ஆயுள் தண்டனையும்... மரண தண்டனையும்...

இளமையெல்லாம் வெறும் கனவு மயம் - இதில் மறைந்தது சில காலம்... தெளிவும் அறியாமல் முடிவும் தெரியாமல்... மயங்குது எதிர் காலம்... மயங்குது எதிர் காலம் ஆஆஆஆஆ...

⟪ © பாக்யலக்ஷ்மி ✍ கண்ணதாசன் ♫ விஸ்வநாதன்-ராமமூர்த்தி 🎤 P.சுசீலா @ 1961 ⟫

"தெளிவும்-முடிவும்" அறிந்து தெரிந்து புரிந்து விட்டால் வாழ்க்கையில் சுவாரஸ்யமே இருக்காது மனமே...! அதனாலே மாலைப் பொழுதின் மயக்கத்திலே கனவு எல்லாம் காணக் கூடாது...! இதோ எதிர்ப்பாட்டு : மயக்கும் மாலைப் பொழுதே நீ போ போ... இனிக்கும் இன்ப இரவே நீ வா வா... இன்னலைத் தீர்க்க வா...! எப்பூடி...?

⟪ © குலேபகாவலி ✍ தஞ்சை ராமையா தாஸ் ♫ விஸ்வநாதன்-ராமமூர்த்தி 🎤 ஜிக்கி, A.M.ராஜா @ 1955 ⟫


⟪ © நாடோடி மன்னன் ✍ பட்டுக்கோட்டை கல்யாணசுந்தரம் ♫ S.M.சுப்பையா நாயுடு, S.M.பாலகிருஷ்ணன் 🎤 T.M.சௌந்தரராஜன் @ 1958 ⟫
நல்ல பொழுதையெல்லாம் தூங்கிக் கெடுத்தவர்கள் - நாட்டைக் கெடுத்ததுடன் தானும் கெட்டார்... சிலர் அல்லும் பகலும் தெரு கல்லாய் இருந்துவிட்டு - அதிர்ஷ்டம் இல்லையென்று அலட்டிக் கொண்டார்... விழித்துக்கொண்டோர் எல்லாம் பிழைத்துக் கொண்டார்² உன்போல் குறட்டைவிட்டோர் எல்லாம் கோட்டை விட்டார்...! தூங்காதே தம்பி தூங்காதே தம்பி - நீயும் சோம்பேறி என்ற பெயர் வாங்காதே...

சோம்பலும்... சலிப்பும்...

தெரியாம எதிர்ப்பாட்டு பாடிட்டேன்... மன்னிச்சு...! ஜுறுஜுறுப்பு வந்துருச்சி...! இன்றென்ன மனசாட்சி தம்பி, கேள்வியைக் காணாம்...?

ஒன்றுமில்லை... பொழுது போகவில்லை... ஒரு வேலையும் இல்லை... ஒரு சிந்தனையும் இல்லை... உன்னிடம் வந்தால் ஏதாவது உப்புக்கு உதவாத விசயத்தைக் கூட உன்னதமானது என்று கூறி, கொஞ்சம் நேரத்தைப் போக்க உதவுவாய்... சொல்லுப்பா... என்ன செய்து கொண்டிருக்கிறாய்...?

அதானே பார்த்தேன்...! அடப்பாவி... உப்பு பத்தி முந்தைய பதிவை எழுதினாலும் சாதாரணமானவர்களால் தான் சாதனையே...! ன்னு சொல்லிட்டோமில்லே... சலிப்பு இல்லாத உழைப்பு என்றும் தரும் சிரிப்பு...! போதுமா...? நம்மைப் போலத்தான் நாட்டிலே, "நேரம் போகவில்லை..."ன்னு புலம்புகிற பல பேரைச் சந்திக்கிறோம்... தனக்கு நேரம் போகவில்லை என்பதற்காக, அடுத்தவரைச் செல்பேசியில் அழைத்து அரைமணி நேரத்திற்கும் மேலாக நேரத்தை வீணடிக்கும் ஆ...சாமிகள்...! அலுவலகத்தில் தன்னுடைய அறையில் வேலை இல்லை என்பதற்காக, அடுத்த நண்பரின் அறைக்குப் போய் அவரது வேலையையும் நேரத்தையும் வீணடிக்கும் நண்பர்கள்... அப்புறம் தொலைக்காட்சியின் முன் உட்கார்ந்து, ரிமோட்டில் ஒன்று முதல் கடைசி அலைவரிசைகள் வரை மாற்றி மாற்றி, "ஒரு சேனலுமே சரியில்லை, எல்லாமுமே ஃபோர்" என்று அங்கலாய்க்கும் சோம்பேறிகள் - இப்படி நேரம் போகாமல் திரியும் "நேர்த்தி" மிக்க மனிதர்களும் இருக்கிறார்கள்...

உலகில் அனைவரும் ஒரு நாளில் அதிக முறை பார்ப்பது Watch தானே...? ஓ... இப்ப யாரும் அதிகம் கட்டுறதில்லே... கைப்பேசி தான்... முன்னேற்றம்...? ஆடம்பரமாகக் கருதப்பட்ட கடிகாரத்தையே அந்தக் காலத்தில் இடுப்பில் கட்டியிருந்தார் நம்ம எளிமை விரும்பி காந்திஜி அவர்கள்...

நேரத்தை திட்டமிட்டு செலவு செய்தார்... ம்... இன்னும் சில பேர்கள் பரபரப்பின் சின்னங்கள்... "நேரம் போதவில்லை... நேரம் போதவில்லை..." என்று சலிப்போடு பேசுவதற்கே அவர்களின் நேரம் முழுவதையும் செலவழிப்பார்கள்... வேலையைத் தொடங்குவதற்கு முன்னரேயே, "எப்போது முடிக்கப் போகிறோமோ...?" என்று பற்றிக் கொள்ளும் பரபரப்பு அவர்களுடையது... வேலை வேலை வேலை வேலை வேலை வேலை... ஆம்பளைக்கும் வேலை பொம்பளக்கும் வேலை... பொம்பளையா போனா ஆம்பளைக்கும் வேலை...! மேலே மேலே மேலே மேலே மேலே மேலே... எத்தனையோ வேலை எப்பவுமே வேலை... அத்தனைக்கும் உண்டு வெற்றியென்னும் மாலை...! (படம் : அவ்வை சண்முகி)

பரபர காட்சிகளுடன் சுறுசுறுப்பான பாடல்... பதிவுலகத்தையே எடுத்துக்கோ... பதிவு மட்டும் - வாசித்தாலும் கருத்திடாமல்... சின்ன உலகம் வேண்டாமா...? சரி விடு...! ஏழை - பணக்காரன், இளைஞர் - முதியவர், வேலை பார்ப்பவர் - வேலை இல்லாதவர், உயர்நிலை பணக்காரர் - கடைநிலை ஊழியர், இல்லறத்தில் வாழ்பவர் - இமயமலையில் வாழ்பவர் - இப்படி எல்லோருக்கும் ஒரு நாளைக்கு 24 மணிநேரம் தானே உள்ளது...?

நேரம் போகவில்லைன்னு சொல்றபவங்களுக்கும், நேரம் போதவில்லைன்னு சொல்றபவங்களுக்கும் நேரம் என்பது சரிசமம்...! வேலை இருந்தாலும் இல்லாவிட்டாலும், திட்டமிடத் தெரிந்தவர்கள், அறிவு நுட்பம் வாய்ந்தவர்கள், நேரத்தைப் பகிர்ந்து கொள்ளத் தெரிந்தவர்கள் பரபரப்பின்றி வாழ்கிறார்கள்... இந்த நுட்பம் புரியாதவர்களுக்கு "சும்மா" இருப்பது கூட... ம்... சுறுசுறுப்பு தேவை தான்... பரபரப்பு தேவையா...? நிதானம் பிரதானம்... உண்மை நிகழ்வை சொல்றேன்... பொறுமையா கேளு...!

---

பெஞ்சமின் பிராங்கிளின் ஒரு புத்தகப் பிரியர்... ஒரு புத்தகக் கடையும் நடத்தி வந்தார்... ஒருமுறை அவர் கடைக்கு வந்த வாடிக்கையாளர் ஒரு புத்தகத்தை எடுத்து, "இது என்ன விலை...?" என்று விற்பனையாளரைக் கேட்டார்... விற்பனையாளர் புத்தகத்திலேயே விலை 1 டாலர் என்று போட்டுள்ளதைச் சுட்டிக் காட்டினார்... "அது எனக்கும் தெரியும், அதை எந்தளவு குறைத்துக் கொடுப்பீர்கள்...?" என்றார்... 1 டாலருக்குக் குறையாது என்று சொல்ல வாக்குவாதம் ஆரம்பம்... இதைக் கேள்விப்பட்டு வந்த பெஞ்சமின் பிராங்கிளின்,"என்ன விசயம்...?" என்று கேட்க, வாடிக்கையாளர், "1 டாலர் பெறும் அளவிற்கு இந்தப் புத்தகம் தகுதியில்லை" என்று சொல்ல பெஞ்சமின் அமைதி காத்தார்... மறுபடியும் வாடிக்கையாளர், "எந்த விலைக்குத் தருவீர்கள்...?" என்று கேட்க, "2 டாலர்" என்றார் பெஞ்சமின்... பதறிப் போன வாடிக்கையாளர், "போட்டிருக்கிற 1 டாலருக்கே இந்தப் புத்தகம் பெறுமானம் இல்லை என்று நான் சொல்லுகிறேன்... நீங்க என்ன, 2 டாலர் என்று சொல்லுகிறீர்கள்...?" "ஐயா, புத்தக விலை 1 டாலர் தான்... ஆனால் இப்போது நான் கூடுதலாக 1 டாலர் கேட்பது, எனது பொன்னான நேரத்தை வீணடித்ததற்கு" என்றார் பெஞ்சமின் பிராங்கிளின்... பார்த்தாயா மனமே...

---

ஒருவரின் ஆளுமைத்திறன் மேம்பட வேண்டுமென்றால், முதலில் நேர மேலாண்மையில் வித்தகனாக வேண்டும்... அத்துடன் மெனக்கெட தீர்மானித்து விட்டால் தேடுதலும் ஆர்வமும் அதிகமாகும்... நேரத்தை மதிக்காதவனை நேரமே மிதித்து கீழ் தள்ளி விட்டு போய்க்கொண்டே இருக்கும்... நேரத்தை நிர்வகிக்கத் தெரியாவிட்டால், கடிகார முட்கள் ஆயுள் தண்டனையாகவும், காலண்டர்கள் மரண தண்டனையாகவும் மாறி விடும்...! நேரம் என்பதைத் தங்கமாகவும், பணமாகவும் கருதுபவர்களே உலகின் உன்னத வெற்றியாளர்களாகும் தகுதி படைத்தவர்கள்... சரியா...?

தண்ணீராகவும் என்பதைச் சேர்த்துக்கோ... காலமறிதல் என்று ஒரு அதிகாரமே இருக்கே... 49 அதில் ஒரு குறள் சொல்ல நேரம் இல்லையா.? எய்தற்கு அரியது இயைந்தக்கால் அந்நிலையே செய்தற்கு அரிய செயல் (489)

தங்களின் கருத்து என்ன நண்பர்களே...?

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :