மயக்கம் தரும் இந்தக் காதல் போதுமே...!

மாஞ்சோலை கிளி தானோ மான் தானோ...? வேப்பந்தோப்பு குயிலும் நீ தானோ...? இவள் ஆவாரம் பூ தானோ...? நடை தேர் தானோ...? சலங்கைகள் தரும் இசைத் தேன் தானோ... ? மின்னல் ஒளியெனக் கண்ணைப் பறித்திடும் அழகோ தேவதையோ...?²) அங்கம் ஒரு தங்கக் குடம் அழகினில்... மங்கை ஒரு கங்கை நதி உலகினில்... துள்ளும் இதழ் தேன் தான்... அள்ளும் கரம் நான் தான்... மஞ்சம் அதில் வஞ்சிக்கொடி வருவாள்... சுகமே... வருவாள் சுகமே தருவாள் மகிழ்வேன்... கண் காவியம் பண் பாடிடும் பெண்ணோவியம் செந்தாமரையே... ⟪ © கிழக்கே போகும் ரயில் ✍ முத்துலிங்கம் ♫ இளையராஜா 🎤 P.ஜெயச்சந்திரன் @ 1978 ⟫

---

கண்டுபிடிங்க பார்க்கலாம்...! என்கிற முந்தைய பதிவில், 10 திரைப்படப் பாடல்களின் ஆரம்ப வரிகள் சிலவற்றை மட்டும் கொடுத்து, எந்த குறளுக்கு எந்தப் பாடல் ஒத்து வருகிறது, அப்படியானால் அது எந்த அதிகாரம் என்று கேட்டிருந்தேன்... "பாடல் வரிகளைப் பார்த்தால் காமத்துப்பாலில் உள்ள அதிகாரம் தான் இருக்கும்" என்று திருக்குறளைக் கையில் எடுத்தவர்கள், அதன் முதல் அதிகாரமே என்று கணித்த ഽ திருமிகு. தளிர் சுரேஷ், ഽഽ திருமிகு. தில்லை அகத்து கீதா ഽഽഽ திருமிகு. தேன் மதுரத் தமிழ்! கிரேஸ் ഽഽഽഽ திருமிகு. வே.நடனசபாபதி மற்றும் ഽഽഽഽഽ திருமிகு. நாகேந்திர பாரதி ஐவருக்கும் பாராட்டுகள்... நன்றிகள்...

---

இதோ குறள் விளக்கமும், குறள்களுக்கேற்ப திரைப்படப் பாடல் வரிகளும்...! கொடுத்துள்ள பாடல் வரிகளை மட்டும் கேட்க பிளேரை சொடுக்கவும்... வேறு சரியான பாடல் குறளோடு மேலும் ஒத்துப் போனால், அதைக் கருத்துரையில் பாடவும்... முந்தைய பதிவை வாசிக்காதவர்கள் இங்கே சொடுக்குக மும்முனை தாக்குதல்...! வாசித்து வந்தால் நன்று... நன்றி...

---

அதிகாரம் 109 - தகையணங்குறுத்தல்(1086-1090)

---

வளைந்த நெளிந்து போகும் பாதை போல இருக்கும் இவளின் புருவங்கள், நேராக இருந்து மறைக்குமானால், இவளின் கண்களால் எனக்குள்ளே உண்டாகும் நடுங்கும்படியான துன்பத்தைத் தடுத்து விடும்...!

கொடும்புருவம் கோடா மறைப்பின் நடுங்கஞர்  
செய்யல மன்இவள் கண் (1086)  

புருவம் ஒரு வில்லாக, பார்வை ஒரு கணையாக, பருவம் ஒரு களமாக, போர் தொடுக்கப் பிறந்தவளோ...? குறுநகையின் வண்ணத்தில், குழி விழுந்த கன்னத்தில்² தேன் சுவையைத் தான் குழைத்து - கொடுத்ததெல்லாம் இவள் தானோ...? நிலவு ஒரு பெண்ணாகி, உலவுகின்ற அழகோ...? நீரலைகள் இடம் மாறி - நீந்துகின்ற குழலோ...?² மாதுளையின் பூபோலே - மலருகின்ற இதழோ...?² மான் இனமும் மீன் இனமும், மயங்குகின்ற விழியோ...? ⟪ © உலகம் சுற்றும் வாலிபன் ✍ வாலி ♫ M.S.விஸ்வநாதன் 🎤 T.M.சௌந்தரராஜன் @ 1973 ⟫

---

இவளின் முன்னழகின் மேல் இருக்கும் சேலை, மதம் பிடித்த யானையின் மேல் இருக்கும் முகபடாம் போல் அல்லவா இருக்கிறது...!

கடாஅக் களிற்றின்மேல் கட்படாம் மாதர்  
படாஅ முலைமேல் துகில் (1087)  

அழகுத் தெய்வம் மெல்ல மெல்ல அடியெடுத்து வைத்ததோ...? - நான் அன்புக் கவிதை சொல்லச் சொல்ல அடி எடுத்துக் கொடுத்ததோ...? ஒ ஒ ஓ... அழகுத் தெய்வம் மெல்ல மெல்ல அடியெடுத்து வைத்ததோ...? ஒ ஓ... ஆ...ஆ...ஆ...ஆ... இளநீரைச் சுமந்திருக்கும் - தென்னை மரமும் அல்ல... மழை மேகம் குடை பிடிக்கும் - குளிர் நிலவும் அல்ல² இங்கும் அங்கும் மீன் பாயும் - நீரோடை அல்ல² இதற்கு மேலும் இலக்கியத்தில் வார்த்தை ஏது சொல்ல...? ஆ...ஆ...ஆ...ஆ... ⟪ © பேசும் தெய்வம் ✍ வாலி ♫ K.V.மகாதேவன் 🎤 T.M.சௌந்தரராஜன் @ 1967 ⟫

---

போர்க்களத்தில் பகைவரும் பயந்து கதி கலந்து போகும் என் வலிமையெல்லாம், இவளின் ஒளிவீசும் நெற்றிக்கே தோற்று அழிந்து போயிற்றே...!

ஒண்ணுதற் கோஒ உடைந்ததே ஞாட்பினுள்  
நண்ணாரும் உட்குமென் பீடு (1088)  

தென்றலதன் விலாசத்தை தம் தோற்றமதில் பெற்று வந்தவள்... மின்னலதன் உற்பத்தியை அந்த வானத்திற்கே கற்றுத் தந்தவள்... முகத்தை தாமரையாய் நினைத்து மொய்த்த வண்டு ஏமாந்த கதைதான் கண்கள்... சிந்து பைரவியைச் சிந்தும் பைங்கிளியின் குரலில் ஒலிப்பதெல்லாம் பண்கள்... பாவை புருவத்தை வளைப்பது புதுவிதம் - அதில் பரதமும் படிக்குது அபிநயம்² லாலாலலா... லாலாலலா... இந்திர லோகத்துச் சுந்தரி ராத்திரி கனவினில் வந்தாளோ... ? மோகினி போல் வந்து காளையின் உயிரினை பருகியும் சென்றாளோ... ரதி என்பேன், மதி என்பேன், கிளி என்பேன், நீ வா... உடலென்பேன், உயிரென்பேன், உறவென்பேன் நீ வா... ⟪ © உயிருள்ளவரை உஷா ✍ ராஜாஸ்ரீ ♫ டி.ராஜேந்தர் 🎤 S.P.பாலசுப்ரமணியம், சசிரேகா @ 1983 ⟫

---

பெண்மானைப் போல் இளமை ததும்பும் இவளின் கொஞ்சும் பார்வையும், நாணத்தையும் இயற்கையாகவே நகைகளாகக் கொண்டிருக்கும் இவளுக்கு, வெவ்வேறு வகைப்பட்ட நகைகள் அணிந்திருப்பது ஏனென்று தான் தெரியவில்லை...!

பிணையேர் மடநோக்கும் நாணும் உடையாட்கு  
அணியெவனோ ஏதில தந்து (1089)  

கண்ணாடி முன்னால் நில்லாதே - உன் கண்ணாலும் உன்னைக் காணாதே² மங்கை உன் அழகை மாதர் கண்டாலும் - மயங்கிடுவார் கொஞ்சம் நேரம்... இந்த மானிடர் உலகில் வாழ்கிற வரைக்கும் - தனியே வருவது பாவம்...! கண் படுமே பிறர் கண் படுமே - நீ வெளியே வரலாமா...? உன் கட்டழகான மேனியை ஊரார் கண்ணுக்குத் தரலாமா...? புண் படுமே புண் படுமே - புன்னகை செய்யலாமா...? பூமியிலே தேவியைப் போல் - ஊர்வலம் வரலாமா...? ⟪ © காத்திருந்த கண்கள் ✍ கண்ணதாசன் ♫ விஸ்வநாதன்-ராமமூர்த்தி 🎤 P.B.ஸ்ரீனிவாஸ் @ 1962 ⟫

---

மதுவை உண்டால் தானே மயக்கம் வரும்...? ஆனால் அது தேவையேயில்லை... இவளைக் கண்டாலே தானாக மயக்கம் தரும் இந்தக் காதல் போதுமே...!

உண்டார்கண் அல்லது அடுநறாக் காமம்போல்  
கண்டார் மகிழ்செய்தல் இன்று (1090)  

அன்னத்தைத் தொட்ட கைகளினால் - மதுக் கிண்ணத்தை இனி நான் தொட மாட்டேன்... கன்னத்தில் இருக்கும் கிண்ணத்தை எடுத்து - மதுவருந்தாமல் விட மாட்டேன்... உன்னையல்லால் ஒரு பெண்ணை இனி நான் - உள்ளத்தினாலும் தொட மாட்டேன்... உன் உள்ளம் இருப்பது என்னிடமே, அதை உயிர் போனாலும் தரமாட்டேன்...! மயக்கமென்ன... இந்த மௌனமென்ன... மணி மாளிகைதான் கண்ணே... தயக்கமென்ன... இந்த சலனமென்ன - அன்பு காணிக்கைதான் கண்ணே² ⟪ © வசந்த மாளிகை ✍ கண்ணதாசன் ♫ K.V.மகாதேவன் 🎤 T.M.சௌந்தரராஜன், P.சுசீலா @ 1972 ⟫

---

தங்களின் ரசனை என்ன நண்பர்களே...?

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :