நான் + துன்பம்

வணக்கம் நண்பர்களே... அன்புச் சகோதரியும் துணைவியும் நலமடைந்து வருகிறார்கள்... அன்பையும் ஆறுதலையும் பகிர்ந்து கொண்ட அனைவருக்கும் நன்றிகள் பல... அந்தப் பகிர்வு : சிரிச்சிட்டு போய்கிட்டே இருப்பேன்...! (படிக்காதவர்கள் பதிவின் தலைப்பின் மேல் சொடுக்கிப் படித்து விட்டுத் தொடர வேண்டுகிறேன்) அதன் தொடர்ச்சியாக இந்த பகிர்வு :

திருவள்ளுவரின் (63) இடுக்கணழியாமை அதிகாரத்தை ஒரு உரையாடல் மூலமும், குறளுக்கேற்ப-எண்ணங்களைச் சீர்படுத்தும் பாடல்களை, அதில் பிடித்த வரிகளை அடர்த்தி படுத்தியும், ஓரளவு சொல்லியுள்ளேன்... வாசிப்பவர்கள் பாடலை கேட்க, ஒவ்வொரு குறளுக்கு பின்னுள்ள இதயத்தை சொடுக்கவும்...

---

(படம் : அபூர்வ ராகங்கள்) காலை எழுந்தவுடன் நாளைய கேள்வி - அது கையில் கிடைத்த பின்னும் துடிக்குது ஆவி... ஏனென்ற கேள்வி ஒன்றே என்றைக்கும் தங்கும் - மனித இன்பதுன்பம் எதிலும் கேள்விதான் மிஞ்சும்... ஏழு ஸ்வரங்களுக்குள் எத்தனை பாடல்... இதயச் சுரங்கத்துள் எத்தனை கேள்வி...? காணும் மனிதருக்குள் எத்தனை சலனம் - வெறும் கற்பனை சந்தோஷத்தில் அவரது கவனம்... ஆரம்பத்தில் பிறப்பும் உன் கையில் இல்லை... இதில் அடுத்தடுத்த நடப்பும் உன் கையில் இல்லை.. பாதை வகுத்த பின்பு பயந்தென்ன லாபம் - அதில் பயணம் நடத்திவிடு மறைந்திடும் பாவம்...

பயணத்தை மாத்துறேன்; நிறைய வளத்தைக் கொடுத்து கவுக்கிறேன் பாரு...!

ஏகப்பட்ட பணம் இருக்கும் போதே, மனசிலே கஞ்சத்தன்மை இல்லாம மத்தவங்களுக்கு கொடுத்த எனக்கு, பணம் இல்லாததாலே வர்ற துன்பத்திலே வருத்தப்படுவேன்னு நினைச்சிட்டியா...? இந்த நிலை மாறும்...!

அற்றேமென்று அல்லற் படுபவோ பெற்றேமென்று
ஓம்புதல் தேற்றா தவர் (626)
⟪ © இது சத்தியம் ✍ கண்ணதாசன் ♫ விஸ்வநாதன்-ராமமூர்த்தி 🎤 T.M.சௌந்தரராஜன் @ 1963 ⟫
தலைக்கு மேலே வெள்ளம் போனால் சாணென்ன முழமென்ன...? தன்னை நம்பும் தைரியம் இருந்தால் நாளென்ன பொழுதென்ன...?² விலைக்கு மேலே விலை வைத்தாலும் மனிதன் விலை என்ன...? உயிர் விட்டு விட்டால், உடல் சுட்டுவிட்டால் - அதில் அடுத்த கதை என்ன...? என்ன...? அதில் அடுத்த கதை என்ன...? எல்லாம் வல்ல இறைவனின் ஆணை... சொல்லப் போவது யாவதும் உண்மை... சத்தியம் இது சத்தியம்... பஞ்சைப் போட்டு நெருப்பை மறைப்பவன் பைத்தியக் காரனடா... பாவம் தீர்க்கப் பணத்தை இறைப்பவன் பச்சை மடையனடா... நெஞ்சுக்கு நீதியை ஒளித்தே வாழ்பவன் நிச்சயம் மிருகமடா - நல்ல நேர்மையிலும் தன் வேர்வையிலும் தினம் வாழ்பவன் தெய்வமடா...! ஆ... தினம் வாழ்பவன் தெய்வமடா...!

---

பணத்துக்கு அப்படியா...? அப்போ உடம்புக்கு நான் வந்தா என்ன செய்வே...?

உடம்புக்கு வர்றது சகஜம் தானே...? இதுக்கெல்லாம் மனம் சஞ்சலப்பட்டாலோ அல்லது கலக்கம் அடைந்தாலோ, உடம்பு என்னத்துக்கு ஆகும்ன்னு தெரியும்... எனக்கானாலும் சரி... மற்றவர்களுக்கானாலும் சரி... நாம முதல்லே தைரியமா இருக்கணும்கிறதிலே தெளிவா இருக்கேன்...!

இலக்கம் உடம்பிடும்பைக் கென்று கலக்கத்தைக்
கையாறாக் கொள்ளாதாம் மேல் (627)
⟪ © கிச்சா வயது 16 ✍ பா.விஜய் ♫ தினா 🎤 உன்னி மேனன் @ 2005 ⟫
வானம் தலையில் மோதாது - பூமி நகர்ந்து போகாது... நடுவில் இருக்கும் உந்தன் வாழ்க்கை - தொலைந்து ஒன்றும் போகாது... சோகம் என்றும் முடியாது - கவலை என்றும் அழியாது... இரண்டையும் தான் ஏற்றுக் கொண்டால் - வாழ்க்கை என்றும் தோற்காது... நெஞ்சே பொன் நெஞ்சே - தடை யாவும் துரும்பு... தீயாய் நீயானால் - மெழுகாகும் இரும்பு... தோல்வி அவை எல்லாம் சில காயத் தழும்பு... ஏறு முன்னேறு - ஒளியோடு திரும்பு... பறவை அதற்கும் இறகு சுமையா...? தோல்வி ஒரு தடையா...? சில நேரம் சில பொழுது, சோதனை வரும் பொழுது - நம்பிக்கையால் மனம் உழுது... வானில் உன் பெயர் எழுது...

---

ம்...எப்படி வந்தாலும் பயப்பட மாட்டேன்கிறானே...! துன்பத்துக்கு மருந்து சிரிப்பு தான்கிறதே முழுசா புரிஞ்சிகிட்டான் போலிருக்கு...! நான் என்ன செய்வது...?

அதுக்குள்ளே அசந்து போனா எப்படி...? சந்தோசம் இருக்கிற போதே அதை கண்டுக்கிறது கிடையாது... துன்பம் வந்தா மட்டும் துவண்டு போய் விடுவேனோ...?

இன்பம் விழையான் இடும்பை இயல்பென்பான்
துன்பம் உறுதல் இலன் (628)
⟪ © அவன் தான் மனிதன் ✍ கண்ணதாசன் ♫ M.S.விஸ்வநாதன் 🎤 T.M.சௌந்தரராஜன் @ 1975 ⟫
பாஞ்சாலி உன்னிடத்தில் சேலை கேட்டாள்... அந்த பார்த்தனவன் உன்னிடத்தில் கீதை கேட்டான்... நானிருக்கும் நிலையில் உன்னை என்ன கேட்பேன்...? : இன்னும் நன்மை செய்து துன்பம் வாங்கும் உள்ளம் கேட்பேன்... நன்மை செய்து துன்பம் வாங்கும் உள்ளம் கேட்பேன்... கடலளவு கிடைத்தாலும் மயங்க மாட்டேன்... அது கையளவே ஆனாலும் கலங்க மாட்டேன்... உள்ளத்திலே உள்ளது தான் உலகம் கண்ணா... இதை உணர்ந்து கொண்டேன் துன்பமெல்லாம் விலகும் கண்ணா... உணர்ந்து கொண்டேன் துன்பமெல்லாம் விலகும் கண்ணா...

---

என்னையே இன்பமா நினைக்கிற உன்னை நினைச்சா, எனக்கே சந்தோசமா இருக்கு...! நான் உன்னை பாராட்டுகிறேன்...!

துன்பத்தின் உச்சியான "நான்" என்ற இறுமாப்பு, ஆணவம், அகங்காரம் கொண்டவனே...! தப்புக் கணக்குப் போடாதே...! இன்பமான காலத்திலேயே மனசிலே ஆட்டம் போடாதவன், வாட்டம் அடைய மாட்டான் கஷ்ட காலத்திலே...! இதுவும் / எதுவும் கடந்து போகும்...!

இன்பத்துள் இன்பம் விழையாதான் துன்பத்துள்
துன்பம் உறுதல் இலன் (629)
⟪ © மௌனம் பேசியதே ✍ சினேகன் ♫ யுவன் சங்கர் ராஜா 🎤 கார்த்திக் @ 2002 ⟫
ஹேய்... கருவறைக்குள் தானாகக் கற்றுக்கொண்ட சிறு ஆட்டம்... தொட்டிலுக்குள் சுகமாகத் தொடரும் ஆட்டமே...! பருவம் பூக்கும் நேரத்தில் - காதல் செய்யப் போராட்டம்... காதல் வந்த பின்னாலே - போதையாட்டமே...! பேருக்காக ஒரு ஆட்டம்; காசுக்காகப் பல ஆட்டம்; எட்டு காலில் போகும்போது - ஊரு போடும் ஆட்டமே...! ஆடாத ஆட்டமெல்லாம்... போட்டவங்க மண்ணுக்குள்ள... போன கதை உனக்குத் தெரியுமா...? நீ கொண்டு வந்ததென்ன...? நீ கொண்டு போவதென்ன...? உண்மையென்ன உனக்குப் புரியுமா...? வாழ்க்கை இங்கே யாருக்கும் சொந்தமில்லையே...! வந்தவனும் வருபவனும் நிலைப்பதில்லையே...! ஹேய்... ஏன் - நீயும் நானும் நூறு வருசம் இருப்பதில்லை பாரு...!

---

ஒன்னும் சரிப்பட்டு வராது போல;வேறு இடத்துக்குப் போக வேண்டியது தான் ! அதனால் :-

நான் + துன்பம்

அப்படிக் கீழே விழுந்தாலும் துன்பத்தை இன்பமாகக் கருதும் மனவுறுதி இருக்கிறவங்க கிட்டே போவதற்குள் மறைந்து போவாய்...! எந்தச் செயலிலும் மனந்தளராதவர்களைப் பார்த்து, அவர்களின் எதிரி கூட ஆச்சரியப்பட்டு மதிக்கும் சிறப்பு இருக்கு...! ஹா... ஹா...

இன்னாமை இன்பம் எனக்கொளின் ஆகுந்தன்
ஒன்னார் விழையுஞ் சிறப்பு (630)
⟪ © சுமைதாங்கி ✍ கண்ணதாசன் ♫ விஸ்வநாதன்-ராமமூர்த்தி 🎤 P.B.ஸ்ரீனிவாஸ் @ 1962 ⟫
வாழ்க்கை என்றால் ஆயிரம் இருக்கும்... வாசல் தோறும் வேதனை இருக்கும்... வந்த துன்பம் எதுவென்றாலும் - வாடி நின்றால் ஓடுவதில்லை... வாடி நின்றால் ஓடுவதில்லை... எதையும் தாங்கும் இதயம் இருந்தால்... இறுதி வரைக்கும் அமைதி இருக்கும்... மயக்கமா...? கலக்கமா...? மனதிலே குழப்பமா...? வாழ்க்கையில் நடுக்கமா...? ஏழை மனதை மாளிகை ஆக்கி, இரவும் பகலும் காவியம் பாடு... நாளை பொழுதை இறைவனுக்கு அளித்து, நடக்கும் வாழ்வில் அமைதியைத் தேடு... உனக்கும் கீழே உள்ளவர் கோடி; நினைத்துப் பார்த்து நிம்மதி நாடு...!

---

முடிவாக
⟪ © மாயாவி ✍ பழனி பாரதி ♫ தேவி ஸ்ரீ பிரசாத் 🎤 கல்பனா, S.P.B.சரண் @ 2005 ⟫
நாம் எல்லாம் சுவாசிக்கத் தனித் தனி காற்று கிடையாது... மேகங்கள் மேகங்கள் இடங்களைப் பார்த்துப் பொழியாது... கோடையில் இன்று இலையுதிரும்... வசந்தங்கள் நாளை திரும்பி வரும்... வசந்தங்கள் மீண்டும் வந்துவிட்டால்... குயில்களின் பாட்டுக் காற்றில் வரும்.. முடிவதும் பின்பு தொடர்வதும், இந்த வாழ்க்கை சொல்லும் பாடங்கள் தானே கேளடி... அழகே... பூமியின் வாழ்க்கையை அன்பில் வாழ்ந்து விடை பெறுவோம்...

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :