திருக்குறளில் ஒரு சொல்லால் கணக்கு மாறுமா...?

அனைவருக்கும் வணக்கம்... முப்பால் எழுத்துக்களைக் கணக்கிடுவதற்கான எட்டு (8) பயிற்சிகளும் முடிவடைந்து விட்டன... அவற்றை மிகவும் எளிதாகச் செய்வதற்குச் சுளகு எனும் சொல்லாய்வுக் கருவி உதவியதை அறிந்தோம்... மேலும் அதில் செய்தவற்றைச் சேமிக்கவும், அதில் செய்ய முடியாததை விரிதாள் (Excel) எவ்வாறு உதவும் என்பதைத் தொடர்வோம்...

திருக்குறளில் தமிழ் எழுத்துக்கள் 247-ல் பயன்படுத்திய எழுத்துக்கள் 205 என்று உறுதியாகச் சொல்லலாம்; ஆனால் அவை எத்தனை முறை பயன்படுத்தப்பட்டுள்ளன என்பதை உறுதியாகச் சொல்ல முடியாது; காரணம், கிடைத்த பலரின் மூல உரைகளின்படி சீர்களில் எண்ணற்ற வேறுபாடுகள் உள்ளன...! அதற்கான பட்டியலும் ஒவ்வொருவரின் மூல உரைகளின் கோப்புகளின் முடிவில் தொகுத்துக் கொடுத்தும் உள்ளார்கள்... "எது சரி...?" என்பதைக் கூறவில்லை... இரா.சாரங்கபாணி அவர்கள் தொகுத்தளித்த நூலிலிருந்து சிலவற்றை →இங்கே←அறியலாம்... இப்போது பதம் பிரிக்காத குறள்களிலுள்ள கடையெழுத்துக்களின் பாட வேறுபாடுகள் :
மணக்குடவர் ⁽¹⁾ | காலிங்கர் ⁽²⁾ | பரிப்பெருமாள் ⁽³⁾

---

4. வேண்டுதல்வேண் டாமை யிலானடி சேர்ந்தார்க் கியாண்டு மிடும்பை யில / யிலர் ^{(1) (3)}

விருப்பும் வெறுப்பும் இல்லாதவனாகிய இறைவனின் அடியைச் சேர்ந்தவர்களுக்கு, எவ்விடத்திலும் துன்பம் இல்லை. / இல்லாதவர்கள்.

---

269. கூற்றங் குதித்தலுங் கைகூடு நோற்றலி னாற்ற றலைப்பட் டவர்க்கு / டவர்க்குல் ^?

மனிதன் செய்த தட்டச்சு தவறு என்பதால் விட்டுவிடுவோம்...

---

450. பல்லார் பகைகொளலிற் பத்தடுத்த தீமைத்தே நல்லார் தொடர்கை விடல் / விடின்⁽¹⁾

பெரியாரின் தொடர்பைக் கைவிடுதல், / கைவிட்டால், பலருடைய பகையைத் தேடிக்கொள்வதைவிடப் பத்து மடங்கு தீமை உடையதாகும்...

---

639. பழுதெண்ணு மந்திரியிற் பக்கத்துட் டெவ்வோ ரெழுபது கோடி யுறும் / தலை^{(1) (2) (3)}

பக்கத்திலே இருந்து கேடு நினைக்கும் அமைச்சனைவிட எழுபது கோடி பகைவர் நல்லவர்... / எழுபது கோடி மடங்கு நல்லவர் தலையானது...

---

மேற்கண்ட நான்கு (4) குறள்களிலுள்ள பாட வேற்றுமைகளால், குறளின் குரல் சற்றே வேறுபடுகிறது... ஆனால் எழுத்துக்களின் கணக்கு எனும் வகையில் பார்த்தோமானால், எழுத்துக்களைக் கணக்கிடாமலே தவறுகள் தெரியும்... எப்படி...? உயிர்மெய்யெழுத்தில் முடியும் குறள் மெய்யெழுத்தில் முடிவதாகவும், மெய்யெழுத்தில் முடியும் குறள் உயிர்மெய்யெழுத்தில் முடிவதாகவும் உள்ளது... அப்படியென்றால் கடையெழுத்துக்களின் கணக்கு மாறும் அல்லவா...? தீர்வு...? கணக்கே தீர்வு...! சரி, இதே போல் இன்னுமொரு குறளில் பாட வேற்றுமை உள்ளது; அதனால் திருக்குறள் சிறப்புகளில் ஒன்றின் கணக்கு மாறுமா...? அதென்ன சிறப்பு...? முந்தைய பதிவில் பாடின திரைப்பட பாட்டில் 👄 உள்ளது...! இல்லையென்றால் இதோ இந்தக் குறளை வாய்விட்டு சத்தமாகச் சொல்லிப்பாருங்கள் :-

979. பெருமை பெருமித மின்மை சிறுமை பெருமித மூர்ந்து விடல் ? / விடும் ?

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :