போதை வந்த போது புத்தி இல்லையே...

---

நீல வானம் மெல்ல மெல்லச் சிவந்து போனதே... காவல் கொண்ட மாலை இன்று களவு போனதே...² பாடல் ஒன்று... ராகம் ஒன்று... தாளம் கொஞ்சம் மாறி விட்டதென்ன... காலம் என்னும் தேவன் என்னைக் கேலி செய்கிறான்... கோலம் வேறு கொள்கை வேறு காணச் சொல்கிறான்... இன்று மட்டும் நாளை இல்லை - என்ற சொல்லில் உண்மை இனி இல்லை... ⟪ © சொர்க்கம் ✍ கண்ணதாசன் ♫ M.S.விஸ்வநாதன் 🎤 P.சுசீலா @ 1970 ⟫

---

கள்ளுண்ணாமை அதிகாரத்தைக் குறளின் குரலாக முந்தைய பதிவில் ஒரு உரையாடலாகப் பகிர்ந்து கொண்டேன்... குறளுக்கேற்ப பாடல் வரிகளைச் சொல்வது உங்கள் பொறுப்பு...! என்று இந்த இணைப்பில் சொல்லி இருந்தேன்... சரியான சில பாடல் வரிகளைச் சொன்னவர்கள் அனைவருக்கும் பாராட்டுக்கள்... இதோ குறள்கள், விளக்கங்கள், குறள்களுக்கேற்ப திரைப்படப் பாடல் வரிகளும்...! குறளுக்கேற்ப முக்கிய வரிகளை அடிக்கோடிட்டுக் காட்டியுள்ளேன்... முழுப் பாடலை கேட்க கேட்பொலியை சொடுக்கவும்...

---

முந்தைய பகுதியை இங்கே சொடுக்கி வாசித்து விட்டும் தொடரலாம்...

அதிகாரம் 93 - கள்ளுண்ணாமை (926-930)

---

நான் சம்பாதித்த சொத்து, என்னவேணாலும் செய்வேன்... யாருக்காவது சிரமம் தர்றேனா...? குடிச்சிட்டு நான் பாட்டுக்கு செத்த பொணம் மாதிரி படுத்துக்கறேன்... நானா உளறினா தான் தண்ணி அடிச்சிருக்கேன்னு தெரியும்...

துஞ்சினார் செத்தாரின் வேறல்லர் எஞ்ஞான்றும்  
நஞ்சுண்பார் கள்ளுண் பவர் (926)  

பிறப்புக்கு முன்னால் இருந்தது என்ன - உனக்கும் தெரியாது...! இறந்த பின்னாலே நடப்பது என்ன - எனக்கும் புரியாது...! இருப்பது சில நாள் அனுபவிப்போமே - எதுதான் குறைந்து விடும்...? எதுதான் குறைந்து விடும்...? உஷ்.. ச்ச்ச்ச்ச்ச்... இரவினில் ஆட்டம் பகலினில் தூக்கம்... இதுதான் எங்கள் உலகம் எங்கள் உலகம்...² ⟪ © நவராத்திரி ✍ கண்ணதாசன் ♫ K.V.மகாதேவன் 🎤 T.M.சௌந்தரராஜன் @ 1964 ⟫

---

நீ உயிரோட இருந்தாலும் பொணம்தாண்டா... என்னது உளறலா...? க்கும்... இந்த நினைப்பு வேறயா...? யாருக்கும் தெரியாம நீ தண்ணி அடிச்சாலும், போதையில் இருக்கிற உன் கண்ணே காட்டிக் கொடுக்குது... உள்ளூரிலே எல்லோருக்கும் தெரிஞ்சி சந்தி சிரிக்குது...

உள்ளொற்றி உள்ளூர் நகப்படுவர் எஞ்ஞான்றும்  
கள்ளொற்றிக் கண்சாய் பவர் (927)  

உன்னைப் பார்த்து இந்த உலகம் சிரிக்கிறது...² உன் செயலைப் பார்த்து உன் நிழலும் வெறுக்கிறது... உன்னைப் பார்த்து இந்த உலகம் சிரிக்கிறது... பாடும் பறவை... பாயும் மிருகம்...² - இவைகளுகெல்லாம் பகுத்தறிவில்லை... ஆனால், அவைகளுக்குள்ளே சூழ்ச்சிகள் இல்லை... // உன்னைப் பார்த்து இந்த உலகம் சிரிக்கிறது... சேவல் கூட தூங்கும் உலகைக் கூவி எழுப்பும் குரலாலே... ஏவல் செய்யும் காவல் காக்கும் - நாய்களும் தங்கள் குணத்தாலே... இரை எடுத்தாலும் இல்லை என்றாலும் - உறவை வளர்க்கும் காக்கைகளே...² இனத்தை இனமே பகைப்பது எல்லாம் - மனிதன் வகுத்த வாழ்க்கையிலே... ⟪ © அடிமைப்பெண் ✍ வாலி ♫ K.V.மகாதேவன் 🎤 T.M.சௌந்தரராஜன் @ 1969 ⟫

---

சிரிக்கட்டும்... சிரிக்கட்டும்... கவலையில்லை... நான் குடிக்கலேன்னு சொன்னா யாரும் நம்பவே மாற்றங்கப்பா... கொஞ்ச நேரத்திலே எனக்கே தெரியாம உண்மை தானா வெளியே வருது...! அதுக்கெல்லாம் நானா பொறுப்பு...?

களித்தறியேன் என்பது கைவிடுக நெஞ்சத்து  
ஒளித்ததூஉம் ஆங்கே மிகும் (928)  

கடவுள் என் வாழ்வில் கடன்காரன்... கவலைகள் தீர்த்தால் கடன் தீரும்... ஏழைகள் வாழ்வில் விளையாடும் இறைவா - நீ கூட குடிகாரன்...! போதை வந்த போது புத்தி இல்லையே... புத்தி வந்த போது நண்பர் இல்லையே... நாளை முதல் குடிக்க மாடேன்... சத்தியமடி தங்கம்... இன்னிக்கு ராத்திரிக்குத் தூங்க வேணும்... ஊத்திக்கிறேன் கொஞ்சம்... (3) ⟪ © நீதி ✍ கண்ணதாசன் ♫ M.S.விஸ்வநாதன் 🎤 T.M.சௌந்தரராஜன் @ 1972 ⟫

---

இது வெறும் மனநோய் தான்டா... உனக்கு எப்படிப் புரிய வைக்கிறதுன்னு தெரியலே... கிணத்திலே விழுந்தவனைத் தேடிக் கண்டுபிடிக்க, ஒருத்தன் தீப்பந்தம் கொளுத்திட்டு குதிச்சானாம்... அப்படிதான் உன்னையெல்லாம் திருத்தவும் முடியாது... தெளிய வைக்கவும் முடியாது... நீயா திருந்தினாத்தான் உண்டு...!

களித்தானைக் காரணம் காட்டுதல் கீழ்நீர்க்  
குளித்தானைத் தீத்துரீஇ அற்று (929)  

மயக்கம் என்பது மாத்திரையா - மரணம் போகும் யாத்திரையா...? விளக்கு இருந்தும் இருட்டறையா - விடிந்த பின்னும் நித்திரையா...? வரம்பு கடந்து நரம்பு தளர்ந்து - வயதைத் தொலைத்து வாழுவதா...? இந்த உலகம் உன்னை அழைக்கிறது - அட இன்னும் வாழ்க்கை இருக்கிறது...! ஒரு பண்பாடு இல்லையென்றால் பாரதம் இல்லை... நம் பண்போடு வாழ்ந்திருந்தால் பாவமும் இல்லை... சிறகில்லாமல் தள்ளாடும் செல்ல கிளிகள்... என் கண்ணோரம் இப்போது கண்ணீர்த் துளிகள்... ⟪ © ராஜா சின்ன ரோஜா ✍ வைரமுத்து ♫ சந்திரபோஸ் 🎤 K.J.யேசுதாஸ் @ 1989 ⟫

---

போடாடேய்... போதையில் இல்லாத போதே, எத்தனை குடிகாரங்களோட அலப்பறையே பார்த்து இருக்கிறோம்... குடிச்சி சீரழிந்து, குடும்பம் சின்னாபின்னமாக்கிப் போன எத்தனையோ நண்பங்க வீட்டிக்கு போயிருக்கோம்... அங்கேயே நாங்கெல்லாம் ஃபுல்..! அப்பவே திருந்தலையாம்... இப்போ நீ வந்து சொன்னா மட்டும்...? அதெல்லாம் நினைக்க நேரமேயில்லே...!

கள்ளுண்ணாப் போழ்திற் களித்தானைக் காணுங்கால்  
உள்ளான்கொல் உண்டதன் சோர்வு (930)  

புட்டி தொட்டதால புத்தி கெட்டு போனேன் - ஊறுகாய கொண்டா உன்னையும் தொட்டுக்கறேன்...² அடடா ரம்மு வந்தா ராகம் வரும் கொண்டா - இதுவும் பத்தாதம்மா கொண்டாடி அண்டா...² மகராஜா பிச்சைகேட்டு இங்கு பாடுறான்... என்னைப் பார்த்துக் கோப்பை தள்ளாடும்... காசு தீர்ந்தாலே கண்ணீரும் கள்ளாகும்... தண்ணித் தொட்டி தேடி வந்த கண்ணு குட்டி நான்...² இந்த சூரியன் வழுக்கி சேத்தில் விழுந்தது மாமி... என் கண்ணைக் கட்டி காட்டுல விட்டது சாமி சாமி சாமி... சாராயத்தை ஊத்து... ஜன்னலைத்தான் சாத்து...² ⟪ © சிந்து பைரவி ✍ வைரமுத்து ♫ இளையராஜா 🎤 K.J.யேசுதாஸ் @ 1985 ⟫

---

தங்களின் கருத்து என்ன நண்பர்களே...?

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :