சேமிப்பு அவசியம்...!

வணக்கம்... நம்ம மீரா செல்வகுமார் ஐயா அவர்கள், நமக்கான "தமிழ் வலைப்பதிவகம்" வாட்ஸ்-அப் திரட்டியில் ஒரு கேள்வி கேட்டிருந்தார்... அவரின் தளம் → நான் ஒன்று சொல்வேன்..... ←


இந்தப் பதிவு புதுப்பிக்கப்பட்ட நாள் : 15.06.2020
ஆனால் என்னிடம் "ஒன்று" சொன்னார் : // "DD எனது கைப்பேசியில் ஒரு மின்னூல் வாசித்தேன்... புகைப்படங்களும், அவரின் பயண அனுபவங்களும் என்னைப் பரவசமூட்டின... அதைப் பற்றி ஒரு பதிவு எழுதப் போகிறேன்... அந்தப் பதிவில் அவரின் மின்னூல் கோப்பையை (pdf) நம் வலைப்பதிவில் எவ்வாறு இணைப்பது...?" // இப்போது இணைக்கப் போவது அவர் கூறிய நம் இனிய நண்பர் → திரு.வெங்கட் நாகராஜ் ← அவர்களின் நைனிடால் பற்றிய மின்னூல்...!

பாடல்களை (mp3) இணைப்பதை → நேயர் விருப்பம் ← என்கிற தலைப்பில் எழுதி இருந்தேன்... இப்போது pdf file-யை இணைப்பது எப்படி...? கற்றுக் கொள்ள என்னவொரு வாய்ப்பு கொடுத்துள்ளார் பார்த்தீர்களா...? எனக்கு மட்டுமில்லேங்க... உங்களுக்கும் தான்...! கீழே வரிசை எண் 2) மட்டும் தான் தாமதமாகும் (?) மற்றபடி வெறும் க்ளிக் செய்துகிட்டே போகலாம்...!

---

1) முதல்லே உங்க Blogger A/c-க்கு போயிடுங்க...! browser-லே மற்றொரு tab-ல் டைப் செய்து என்டர் (↵) தட்ட வேண்டியது இது தான் → https://drive.google.com/drive/my-drive ← சிரமப்படாம இங்கேயும் சொடுக்கலாம் !

2) + New-யை சொடுக்கி அதில் File upload என்பதையும் சொடுக்கி, உங்க கணினியில் எந்த இடத்தில் மின்னூல் கோப்பு (pdf file) இருக்கிறதோ, அதைத் தேடிச் சொடுக்கி, Open-யை சொடுக்கிட்டு, ஒரு டீ சாப்பிடுங்க... ஏன்னா மின்னூல் கோப்பின் அளவு (mb) பொறுத்து கொஞ்சம் நேரமாகும்...! சரி, கோப்பு முழுவதும் Upload ஆயிருச்சா...?

3) இப்போ சொல்லப் போறது முக்கியம்... சுட்டியாலே அந்தக் கோப்பின் மேலே "ரைட் க்ளிக்" செஞ்சி, Share-ங்கிறதை தேர்வு செய்யுங்க... இப்போ வர்ற திரையிலே, Restricted Only people added can open with this link-ன்னு இருந்தா அது கீழே இருக்கிற Change-ங்கிறதை சொடுக்கி, Anyone with the link-ன்னு மாத்திடுங்க... கடைசியிலே Click Done...!

4) பதிவில் இணைக்க வேண்டிய pdf Script-யை கண்டுபிடிப்போமா...? மறுபடியும் சுட்டியாலே அந்தக் கோப்பின் மேலே "ரைட் க்ளிக்" செஞ்சி, Preview-ங்கிறத தேர்வு செஞ்சி, மறுபடியும் சோத்துக்கை மேலே இருக்கிற மூணு புள்ளிகளைச் சொடுக்கி Open in new window-வை தேர்வு செஞ்சி சொடுக்குங்க... இப்போ புதிய திரை (tab) தானாகவே திறக்கும்...

5) இப்போ மறுபடியும் மேலே இருக்கிற மூணு புள்ளிகளை சொடுக்கினா Embed Item-ன்னு இருக்கும்... அதைச் சொடுக்கி, அப்படியே சுட்டியாலே தேர்வு செஞ்சி copy செஞ்சிட்டு, OK அமுக்கிட்டு வெளியே வாங்க...!

6) இப்போ அந்த மின்னூல் பற்றி விமர்சனம் எழுதிட்டீங்களா...? அந்தப் பதிவிலே எந்த பத்திக்குக் கீழே வரணும்ங்கிறதை முடிவு செய்யுங்க...< > Icon-யை சொடுக்கி, HTML view-யை தேர்வு செய்யுங்கள்... எந்த பத்திக்குக் கீழே வரணும்ங்கிறதை முடிவு செஞ்ச இடத்திலே pdf Script-யை Paste செய்யுங்க...! பதிவோட Preview பாருங்க... அகலம் / உயரம் சரியில்லையா...? அந்த pdf Script-லே உங்கள் தளத்துக்கு ஏத்த மாதிரி (width="550" height="600") மாத்தி மாத்தி பார்த்துட்டு, மறுபடியும் < > Icon-யை சொடுக்கி, Compose view-விக்கு மறுபடியும் வந்து, எதாவது எழுதணும்ன்னா எழுதிட்டு பதிவை Publish செய்யுங்க... அம்புட்டுதான்...!

7) பதிவில் எவ்வாறு இருக்கும்...? இதோ கீழே... திரு.மீரா செல்வகுமார் ஐயாவிற்கு நீங்களும் நன்றி சொல்லி விடுங்கள்...

---

நம்முடைய வசதிக்கேற்ப பல நூல்களை வாங்குகிறோம்... வாசித்து மகிழ்வதோடு இல்லாமல், நூலின் விமர்சனத்தை ஒரு பகிர்வாகப் பகிர்ந்து கொண்டு, எழுதியவரைச் சிறப்பிக்கின்றோம்... ஆனால் உலகமெங்கும் பரவும் (பரவப்போகிற) மின்னூல்...? அதன் அறிமுகம்...? மின்னூல் எழுத்தாளருக்கு நாம் தரும் ஊக்கம்...? ப(பி)டித்த மின்னூல் பற்றிய விமர்சனப் பதிவு வலையுலகில் குறைவு... இனி இந்தப் பதிவு அந்தக் குறையை நீக்கும் என்று நம்புகிறேன்... சரி தானே நண்பர்களே...? நன்றி...

18/1/2017 அன்று புதுக்கோட்டையில், திருமிகு முத்துநிலவன் ஐயா தலைமையில் மின்னூல் வழிகாட்டு முகாம் நடந்தது... விவரம் → இங்கே ← வலைத்தளப் பதிவுகளை மின்னூலாக்கத் திட்டமிட்ட அனைவரும் தொடர்பு கொள்ள வேண்டிய மின்னஞ்சல் முகவரி :- padmanaban@pustaka.co.in

இந்தப் பகிர்வின் முக்கிய நோக்கம்
வலைப்பதிவர்கள் உட்படப் பல வகையான மின்னூல்களை நமது கணினியில் தரவிறக்கம் செய்து வாசிப்போம்... இதற்கென நம் கணினியில் தனியாக ஒரு இடத்தில் (Folder ) சேமித்தும் வைத்திருப்போம்... நம் கணினியை மாற்றும் சூழ்நிலை வரும்போது, ஞாபகமாகப் பலவற்றை Pen Drive-வில் சேமிக்கவும் வேண்டும்... ஒருவேளை நம் கணினி திடீரென்று பழுது ஆகி விட்டால்...?

அதனால் மின்னூல்களை நம் மின்னஞ்சலில் (drive) தரவேற்றம் செய்து விட்டால்...? இது மட்டுமல்ல :- mp3 (Audio Files),, xls (Excel Files), doc (Word Files), உட்படப் பல முக்கியமான கோப்புகளைத் தரவேற்றம் செய்து வைத்துக் கொண்டால் நல்லது... வலைப்பூ உட்பட ஒரே ஒரு மின்னஞ்சலில் எத்தனை விதமான பயன்கள்...! இப்படி இருக்கும் போது, இன்னொரு முக்கியமான பதிவிற்கு ஒரு சகோதரி எனக்கொரு வாய்ப்பு கொடுத்துள்ளார்கள்...அது என்னவென்றால்...

---

"அண்ணே... எனது வலைத்தளத்திலே பல மாற்றங்கள் செய்யணும்..."

"சரி சகோதரி... உங்க Gmail id, password சொல்லுங்க... சரி... உங்க தளத்துக்கு போறேன்... ****** ***97- ங்கிற உங்க கைப்பேசிக்கு ஒரு ஆறு இலக்க நம்பர் வந்திருக்கும்... அதை சொல்லுங்க...!"

"ஐயோ...! அந்த சிம்மை எப்போவோ தூக்கி போட்டாச்சி...!"

"ஐயோ...!! அய்யய்யோ...!!!"

---

பிறகு நடந்தது என்ன...? காத்திருங்கள்... மேலும் மின்னஞ்சல் / வலைத்தளம் பற்றிய சந்தேகங்கள் + பிரச்சனைகள் எதுவென்றாலும் தொடர்பு கொள்க...

dindiguldhanabalan@yahoo.com

நண்பர்களிடம் பகிர்ந்து கொண்டதற்கு நன்றி

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :