கருத்துக்கணிப்பு தேவையா...?

ஹலோ DD, கில்லர்ஜி பேசுறேன்... என் பதிவுலே mp3 சேர்க்கணும்... எப்படி...?

இதோ நேயர் விருப்பம் ← பதிவை சொடுக்கினா உங்கள் விருப்பம் நிறைவேறும்...!

---

இந்தப் பதிவு புதுப்பிக்கப்பட்ட நாள் : 18.10.2019

---

சரி DD, இப்பவே அது போல் செய்கிறேன்... அப்புறம் உங்க தளத்திலே இந்த முன்னணி பிடித்த பத்து பதிவுகள்லே இந்த லிங்கா...? (!!!)

அதை ஏன் கேட்கிறீங்க...? லிங்கா...! எப்படி...?←ன்னு பதிவின் தலைப்பை மட்டும் கொஞ்சம் மாத்தினேன்... ரசிகர்கள் இருக்கலாம்... ஆனால் இந்த சொந்த வாழ்க்கையை மறந்த சில அற்ப வெறியர்களால், முன்னணி பிடித்த பத்து பதிவுகள்லே முதல் மூன்று இடங்களில் வந்து நிக்குது...! என்னத்த சொல்றது...?!

நானும் என்னவோ நினைச்சேன்...! ஹிட் ஹிட்...! பலர் தலையிலும் ஹிட்...! நீங்க பலரையும் யோசிக்க வைச்சிட்டீங்கன்னு சொல்ல வந்தேன்...! ஹா... ஹா... லிங்காவோட முடிஞ்சி போச்சா...? இல்லே, லேட்டஸ்டா... 'தல'யை அறிந்தால்...!ன்னு இந்தப் பதிவுக்கு வைச்சிருக்கலாம்... பிச்சிக்கும்...!

நீயென்ன ? நானென்ன ? நிஜம் என்ன ? பொய் என்ன ? சந்தர்ப்பம் பெரிதாமடி...! ஏதேதோ நடக்கட்டும்... எங்கேயோ கிடக்கட்டும்... எனக்கென்ன உனக்கென்னடி ? எல்லாமும் இருந்தாலும் நல்லோரை மதிப்பார்கள் உலகத்தில் கிடையாதடி...! இன்பங்கள் துன்பங்கள் சமமாக உருவாக இது போல ஆனேனடி...! நான் பொல்லாதவன்... பொய் சொல்லாதவன்... என் நெஞ்சத்தில் வஞ்சங்கள் இல்லாதவன்... வீண் வம்புக்கும் சண்டைக்கும் செல்லாதவன்... கை கட்டி, வாய் மூடி, யார் முன்னும், நான் நின்று - ஆதாயம் தேடாதவன்...! அந்த ஆகாயம் போல் வாழ்பவன்...!

நம்மளை நாமே மதிச்சி, மிதிச்சி வாழ்ந்தாலே ஆகாயம் தான் DD... பதில் தேவை... இல்லே நான் பொல்லாதவனாகி விடுவேன்...! சிவசம்போ...!

பிச்சிக்கிற வேலை நிறைய இருக்கு ஜி...! என் வழி ஒரே வழி...! நிழல் தொடரட்டும்... நிஜத்தை மறந்து நாமும் ரசிப்போம் ஜி...!

அதே அதே... வலைத்தள உலகம் எப்படிங்கிறதை... புரிஞ்சிகிட்டதை சொல்ல வந்தேன்...! புதுக்கோட்டை வலைத்தளப் பயிற்சிக்கு வர முடியா விட்டாலும் பதிவர் சந்திப்பிற்கு வருவேன்... இப்போ இங்கே ஒரு பயிற்சி தேவை... போன பதிவிலே கருத்துக்கணிப்பை எப்படிப் பதிவுக்குள்ளே கொண்டு வந்தீங்க...?

---

Poll Widget இப்போது இல்லை.. அதனால் புதிய தொழிற்நுட்பம் என்பதிலிருந்து தொடர வேண்டுகிறேன்... SCROLL please...

---

கருத்துக்கணிப்பு தேவையா...? Side-ல் இருந்தால் கவனத்தில் ஈர்க்காது... அதேசமயம் அரசியல், சமூகம், சமையல், சினிமா என நம்ம பதிவர்கள் அனைவருக்கும் உதவும்... இதோ : வழக்கமா Gadget சேர்க்கிற மாதிரி தான்... Layout-யை சொடுக்கி, வலதுபுறம் இருக்கும் Add a Gadget-யை சொடுக்கினால், திறக்கும் popup window-வில் Poll என்பதைத் தேடி விட்டுச் சொடுக்கினால்... கீழே இருக்கிறது போல ஒரு பக்கம் திறக்கும்... என்ன பேச்சே காணாம்... ம்... சரி...

அதில் கேள்வி, பதில்கள் மற்றும் நேரம் + எந்த நாள் வரை என்பதையெல்லாம் போட்டுட்டு, Save என்பதை கிளிக்கினால் முடிந்தது ! அடுத்து உங்க தளத்தை இன்னொரு tab-ல் திறங்க... அதில் நீங்கள் இணைத்த Gadget Side-ல் முதலில் இருக்கும்; எல்லாம் சரியா...? மாற்றமில்லையே...? அடுத்து Ctrl Key-யை அழுத்திக் கொண்டு U என்பதை அழுத்தவும்... (Source Code) அடுத்த tab-ல் கசமுசா கசமுசா-ன்னு ஒரு பக்கம் திறக்கும்... கவனிங்க ஜி: ஒரு தளத்தில் என்னென்ன சித்து வேலைகள் செஞ்சிருக்காங்க என்பதை அறியலாம்...! சிவ சம்போ....! ஹலோ... பிச்சிகிற மாதிரி ஏதும் சொல்லலையே, ஹலோ...

இப்போ பதிவில் இணைக்க வேண்டிய கருத்துக்கணிப்பு script-யை தேடுவோம்... Ctrl Key-யை அழுத்திக் கொண்டு F என்பதை அழுத்தினால் வலது ஓரத்தில் வரும் சின்ன பெட்டியில் "Poll" என்பதை டைப்பித்து என்டர் (↵) தட்டினால், பித்துப் பிடிக்காமல் அந்த இடத்தில் சென்று விடலாம்... ஐ மெர்சலாயிட்டேன்... மெர்சலாயிட்டேன்... <iframe allowtransparency என்று ஆரம்பித்து </iframe> என்று முடியும் script-யை copy செய்து கொண்டு, நமது பதிவில் paste செய்ய வேண்டியது தான்... முக்கியம் ஜி... வழக்கமாகப் பதிவு எழுதும் போது Compose பக்கத்தில் இருப்போம்... அது பக்கத்தில் இருக்கும் HTML என்பதைச் சொடுக்கி, அங்கு எந்த இடத்தில் "paste" செய்கிறோமோ, அந்த இடத்தில் பதிவில் தோன்றும்...! மறுபடியும் Compose பகுதிக்கு வந்து "labels" வகையறாக்களை இட்டு விட்டு "Publish" செய்வதற்கு முன், Side-ல் இருக்கும் கருத்துக்கணிப்பு தேவையில்லை... அதனால் மறுபடியும் Layout சென்று இணைத்த Gadget-ன் கீழுள்ள Edit என்பதைச் சொடுக்கி, Remove என்பதையும் கிளிக்கினால் போயிந்தே... Its gone... அவ்வளவு தான்...! Any Doubts Killerjee...?

ஹோஹோ... அதுக்குள்ளே செஞ்சிட்டோமில்லே... Side-ல் இருக்கிறதை மட்டும் பிறகு எடுக்கணும்... ஆனா, "Preview"வில் பார்த்தா கருத்துக் கணிப்பே காணாம்... அதே சமயம் ஒரு சின்ன மாற்றமும் செய்யணும்.. அதனாலே, Layout-சென்று அந்த Gadget-யை edit-செய்யலாம்ன்னு பார்த்தா, You cannot edit this poll because someone has already voted-ன்னு வருது...! என்ன செய்வது DD...?

அவசரப்பட்டால் அவஸ்தையாகும்... அவஸ்தை நிதானமானால் தீர்வு கிடைக்கும்... எல்லாமே சரியானது ஒரு நாள் தவறாகும்... தவறானது ஒரு நாள் சரியாகும்... நாம் அன்னப்பறவையாக மாற நாளாகும்... அச்சச்சோ... இது தொழினுட்ப பதிவு அல்லவா...? மறந்துட்டேன்... ஹிஹி... மறுபடியும் முதலிலிருந்து செய்யுங்க கில்லர்ஜி... ஏக்) Preview-வில் மட்டுமல்ல... பதிவு எழுதும் பக்கத்திலும் (Compose) தெரியாது...! அதனால் பதிவு முழுவதையும் எழுதி விட்டு, கருத்துக் கணிப்பு முடிவிற்கு வாங்க... தோ) Vote-போட்டு விட்டு ஏதேனும் மாற்றம் செய்ய நினைத்தால் முடியாது... vice versa...! தீன்) Gadget-ல் Allow visitors to select multiple answers - இதற்கு முன்னுள்ள கட்டத்தில் "டிக்" செய்தால், வாசகர்கள் இரு வேறு அல்லது அனைத்து பதில்களையும் தேர்வு செய்யலாம்... ஸார்) கேள்வி பதில்களையே மாற்றும் குழப்பமும் இங்கே தான் தொடங்கும்...

---

புதிய தொழினுட்பம்

ஹலோ கில்லர்ஜி, இங்கே செல்லுங்கள் https://www.websitegoodies.com/tools/poll ← இங்கேயும் சொடுக்கலாம்...! அங்குக் கேள்வியையும், அதற்கான 10 பதில்களையும் இட்டு விட்டு, Create My Poll Widget என்பதைச் சொடுக்குங்கள்... Copy and paste this code into your website's code where you want the poll to appear: என்பதற்குக் கீழுள்ள script-யை நகல் எடுத்துச் சேமித்துக் கொள்ளவும்... வழக்கமாகப் பதிவு எழுதும் போது Compose view பக்கத்தில் இருப்போம்... அதாவது நாம் பதிவு எழுதும் பக்கத்தில் இடதுபுறம் மேலே முதல் Icon <> ▿ என்றிருக்கும்... அது Compose view மற்றும் HTML view பக்கங்களுக்கு மாறுவதற்கான Icon... அதைச் சொடுக்கி HTML view தேர்வு செய்துவிட்டு, சேமித்து வைத்த script-யை, பதிவில் எந்த இடத்தில் "paste" செய்கிறோமோ, அந்த இடத்தில் தோன்றும்...! மறுபடியும் Compose view-க்கு மாறிவிட்டு தொடர்ந்து பதிவை எழுதலாம்...

---

⟪ © நினைத்தாலே இனிக்கும் ✍ கண்ணதாசன் ♫ M.S.விஸ்வநாதன் 🎤 M.S.விஸ்வநாதன் @ 1979 ⟫

மனிதா உன் ஜென்மத்தில் எந்நாளும் நன்னாளாம்... மறுநாளை எண்ணாதே எந்நாளும் பொன்னாளாம்... பல்லாக்கைத் தூக்காதே பல்லாக்கில் நீயேரு... உன்னாயுள் தொண்ணூறு எந்நாளும் பதினாறு... டும் டும் ட டி டி ட டி டி... டும் டும் ட ட டி ட ட ட... டும் டிம் டும் டும்... ட ட டி... ஜகமே தந்திரம்... சுகமே மந்திரம்... மனிதன் எந்திரம்... சிவசம்போ...! நெஞ்சம் ஆலயம்... நினைவே தேவதை... தினமும் நாடகம்... சிவசம்போ...!

நினைத்தாலே இனிக்கிறது ஜி... நன்றி...
நண்பர்களே தங்களின் கருத்து என்ன... ?

---

மேலும் சந்தேகம் இருந்தால் தொடர்பு கொள்ளவும்...
dindiguldhanabalan@yahoo.com

நண்பர்களிடம் பகிர்ந்து கொண்டதற்கு நன்றி

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :