்கைய ரசிக்கணுன்னா, வஞ்சி கோடி வாசனை பட வேணும்... வாலிபம் இனிக்கணுன்னா, பொண்ண கொஞ்சம் ஆசையில் தொட வேணும்... கன்னிய தேடுங்க கற்பனை வரும் (ஆமா ஆமா), கண்டதும் ஆயிரம் காவியம் வரும் (ஆமா ஆமா)² காதல் இல்லாம பூமி இங்கேது...?

மேலுள்ள பாடல் வரிகளை மட்டும் கேட்க → சொடுக்குக ►

⟪ © கரகாட்டக்காரன் ✍ கங்கை அமரன் ♫ இளையராஜா ☊ கங்கை அமரன் @ 1989 ⟫

---

ஊர் மக்கள் அலர்றாங்க... நாயகனோ அதை கண்டுக்காம, காதலியைக் கண்டதும் கற்பனையில் ஆயிரம் காவியம் வருமென்று, அறிவுறுத்தல் செய்றாரு...! எனக்கு...? இதோ :-

அதிகாரம் 115 ♥♥♥ அலரறிவுறுத்தல் ♥♥♥ (1141-1143)
அலர் என்றால் என்ன...? என்பதை அறிய முன்னோட்டம் என்கிற பதிவை வாசிக்காதவர்கள் → சொடுக்கிச் சென்று வாசித்து விட்டு வந்தால், அலறும் மனதில் அலர் ஏற்பட வாய்ப்பு கிடையாது... நன்றி... அலரறிவுறுத்தலை அழகான முறையில் சொல்லும் வள்ளுவரின் புதுமையை ரசிப்போம்... வாங்க...


அதற்கு முன், உங்களுக்கு ஒரு சின்ன ஊகித்தல் தேர்வு...! குறள் விளக்கத்தை வாசித்த பின், பொத்தானைச் சொடுக்கி, கற்பனையில் தன் காதலியுடன் சேர்ந்து, காதலன் பாடுவதை அறிவதற்கு முன், கொடுத்துள்ள | குறிப்புகளை | வைத்து, திரைப்படப்பாடலைக் கண்டுபிடித்து மனதில் பாடுபவர்களுக்குப் பாராட்டுக்கள்... இருந்தாலும் கேட்பொலி ► பொத்தானைச் சொடுக்கி, பாடலை கேட்டு ரசித்து விட்டால், குறளும் குறள் விளக்கமும் மீண்டும் ஒருமுறை வாசிக்க, இனிமை கூடும்...!

---

ஊருக்குள்ளே பல பேர் எங்கள் காதலைப் பற்றி வம்புப் பேச்சு பேசுகிறார்கள்... அவளைப் பெறாத எனது உயிர் நிலைத்து இருக்க அதுதான் காரணமே என்பதை, அவர்கள் எங்கே அறியப் போகிறார்கள்...? இருக்கட்டும்... என்னே நான் செய்த பாக்கியம்...!

அறியாது | தெரியாது | புரியாது | ஏங்குவது →

அலரெழ ஆருயிர் நிற்கும் அதனைப்
பலரறியார் பாக்கியத் தால் 1141

உன்னுடனே நான் இருக்கும், என்னுடனே நீ இருக்கும்² உன்னை இன்றி வாழ்க்கை ஏது ? ஊருக்கும் தெரியாது... யாருக்கும் புரியாது... உன்னை எண்ணி... (ம்) கனவு கண்டு... (ம்ம்) உள்ளம் ஏங்குவது... ⟪ © மாடப்புறா ✍ அ.மருதகாசி ♫ K.V.மகாதேவன் ☊ T.M.சௌந்தரராஜன், சூலமங்கலம் இராஜலட்சுமி @ 1962 ⟫

---

அவ்வாறு உயிர் நிற்றலை அறியாத இந்த ஊர், மலர் போன்ற வசீகரிக்கும் கண்களை உடையவளான என்னவளின், அருமை பெருமைகளை அறியாமல் மிகவும் எளியவளாகக் கருதி, இல்லாததும் பொல்லாததும் கூறி என்னை வருத்தப்பட வைத்தாலும், ஒரு நன்மை இருக்கத்தான் செய்கிறது...

உன்னை | பூவென்பேன்..! | என்னை | என்னென்பேன்..? →

மலரன்ன கண்ணாள் அருமை அறியாது
அலரெமக்கு ஈந்ததிவ் வூர் 1142

உன்னை நான் அறிவேன் என்னை நீ அறிவாய்² | நம்மை நாம் அறிவோம் பொன்னென்பேன் சிறு பூவென்பேன்² காணும் கண்னென்பேன் வேறு என்னென்பேன்...? | என்னென்பேன் கலை ஏடென்பேன்² கண்கள் நான் என்றால் பார்வை நீயென்பேன்... ⟪ © போலீஸ்காரன் மகள் ✍ கண்ணதாசன் ♫ விஸ்வநாதன்-ராமமூர்த்தி ☊ P.B.ஸ்ரீனிவாஸ் @ 1962 ⟫

---

அந்த நன்மையைப் பற்றி சுருக்கமாகச் சொன்னால், ஊர் மக்கள் எங்களைப்பற்றி இணைத்துப் பழிதூற்றிப் பேசப்பேச, நாங்கள் இருவரும் பிரிக்க முடியாதபடி இணைந்தது போன்ற மனநிலை உண்டாக்கி விடுவது தான் சிறப்பு....!

போதுமா..? | வேண்டுமா..? | கொஞ்சட்டுமே..! | மிஞ்சட்டுமே..! →

உறாஅதோ ஊரறிந்த கெளவை அதனைப்
பெறாஅது பெற்றன்ன நீர்த்து 1143

என்னைக் காதலித்தால் மட்டும் போதுமா...? | உன் கைகளில் வரவும் வேண்டுமா...? | இந்தக் கைகளில் வந்தால் போதுமா...? | நீ கேட்டதைத் தரவும் வேண்டுமா...? | ஊரென்ன சொல்லும்...? - சொல்லட்டுமே...! உறவென்ன பேசும்...? - பேசட்டுமே² | | ⟪ © ஆசை முகம் ✍ வாலி ♫ S.M.சுப்பையா நாயுடு ☊ T.M.சௌந்தரராஜன், P.சுசீலா @ 1965 ⟫

---

அலர் தொடரும்... நண்பர்களே தங்களின் அலர் என்ன...?

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :