சிறப்பான செயலுக்கு என்ன தேவை...?

நண்பர்களே... உயர்திரு. வை. கோபாலகிருஷ்ணன் ஐயா அவர்கள், எனக்கு Fabulous Blog Ribbon விருது வழங்கியதற்கு நன்றியையும், விருது பெற்ற 108 நண்பர்களுக்கு நல்வாழ்த்துக்களையும் தெரிவித்துக் கொள்கிறேன்... ஐயாவிடமிருந்து தொடர்ச்சியாகப் பெறும் மூன்றாவது விருதாகும்... மிக்க நன்றி ஐயா... வழக்கமாக ஞாயிற்றுக்கிழமை பதிவு எழுதி திங்கள் அன்று வெளியிடுவேன்... இந்தப் பதிவு முன்னதாகவே... காரணம் முடிவில்...


இன்று நாம் அலசப் போவது சிறப்பான செயலுக்கு என்ன தேவை ? என்பதைப் பற்றி... இவை யாவும் என் சொந்த கருத்துக்கள்..... நான் படித்த புத்தகங்கள் மூலமும் என் வாழ்வில் பழகிய/சந்தித்த நண்பர்களிடமிருந்தும் அறிந்து கொண்ட விசயங்கள் :

01) கடவுள் அருள் இல்லாமல் எந்தச் செயலும் சிறப்பாக அமையாது...

02) கடமையைச் செய்... பலனை எதிர்பார்க்காதே...

03) ஒழுக்கம், நேர்மை இருந்தால் எல்லாம் சிறப்பாக அமையும்...

04) என்ன தான் சிறப்பாகச் செய்தாலும் பணிவு வேண்டும்...

05) முழுமனதுடன் உண்மையாகச் செய்யுங்கள்... அது தான் சிறப்பு...

06) என் தன்னம்பிக்கையே, என் தாரக மந்திரம்...

07) முயற்சி திருவினையாக்கும். முயற்சியுடையார் இகழ்ச்சியடையார்.

08) அடுத்த மாதம் எனக்குச் சுக்கிர திசை ஆரம்பம்... அப்புறம் பாருங்க...

09) என் திறமையைப் பற்றி எனக்குத் தெரியாதா...? தெரியலேனா... மற்றவர்களிடம் தெரிந்து கொண்டு சிறப்பா செய்வேன்...

10) கையிலே எவ்வளவு பணம் இருக்கு...? முடிந்தயளவு குடுங்க...! சிறப்பா எந்தச் செயலையும் செய்து காண்பிக்கிறேன்...

இன்னும் பொறுமை, அரவணைப்பு, etc... இப்படித் தொடர்ந்து கொண்டே போகும்... அவரவர் சிந்தனைக்கேற்ப / சூழ்நிலைக்கேற்ப / தொழிலுக்கேற்ப மாறுபடும்... பல உதாரணங்கள் சொல்லலாம்... இது நிஜம்... நண்பர் ஒருவர் என்னிடம் கேட்டார்... "மற்றவர்களைப் பற்றி அறிய வேண்டும்" என்றார்... நான், "அது இருக்கட்டும், உங்களைப் பற்றிக் கொஞ்சம் சொல்லுங்கள்" என்றேன்... அவர் தன்னைப்பற்றியும் தன் சிறப்புகளைப் பற்றியும் கூறினார்... நான், "உங்களின் பலவீனங்கள் சொல்லுங்கள்" என்றேன்... அவரால் உடனே சொல்ல முடியவில்லை... சிறிது தயங்கித் தயங்கி, யோசித்துச் சொன்னார்... நான், "பார்த்தீர்களா...? உங்கள் பலவீனங்களைக் கூட உடனே சொல்வதற்குத் தெரியவில்லை... அப்படிச் சொல்வதானாலும் என்னிடம் சொல்வதற்குத் தயங்குகிறீர்கள்... நம் பலங்களைப் பற்றிச் சிந்திக்கும் அளவு, நாம் நம் பலவீனங்களைச் சிந்திப்பதில்லை... உங்களைப்பற்றி முதலில் முழுதாக அறிந்து கொள்ளுங்கள்... பிறகு மற்றவர்களைப் பற்றி யோசியுங்கள்..." என்றதை ஒத்துக்கொண்டார் அவர்...

நமது மகாத்மா காந்தியடிகள் அவர்கள், தனது சத்திய சோதனையில், தன் பலத்தையும் சொல்லி உள்ளார்... தனது பலவீனத்தையும் சொல்லி உள்ளார்... சத்திய சோதனையை முழுதாகப் படித்தவர்களுக்குப் புரியும்...

அது எதற்கு இப்போது என்கிறீர்களா...? மேலே நண்பர்கள் கூறியது போல், இன்னும் ஆயிரம் விசயங்கள் இருந்தாலும்... அவை எல்லாம் தேவையில்லை என்று சொல்லவில்லை... ஒரு செயலை செய்வதற்கு முன் நம் பலம் / பலவீனம் அறிந்து கொண்டு செய்தால் சிறப்பாக அமையும்... அதற்கு பொதுவாக எல்லார்க்கும் வேண்டியது திட்டமிடுதல்... அவ்வாறு திட்டமிட்டுச் செய்தால் சிறப்பாக அமையும்... அவ்வாறு தோல்வி / தடங்கல் வந்தாலும் அவை படிக்கற்களாக எடுத்துக் கொள்ளும் மன உறுதி வேண்டும்... பல குறள்கள் இருந்தாலும் அனைவரும் அறிந்த குறள் :

எண்ணித் துணிக கருமம் துணிந்தபின்
எண்ணுவம் என்பது இழுக்கு. அதிகாரம் : தெரிந்து செயல்வகை (467)
(பொருள் : நன்றாக எண்ணிய பின்னரே ஒரு செயலைச் செய்யத் துணிய வேண்டும்... செயலைத் தொடங்கிய பின், அது பற்றி எதையும் எண்ணிப் பார்ப்பது குற்றமாகும்.)

ஆக என்னைப் பொறுத்தவரை...

சிறப்பான செயலுக்குத் தேவை : திட்டமிடுதலே

---

இது எதற்கு இப்போது என்கிறீர்களா...? என் அன்பான சொந்தங்களே... (பதிவர்கள் இல்லை) பத்து மாதங்களுக்கு முன் நானும் உங்களைப் போல, பல பேரின் பதிவுகளைப் படித்தவன்... பல தளங்களை நாம் பகிர்ந்து கொண்டுள்ளோம்... நன்றி... உங்களின் சார்பாக நான் கலந்து கொள்ளப் போகிறேன்... கவலைப் படாதீர்கள்... வரும் காலங்களில் மெரீனா கடற்கரையில் பதிவர் சந்திப்பு நடக்கலாம்... அப்போது வரலாம்... ஹா... ஹா...

"ஐ... ஆசே... ஆசே... வோன் ஆசே நட்க்கட்டும்... என்ன நைய்னா... நாந்தான்ப்பா வோன் மனச்சாட்ச்ச்சி... பழ்சு மெட்ராஸ் வால்வு நாபமாக்கீதா... அதாண்டே போய்யி என்பா செய்ப்போரே...?"

செவியிற் சுவையுணரா வாயுணர்வின் மாக்கள்
அவியினும் வாழினும் என். அதிகாரம் : கேள்வி (420)
(பொருள் : கேள்வியாகிய அறிவுச் சுவையை உணராது, வாயால் அறியும் நாக்கின் சுவையுணர்வு மட்டுமே கொண்டவர்கள் இறந்தாலும் வாழ்ந்தாலும் ஒன்று தான்.)

"சூப்பராக்கீது... நள்ல நம்பரூ, அதெப்டி 420ங்கெல்லாம் அவங்ககலையே ஏமாத்திக்குவொங்கன்னு, எப்டி வள்ளுவருக்கு அப்ப தெறியும்... என்னாப்பஹா... நம்க்கே கேழ்வியா...? அப்புறாம் ?"

பல்லார் பகைகொளலின் பத்தடுத்த தீமைத்தே
நல்லார் தொடர்கை விடல். அதிகாரம் : பெரியாரைத் துணைக்கோடல் (450)
(பொருள் : நல்லவராகிய பெரியாரின் தொடர்பைக் கைவிடுதல் பலருடைய பகையைத் தேடிக்கொள்வதை விடப் பத்து மடங்கு தீமை உடையதாகும்.)

ஓஹோ... அப்டியா... அப்போ எந்நாத்துக்குத் தழைப்பு ஒர்மாத்ரி இக்குது... அப்றோம் வோன்னைப் பொருத்தன்காட்டிலும் வேர மாத்ரி இக்குது...

அடேய் மனமே... நிப்பாட்டு, உளறாதே... அதான் பேச வரவில்லையே... சென்னையை விட்டு இங்கு வந்து 10 வருசம் மேலே ஆச்சி... நமக்கு என்ன வருமோ, தெரியுமோ, முடியுமோ... அதைத் திட்டமிட்டுப் பொறுமையாகச் செய்தால் போதும்... தலைப்பு : சிறப்பான செயலுக்கு என்ன தேவை ? திட்டமிடுதல்... அதான் நான் திட்டவட்டமாகத் திட்டமிட்டு கிளம்பிட்டேனே... மனமே, முடிவில் உள்ள குறளின் விளக்கத்தை நன்றாகப் படி...! நண்பர்களே... பிறகென்ன தாமதம்...? நீங்களும்...

கிளம்புங்கைய்யா... கிளம்புங்க...!

---

திட்டம் எல்லாம் ரெடி... முன்னேறுவதற்கு என்னங்க தேவை...? மேலும் சிந்திக்க இங்கே சொடுக்கித் தொடர்வதற்கு முன், இந்தப் பதிவைப் பற்றி தங்களின் கருத்து என்ன நண்பர்களே...?

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :