சூழ்ச்சியில் மாட்டிக்கிட்டேன்...!

நான் வளர்த்த பூங்குருவி வேறிடம் தேடி - செல்ல நினைத்தவுடன் அமைந்ததம்மா அதற்கொரு ஜோடி... நிழற்படமாய் ஓடுது என் நினைவுகள் கோடி... அந்த நினைவுகளால் வாழுகிறேன் காவியம் பாடி...! (படம் : மோகனப் புன்னகை) போன வாரம் நண்பரோட மகளின் கல்யாணத்திற்குப் போயிருந்தப்போ, நண்பர் இந்தப் பாடல் பாடுவதாக மனசிலே தோணிச்சி...!


அன்பை உரைத்திட வாயில்லாத அழகுச் சிலை இவள்... கொண்ட பசியையும் கூறிடாத குழந்தை போன்றவள்... உன் வசத்தில் இந்த ஊமைக்குயில்... இவள் இன்பதுன்பம் என்றும் உந்தன் கையில்... காவல் நின்று காத்திடுக கண் போலவே... பொன் போலவே... (படம் : நீதிபதி) எதிர்ப்பாட்டு நான் பாடலே... வாசிக்கிற + பெண்ணை பெற்ற பெற்றோர்கள் எல்லோரும் பாடியிருப்பாங்க...!

மூங்கில் விட்டுச் சென்ற பின்னே, அந்தப் பாட்டோடு மூங்கிலுக்கு உறவு என்ன...? பெற்ற மகள் பிரிகின்றாள் - அந்தப் பெண்ணோடு தந்தைக்குள்ள உரிமை என்ன...? காற்றைப் போல் வெயில் ஒன்று கடந்து போன பின் - கை காட்டி மரம் கொள்ளும் தனிமை என்ன...? மாயம் போல் கலைகின்ற மனித வாழ்க்கையில் - சொந்தங்கள் சொல்லிச் செல்லும் செய்தி என்ன...? பாசத்தின் ஊடாக ஞானம் கொள்ளப் படைத்தவன் புரிகின்ற சூழ்ச்சி என்ன...? (படம் : அபியும் நானும்) என்ன...? என்ன...? என்ன...? என்னென்ன...?



⟪ © அபியும் நானும் ✍ வைரமுத்து ♫ வித்யாசாகர் 🎤 மது பாலகிருஷ்ணன் @ 2008 ⟫
சுற்றி வளைத்து நீ எங்கே வருகிறாய் என்று எமக்குப் புரிகிறது...! நீ சொல்ற சூழ்ச்சி-ஆண்டவனுக்கே பெண் கொடுத்தாலும் பெண்ணைப் பெற்றவர்களுக்குப் புலம்பல்தான் மிச்சம்... அகநானூற்றில் கூட ஒரு பாடல் : தொடிமாண் சுற்றமும் எம்மும் உள்ளாள்... நெடு மொழித் தந்தை அருங் கடி நீவி...

என் அக ஒன்றுக்கு முதல்லே விளக்கம் சொல்லு... முடிவிலே வேற கேள்விகள் கேட்கிறேன்... இப்போ ஒரே ஒரு சந்தேகம்...! முள்ளை முள்ளாலே எடுக்கணும்ன்னு சொல்றாங்களே, ஏன் ஊக்காலே எடுத்தா வராதா...? இல்லே ஊசியாலே எடுத்தாத்தான் வராதா...?

வில்லங்க கேள்விகளை ஆரம்பித்து விட்டாயா ? ம்... ஊசியும் ஊக்கும் வாராத காலத்தில் வந்த பழமொழி இது...! அதனால் முள்ளை முள்ளாலே எடுக்கணும்ன்னு சொல்லியிருக்காங்க... ஊசியும் ஊக்கும் இல்லேன்னா கத்தியால் எடுத்தாக் கூட வரும்... பாவம் முள், அதுக்கு குத்தத் தான் தெரியும்... வெளியே வரத் தெரியாது... விடு... பொழச்சி போகட்டும்...

இதை இப்படி விட்றதுக்காகவா கேள்விய கேட்கிறோம்... இந்தப் பழமொழி முள்ளை எடுக்கிறதுக்காக வந்த பழமொழியா...? இல்லே வேற ஏதாவது அர்த்தத்தை உள்ளடக்கிய பழமொழியா...? சொல்லுப்பா...

பழமொழிகள் எப்பவுமே எளிமையாத் தான் இருக்கும்... நேரடி அர்த்தம் லேசிலே புரிந்திடும்... ஆனா உள்ளிருக்கிற அர்த்தத்தைப் புரிஞ்சிக்கிறதிலே தான் தத்துவம் அடங்கியிருக்கும்...! முள்ளை முள்ளாலே எடுக்கணும் அப்படின்னா, வாழ்க்கையிலே முள் மாதிரி குத்திட்டேயிருக்கிற சூது, வாது, வஞ்சனைகள் - இவற்றை அதுகளாலே எடுக்கணும் அப்படின்னு அர்த்தம்...!

இது எப்படிப்பா சரியா இருக்கும்...? ஒருத்தர் நமக்கு சூழ்ச்சி செய்து தீமைகள் பண்றார்ன்னா, அதெப்படி சூழ்ச்சியாலே வீழ்த்துறது...?

ஆமா, சூதுவாது தெரியாத வாத்தா நீ...? இதுவரைக்கும் எந்தச் சூழ்ச்சிக்கும் நீ மாட்டவில்லையா...? அடேய் இது தந்திர பூமி... யாரையும் தந்திரத்தாலும் சூழ்ச்சியாலும் வீழ்த்த தெரிந்தவர்களே மேலே வர முடியும்ன்னு காலப் போக்கு திகழ்ந்து கொண்டிருக்கு...! ம்... காலக் கொடுமை...!

ஒரே வாரத்தில் சூழ்ச்சி நிபுணர் ஆக, தொலைக்காட்சி மெகா தொடர்களை எல்லாம் பார்க்கிறதே இல்லையாக்கும்...! தெரிஞ்சிக்கோ...!

நல்லது... நாமாகச் சென்று யாரையாவது சூழ்ச்சி செய்து வீழ்த்தினால் தான் தவறு... ஆனால் நமக்குச் சூழ்ச்சியால் தீமை செய்பவர்களை வெல்வதற்கு, சூழ்ச்சி ஆயுதம் கையாள்வது தவறில்லை என்கிறது பழமொழி, கதை இதோ

---

ஒரு ஊரிலிருந்த இரும்பு வணிகன் சில காலம் வெளியூர் செல்ல வேண்டியிருந்தது... அந்த ஊரிலிருந்த பணக்கார வணிகனிடம் சென்று, தன்னிடமிருந்த இரும்பையெல்லாம் தந்து, தான் சில நாட்கள் வெளியூர் செல்வதாகவும், திரும்பி வரும்வரை பத்திரமாகப் பார்த்துக் கொள்ளும்படியும் கேட்டுக் கொண்டான்... உறுதி அளித்தான் பணக்கார வணிகன்... சில நாட்கள் கழிந்து ஏழை வணிகன் திரும்பி வந்தான்... தான் தந்த இரும்பை திரும்பித் தரும்படி கேட்டான்... "நீ தந்த இரும்பினை எலிகள் தின்று விட்டன..." என்று பொய் சொல்லி ஏமாற்றினான்... வருத்தத்தோடு திரும்பிக் கொண்டிருந்த ஏழை வணிகன், பணக்கார வணிகனின் மகன் விளையாடிக் கொண்டிருந்ததைப் பார்த்தான்... அவனைத் தூக்கிக் கொண்டு போய் வீட்டில் மறைத்து வைத்துக் கொண்டான்... ஏழை வணிகனிடம் தன் மகன் காணாமல் போனதை வருத்தத்தோடு சொன்னான் பணக்கார வணிகன்... "நேற்று மாலை உன் மகனை ஒரு பருத்து தூக்கிச் சென்றதை நான் என் கண்ணால் பார்த்தேன்" என்றார் ஏழை வணிகன்... "இது எப்படிச் சாத்தியமாகும்...? ஒரு சிறிய பருந்தால் எப்படி என் மகனைத் தூக்கிச் செல்ல முடியும்...?" அதற்கு ஏழை வணிகன் "இரும்பை எலிகளால் தின்ன முடிகிற போது, சிறுவனைப் பருந்தால் தூக்கிச் செல்ல முடியாதா...?" என்று சாதுரியமாகப் பதில் சொன்னான்... தன்னுடைய தவற்றை உணர்ந்து கொண்ட பணக்கார வணிகன், தான் விற்ற ஏழை வணிகனின் இரும்புக்கு ஈடான இரு மடங்கு பணத்தைத் தந்து, மன்னிப்பு கேட்டு, தன் மகனை மீட்டுக் கொண்டான்...
பொது நீதிக்கும் நேர்மைக்கும் பயந்துவிடு... நல்ல அன்புக்கும் பண்புக்கும் வளைந்து கொடு... இன்றோடு போகட்டும் திருந்தி விடு² உந்தன் இதயத்தை நேர் வழி திருப்பிவிடு... ஏமாற்றாதே ஏமாற்றாதே... ஏமாறாதே ஏமாறாதே... (படம் : அடிமைப்பெண்)

---

சரி தான்... ஏழை வணிகன் பணக்கார வணிகனிடம் ஏமாந்தாலும், தனக்கு நேர்ந்த தீமையை எந்தவித தீங்கும் செய்யாமல் சூழ்ச்சியால் விலக்கினான் என்பதும் சரி தான்... முள்ளை முள்ளால் எடுக்கும் சாதூர்யம் புரிகிறது... மறுபடியும் நண்பர் நினைப்பு... அதாவது (1) தன் துணைவியை இன்னொரு வீட்டிலிருந்து கொண்டு வந்ததை மறந்த ஆண்களும்...² தன் மாமனார், மாமியாரை முதியோர் இல்லங்களுக்கு அனுப்பிய அல்லது அச்சமயம் தடுக்காத பெண்களும், (1a) தன் மகள் இன்னொரு வீடு போகும் போது (2a) தன் மகன் தனிக்குடித்தனம் போகும் போது மனம் கலங்குவது ஏனப்பா...? வியப்பு வியப்படையும் இந்த வில்லங்கமில்லாத கேள்விற்கு விடை இருக்கா...? தென்னைய பெத்தா இளநீரு... பிள்ளைய பெத்தா கண்ணீரு² பெத்தவன் மனமே பித்தம்மா... பிள்ளை மனமே கல்லம்மா... பானையிலே சோறிருந்தா - பூனைகளும் சொந்தமடா... சோதனையைப் பங்கு வச்சா - சொந்தமில்லே பந்தமில்லே... (படம் : எங்க ஊரு ராஜா)

அடேய் ராசா...! நிப்"பாட்டு"... மிச்சத்தை படிக்கிறவங்க பாட்றாங்க...! அன்பு எனும் முள் எடுக்கவே முடியாதது...! சில வலிகளை ஏற்றுக் கொள்வது தான் சிறந்த வழி... செய்யும் தவறுகளுக்கு மனசாட்சி முள் குத்திக் கொண்டே இருப்பது தான், மனிதன் திருந்துவதற்கு ஒரே வழி...! ஏதோ பழமொழிக்கு எனக்குப் புரிந்த அர்த்தம் சொன்னேன்... உன் சூழ்ச்சியில் மாட்டிக்கிட்டேன்...! ம்... அட...! ஐயம் தீர்க்க ஐயன் இருக்கும் போது பயமேன்...?

நமக்கு நாமே சூழ்ச்சி செய்து கொள்வது தான் அதிகம்... ஆனால் சூழ்ச்சி என்றாலே நாமும் + பலரும் நினைப்பது "கெடுதல் இழைக்கும் தந்திரம்" என்பதே... உண்மையான பொருள் வேறு... திருக்குறளில் 15 குறட்பாக்களில் மொத்தம் 20 தடவை சூழ் என்னும் சொல் வருகிறது + கீழுள்ள குறளையும் சேர்த்து...! சூழ் என்றால் சிந்திக்க, நினைக்க, எண்ணிப் பார்க்க, ஆராய்க, ஆலோசிக்க என்று தான் எல்லா இடங்களிலும் பொருள் கொள்ள வேண்டும்...! அதே போல் நாம்... ம்ஹீம்... வாசிக்கும் பெற்றோர்களும்... உனது கேள்விக்கான பதிலைக் கீழுள்ள குறளின் விளக்கம் கண்டு சிறிது ஆறுதலும் அடையலாம்...! மேலும் சிந்திக்கக் குறள் நூலைத் தேடுபவர்களுக்கும் நன்றி...!

சூழ்ச்சி முடிவு துணிவெய்தல் அத்துணிவு
தாழ்ச்சியுள் தங்குதல் தீது (671)

---

இன்றைய மனிதனுக்கு மிகப் பெரிய தேவை எது...? அறிய இங்கே சொடுக்குவதற்கு முன்... இப்பதிவைப் பற்றிய தங்களின் கருத்து என்ன நண்பர்களே...?

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :