கண்ணோடு ஒரு சந்தோசம்... என்னோடு ஒரு சங்கீதம்...

வணக்கம் நண்பர்களே... வாழ்க்கைப் பயணத்தில் ஏற்பட்ட சில மாற்றங்களால் வலைப்பூ பயணத்தில் தொடர்ந்து பயணிக்க முடியவில்லை... இதோ வந்துட்டேன்... காரணம் நம்ம நண்பர் கில்லர்ஜி நன்றி ஜி... பயணம்... கிட்டத்தட்டத் தமிழ்நாட்டில் உள்ள அனைத்து ஊர்களுக்கும் பயணம் செய்யப் போகிறேன்... சேலைகள் வியாபாரம்... பொறுமையாகத் திட்டமிட்டு ஒவ்வொன்றாகச் செய்து கொண்டிருக்கிறேன்... விரைவில் அதைப் பற்றியும் பகிர்ந்து கொள்கிறேன்... இந்த தொடரைத் தொடங்கி வைத்த அன்புச் சகோதரி... பிரியமான தோழி மகிழ்நிறை மைதிலி அவர்களுக்கும் நன்றி.

⟪ © பிரியமான தோழி ✍ பா.விஜய் ♫ S.A.ராஜ்குமார் 🎤 ஹரிஹரன் @ 2003 ⟫


பயணம் பற்றிய கேள்விகள், சிறு வயது முதல் இன்று வரை நடக்கிற பல நினைவுகளைச் சிந்திக்க வைத்து விட்டது... நெஞ்சிலே இந்த நெஞ்சிலே... கடல் பொங்குதே ஆனந்தமாய்... கையிலே இந்த கையிலே... வெற்றி வந்ததே ஆரம்பமாய்... அட வாழ்வில் இன்றே திறப்பு விழா... இனி வாழ்க்கை எங்கும் வசந்தங்களா...?

கடலுக்கிங்கே கைகள் தட்ட கற்றுத் தந்திடலாம்... பூவுக்கெல்லாம் றெக்கை கட்டி பறக்கச் சொல்லிடலாம்... வானம் என்ன வானம் - தொட்டுவிடலாம்... வெல்லும் வரை வாழ்க்கை வென்று விடலாம்... வில்லாக வானவில்லைக் கையில் ஏந்த வேண்டும்... அம்பாக மின்னல்களை அள்ளி வரவேண்டும்... நிலவுக்கு மேலே நின்று ஜே போட வேண்டும்...

---

01. பயணங்களில் ரயில் பயணம் எப்போதும் அலாதி தான். உங்கள் முதல் ரயில் பயணம் எப்போது என நினைவிருக்கிறதா...?

சத்தியமா ஞாபகம் இல்லேங்கே... ஆனால், ரயில் பயணம் எப்போதும் இனிமை தான்... பள்ளிப்படிப்பை முடித்து விட்டு, இராஜபாளையம் கல்லூரியில் படித்த போதும், மதுரை ஆலையில் முதல்முதலாக 1 வருடம் பயிற்சிக்காக வேலை பார்த்த போதும் பேருந்து பயணம் தான்... சென்னை பின்னி ஆலையில் வேலை பார்த்த போது, பல சமயங்களில் பகல் நேர வைகை ரயில் பயணம் தான்... அந்த பயணங்களில் சந்தித்த பல மனிதர்களைப் பற்றி எழுதப் பல பதிவுகள் பகிர்ந்து கொள்ள வேண்டும்... அம்மா சொல்வார்கள்... "நீ வயிற்றில் இருக்கும் போது, அப்போது வெளியான "நீலகிரி எக்ஸ்பிரஸ்" படம் பார்த்தேன்... (யாருப்பா அது... வயசைக் கணக்குப் போடுவது...?) அதனால் தான் என்னவோ, வீட்டில் நீ மட்டும் அதிக நாட்கள் இருக்க முடிவதில்லை" என்று... ம்... இன்று வரை அது தொடர்கிறது... 16 வருஷம் முதற்கொண்டு பயணம் தான்... ரயில் பயணம் என்றவுடன் ஞாபகம் வந்தது இது தான்...

⟪ © வருஷம் 16 ✍ வாலி ♫ இளையராஜா 🎤 K.J.யேசுதாஸ் @ 1989 ⟫


தூரத்தில் போகின்ற மேகங்களே... தூரல்கள் போடுங்கள் பூமியிலே... வேர்கொண்ட பூஞ்சோலை நீர்கொண்டு ஆட... ஏரியில் மீன் கொத்தும் நாரைகளே... இறகுகள் எனக்கில்லை தாருங்களே... ஊர்விட்டு ஊர் சென்று காவியம் பாட... பறவைகள் போல் நாம் பறந்திட வேண்டும்; பனிமலை மேல் நாம் மிதந்திட வேண்டும்; ஏதோ ஒரு போதை மனம் கொண்டாடுதே... பழமுதிர்சோலை எனக்காகத் தான்...

---

02. மறக்கமுடியாத மகிழ்ச்சியான பயணம் எது...?

இடுப்பில் வெறும் துண்டுடன் ஊரில் அலைய முடியுமா...? ஹா... ஹா... எங்கு முடியும்...? என்றும் மகிழ்ச்சியான பயணம் குற்றாலம் செல்வது தான்... 3 வேளைகளிலும் சாப்பாடு செய்ய ஆட்களையும் கூடிச் செல்வதால், வயிற்றுக்குப் பாதகமில்லை... அங்கிருக்கும் ஒவ்வொரு நாளும் மறக்க முடியாத நாட்கள்... செண்பகாதேவி, தேனருவிகளில் குளிக்கும் போது... யப்பா...! பாதங்களில் வலி உண்டாக்கிய முள்ளும் மலரும் ... ஒவ்வொரு அருவிக்கும் ஜீப்பில் செல்லும் போது உள்மனம் பாடும் :-

⟪ © முள்ளும் மலரும் ✍ கண்ணதாசன் ♫ இளையராஜா 🎤 K.J.யேசுதாஸ் @ 1978 ⟫


வளைந்து நெளிந்து போகும் பாதை - மங்கை மோக கூந்தலோ...? மயங்கி மயங்கிச் செல்லும் வெள்ளம் - பருவ நாண ஊடலோ...? ஆலங்கொடி மேலே கிளி - தேன் கனிகளை தேடுது... ஆசை குயில் பாஷை இன்றி - ராகம் என்ன பாடுது...? காடுகள் மலைகள் தேவன் கலைகள்... செந்தாழம்பூவில்... செந்தாழம் பூவில் வந்தாடும் தென்றல்... என் மீது மோதுதம்மா... பூ வாசம் மேடை போடுதம்மா; பெண்போல ஜாடை பேசுதம்மா; அம்மம்மா ஆனந்தம்... அம்மம்மா ஆனந்தம்...

---

03. எப்படிப் பயணிக்கப் பிடிக்கும்...?

குடும்பத்தார், உறவினர்கள், நண்பர்கள் என குழுவாகச் செல்வது தான் பிடிக்கும்... எதிலும் பயணிக்கும் போதே அரட்டை, சேட்டை, நடனம், தொடர்ப் பாட்டுப் போட்டி, நடிப்புப் போட்டி, சைகைப் போட்டி, மிமிக்கிரி எனப் பல உண்டு... ஒருவேளை சலிப்பு ஏற்பட்டால் தான் வெளியே இயற்கை ரசனை...! மனதில் வண்ண வண்ணப் பூக்கள் மலர்வதோடு, "கண்ணோடு ஒரு சந்தோசம்... என்னோடு ஒரு சங்கீதம்..."

⟪ © வண்ண வண்ணப் பூக்கள் ✍ வாலி ♫ இளையராஜா 🎤 K.J.யேசுதாஸ் @ 1992 ⟫


பச்சைப் புல் மெத்தை விரித்து - அங்கே இளம் தத்தைகள் தத்திக் குதிக்கும்... பட்டுப் பூ மொட்டு வெடிக்கும் - செந்தேன் பெறப் பொன்வண்டு வட்டம் அடிக்கும்... சுற்றிலும் மூங்கில் காடுகள்; தென்றலும் தூங்கும் வீடுகள்... உச்சியின் மேலே பார்க்கிறேன்; பட்சிகள் வாழும் கூடுகள்... மண்ணின் ஆடைபோலே; வெள்ளம் ஓடுதே... அங்கே நாரை கூட்டம்; செம்மீன் தேடுதே... இந்நேரம்... இளநெஞ்சே வா... தென்றல் தேரினில் எங்கும் போய் வரலாம்...! அட அங்கே பார்; மஞ்சள் வான் முகில் கையால் நாம் தொடலாம்... கண்ணோடு ஒரு சந்தோசம்... என்னோடு ஒரு சங்கீதம்...

---

04. பயணத்தில் கேட்க விரும்பும் இசை...?

அட போங்க... பயணத்தில் மட்டுமில்லேங்க... மனசு சந்தோசமா இருந்தால், துள்ளாத மனமும் இசையால் துள்ளும்... சோகமா இருந்தால், துவண்டு போன மனமும் ஆறுதல் அடையும்... மனம் போல் கேட்கும் இசையும் மாறும்...! சிறு வயதிலிருந்தே அப்பா பாடும் பாடல்களைக் கேட்டுக் கொண்டே வளர்ந்தவன் நான்... பாடல் வரிகள் அத்துப்படி ஆனது இப்படித் தான்...! க்கும்... பாடல் வரிகள் இல்லாமல் பதிவு எழுத கற்றுக் கொள்ள வேண்டும்... என் தளத்தின் முத்திரை+முகவரி = குறட்+பா... சரியா...?

⟪ © முகவரி ✍ வைரமுத்து ♫ தேவா 🎤 ஹரிஹரன் @ 2000 ⟫


இன்னிசை நின்று போனால், என் இதயம் நின்று போகும்-இசையே உயிரே... எந்தன் தாய்மொழி இசையே, என் இமைகள் துடிப்பதும் இசையே, எங்கும் இசையே... மௌனம் மௌனம் என் நெஞ்சை அடைக்கும்; கீதம் கேட்டால் அது மீண்டும் துடிக்கும்; ஐம்புலன்கள் எந்தன் இருப்பு; செவி மட்டும் தான் ரொம்ப சிறப்பு; நெஞ்சில் உள்ளது ஜீவன் பிறப்பு; ஆனால் காதில் உள்ளது ஜீவன் எனக்கு; இசையோடு வந்தேன்; இசையோடு வாழ்வேன்; இசையோடு போவேன்; இசையாவேன்...!

---

05. விருப்பமான பயண நேரம்...?

அதிகாலை பிடிக்கும்... பயணம் என்றாலும் சரி, தினமும் அதிகாலை நடைப் பயணம் என்றாலும் சரி... அதிகாலை பயணம் எனக்கு வேறு உலகத்தைக் காட்டும்...! அதே போல் அந்தி சாயும் நேரம் ரொம்பவும் பிடிக்கும்... சுருக்கமாக நிழல்கள் விழாத நேரம் என் விருப்பமான பயண நேரம்...

⟪ © நிழல்கள் ✍ வைரமுத்து ♫ இளையராஜா 🎤 S.P.பாலசுப்ரமணியம் @ 1980 ⟫


பொன்மாலைப் பொழுது... இது ஒரு பொன்மாலைப் பொழுது... ஆயிரம் நிறங்கள் ஜாலமிடும்... இராத்திரி வாசலில் கோலமிடும்... வானம் இரவுக்கு பாலமிடும்... பாடும் பறவைகள் தாளமிடும்... பூமரங்கள், சாமரங்கள் வீசாதோ...? இது ஒரு பொன்மாலைப் பொழுது... வான மகள் நாணுகிறாள்... வேறு உடை பூணுகிறாள்... ஹேஹே ஹோஹோ ஹ்ம்ம் லல்லல்லா... ஹேஹே ஹோஹோ ஹ்ம்ம் லல்லல்லா...

---

06. விருப்பமான பயணத்துணை...?

யாராக இருந்தாலும் துணையாக்கிக் கொள்வது விருப்பம்... இதை இரண்டாவது பதிலாகச் சொல்லியிருக்க வேண்டும் →→ கல்யாணம் முடிந்து திண்டுக்கல்லிருந்து சென்னை பயணம் மஹிந்திரா வேனில்... முன்புறம் உள்ள ஒரே ஒரு இருக்கையில் நாங்கள்... எப்போது சென்னை வந்தது என்று எங்களுக்குத் தெரியவில்லை... வேனிலிருந்த இரு வீட்டார் பிதாமகன் களுக்கும் எப்படி என்று புரியவில்லை... ஹிஹி... இப்போது தனியே பயணம் வியாபாரத்திற்காக... பல நட்புகள் கிடைக்கும் என்பதில் மகிழ்ச்சி...! ம்... கவனத்தோடு கடமை தான் இப்போ விருப்பமான பயணத்துணை...!

⟪ © பிதாமகன் ✍ பழனிபாரதி ♫ இளையராஜா 🎤 ஸ்ரீராம் பார்த்தசாரதி,ஸ்ரேயா கோஷல் @ 2003 ⟫


பின்னிப் பின்னிச் சின்ன இழையோடும்; நெஞ்சை அள்ளும் வண்ணத் துணி போல, ஒண்ணுக்கொண்ணுதான் இணைஞ்சு இருக்கு; உறவு எல்லாம் அமைஞ்சு இருக்கு...! அள்ளி அள்ளித் தந்து உறவாடும்; அன்னை மடி இந்த நிலம் போல - சிலருக்கு தான் மனசு இருக்கு...! உலகமதில் நிலைச்சு இருக்கு...! நேத்து தனிமையில போச்சு யாரும் துணை இல்லே...! யாரோ வழித்துணைக்கு வந்தா ஏதும் இணை இல்லே...! உலகத்தில் எதுவும் தனிச்சு இல்லையே...! குழலில் ராகம் மலரில் வாசம் சேர்ந்தது போல...! இளங்காத்து வீசுதே...! இசை போல பேசுதே...!

---

07. பயணத்தில் படிக்க விரும்பும் புத்தகம்...?

என்னது...? படிப்பதா...? ம்ஹீம்... அதற்கென்று வீட்டில் தனி நேரம் உண்டு... இந்தப் பேருந்து பயணம் இருக்கே... சிரிப்பு, திகைப்பு, படபடப்பு எனப் பலவாறு மனம் சிட்டுக்குருவி போலத் துள்ளும்... ஒவ்வொரு பேருந்து பயணத்திலும் பல சுவாரஸ்யங்கள்... இலவசமாகக் கிடைக்கும் பலவிதமான ஒலியும் ஒளியும்...! ஆறாவது பதிலின் பாதிப்பு தொடர்கிறது !? ஹிஹி...

⟪ © சிட்டுக்குருவி ✍ வாலி ♫ இளையராஜா 🎤 S.P.பாலசுப்ரமணியம், P.சுசீலா @ 1978 ⟫


இரு மான்கள் பேசும்போது மொழி ஏதம்மா...? பிறர் காதில் கேட்பதற்கும் வழி ஏதம்மா...? ஒரு ஜோடி சேர்ந்து செல்லும் பயணங்களில் - உறவன்றி வேறு இல்லை கவனங்களில்...! இள மாமயில்; அருகாமையில்; வந்தாடும் காலம் என்று கூடும் என்று-அனுபவம் சொல்வதில்லையோ...? // இந்தாம்மா கருவாட்டுக் கூடை முன்னாடி போ ! //

---

08. விருப்பமான ரைட் அல்லது டிரைவ்...?

வேறென்ன...? சைக்கிள் தான் !! எந்த துணையும் இல்லாமல் அரை பெடல் அடித்து அடித்து, விழுந்து விழுந்து கற்றுக் கொண்ட பின்... சீட்டில் உட்கார்ந்து லாவகமாக வானில் பறப்பது போல ஒட்டின நாட்கள்... ம்... இப்போது பைக்... சைக்கிளை நினைத்து மனம் அலைபாயுதே... அன்று சென்னையில் திருமணம் ஆகும் வரை ஆலைக்குச் சைக்கிளில் சென்றாலும், உற்சாகமாக :-

⟪ © அலைபாயுதே ✍ வைரமுத்து ♫ A.R.ரகுமான் 🎤 A. R.ரகுமான், கிளின்டன் செரேஜு, சங்கர் மஹாதேவன், ஸ்ரீனிவாஸ் @ 2000 ⟫


என்றென்றும் புன்னகை... முடிவில்லா புன்னகை... இன்று நான் மீண்டும் மீண்டும் பிறந்தேன் - ஒரு துளி பார்வையிலே...² ஓ என்னுயிரே (4) தீம் தீம் தனன தீம் தனனன... ஓஹோ ஹோ ஹோ வானமே எல்லையோ...? தீம் தீம் தனன தீம் தனனன... ஓஹோ ஹோ ஹோ காதலே எல்லையோ...?

---

09. பயணத்தில் நீங்கள் முணுமுணுக்கும் பாடல்...?

பார்த்தீங்கில்லே, பதிவு எழுதும் போதே மனசிலே 'டக்'கென்னு தோன்ற ஒரு வரியைச் சூசகமா அடிக்கோடிட்டு, பாடலில் பிடித்த வரிகளை எழுதிற்றேன்... பயணத்திலே...? ம்... பிடித்த பாடல்களை எல்லாம் ஆடியோ கேசட்டில் பதிவு செய்து, வாக்-மேனில் ரசித்துக் கொண்டே பயணம் செய்தது அந்தக் காலம்... இன்று DD Mix உட்பட என் பதிவுகளில் உள்ள அனைத்து பாடல்களும் கைப்பேசியில்... அவை மனதிலும் முணுமுணுக்கும்... தற்போதைய பயணங்களில் மிகவும் உதவுகிறது... அவைகளைக் கேட்கும் போது எந்தெந்த மனநிலையில் இந்தப் பாடல்களையெல்லாம் உதயகீதம் ஆனது என்பதும், குறளுக்கேற்ப பாடல்களை நினைத்து நினைத்து, எனக்கு சிறிய வியப்பும் வருவதுண்டு...!

⟪ © உதயகீதம் ✍ முத்துலிங்கம் ♫ இளையராஜா 🎤 S.P.பாலசுப்ரமணியம் @ 1985 ⟫


போகும் பாதை தூரமே... வாழும் காலம் கொஞ்சமே... ஜீவ சுகம் பெற ராக நதியினில் நீ நீந்தவா² இந்தத் தேகம் மறைந்தாலும் இசையாய் மலர்வேன்² கேளாய் பூ மனமே ஓஓஓஓ... சங்கீத மேகம் தேன் சிந்தும் நேரம்... ஆகாயம் பூக்கள் தூவும் காலம்... உள்ளம் என்னும் ஊரிலே... பாடல் என்னும் தேரிலே... நாளும் கனவுகள் ராஜ பவனிகள் போகின்றதே... எந்தன் மூச்சும் இந்தப் பாட்டும் அணையா விளக்கே² கேளாய் பூ மனமே ஓஓஓஓ; சங்கீத மேகம் தேன் சிந்தும் நேரம்; ஆகாயம் பூக்கள் தூவும் காலம்...

---

10. கனவுப் பயணம் ஏதாவது...?

அப்படி எல்லாம் எதுவும் இல்லேங்க... ஏன்னா ரொம்ப எதிர்பார்ப்பு எதிலும் எதிர்ப்பார்க்கிறதில்லே... காரணம் முயற்சியும் ஆர்வமும் மனதில் வைராக்கியமா இருக்கும்... அதுக்கு முக்கிய காரணம் தோல்வி... தோல்விகள் கூடக் கூட பொறுமை இன்னும் கூடும்...! அதனாலே நிச்சய தாம்பூலம் நடந்ததை எண்ணி கவலைப் பட்டால் அவன் மடையன்²

⟪ © நிச்சய தாம்பூலம் ✍ கண்ணதாசன் ♫ விஸ்வநாதன்-ராமமூர்த்தி 🎤 T.M.சௌந்தரராஜன் @ 1962 ⟫


ஆஹா, நடப்பதை எண்ணி வருத்தப் பட்டால் அவன் மூடன்... போடா வருவது வரட்டும் என்பவனே நல்ல ரசிகன்... அவன் இவனே இவன் அவனே... அட இன்றுமில்லை நாளையில்லை... இரவில்லை பகலில்லை... இளமையும் முதுமையும் முடிவுமில்லை² ம்..ம்..ம்..ம்..ம்..ம்..ம்..ம்.. ஓஹோ ஹோ... ஆண்டவன் படைச்சான் எங்கிட்ட கொடுத்தான்... அனுபவி ராஜான்னு அனுப்பி வைச்சான்... என்னை அனுபவி ராஜான்னு அனுப்பி வைச்சான்... என்னை மட்டுமல்ல... உங்களையும் தான்... வாழ்த்துகள்... +

நன்றி நண்பர்களே... தங்களின் கருத்து என்ன ?

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :