தைரியமாக சொல் நீ மனிதன் தானா...?

---

ஏதாச்சும் போதை உன்னை இப்போதும் தேவை கண்ணா - இல்லாட்டி மனுஷனுக்குச் சக்தி இல்லே...(!) / தாய்ப் பாலும் போதை தரும்... சாராயம் போதை தரும் - ரெண்டையும் பிரித்தெறிய புத்தி இல்லே... / தாய்ப் பாலு போதை சில மாதம் மட்டும்...(?) சாராய போதை நாம் வாழும் மட்டும்...(!) / போதை மாறலாம் புத்தி மாறுமா...? புத்தர் சொல்லியும் நாய் வாலு நிமிறுமா...? / ஏல மச்சி மச்சி... தல சுத்தி சுத்தி... உன் புத்தி கெட்டு போயாச்சு... / என் மூளைக்குள்ள பல பட்டாம்பூச்சி - எட்டி எட்டிப் பார்த்தது என்னாச்சு...?⟪ © அன்பே சிவம் ✍ வைரமுத்து ♫ வித்யாசாகர் 🎤 உதித் நாராயண், திப்பு @ 2003 ⟫

கள்ளுண்ணாமை அதிகாரத்தைக் குறளின் குரலாக முந்தைய பதிவில் ஒரு உரையாடலாகப் பகிர்ந்து கொண்டேன்... குறளுக்கேற்ப பாடல் வரிகளைச் சொல்வது உங்கள் பொறுப்பு...! என்று இந்த இணைப்பில் சொல்லி இருந்தேன்... சரியான சில பாடல் வரிகளைச் சொன்னவர்கள் அனைவருக்கும் பாராட்டுக்கள்... இதோ குறள்கள், விளக்கங்கள், குறள்களுக்கேற்ப திரைப்படப் பாடல் வரிகளும்...! குறளுக்கேற்ப முக்கிய வரிகளை அடிக்கோடிட்டுக் காட்டியுள்ளேன்... முழுப் பாடலை கேட்க கேட்பொலியை சொடுக்கவும்...

---

அதிகாரம் 93 - கள்ளுண்ணாமை(921-925)

---

ஏண்டா... தண்ணி, சிகரெட், கஞ்சா - இப்படி இன்னும் என்னென்ன போதை பழக்கத்துக்கெல்லாம் அடிமையா இருக்கே...? எப்படி இருந்த நீ இப்படி ஆயிட்டே... மத்தவங்க உன் மேலே வைச்சிருந்த மதிப்பும் மரியாதையும் போச்சி... பயமும் சுத்தமா போச்சி...

உட்கப் படாஅர் ஒளியிழப்பர் எஞ்ஞான்றும்  
கட்காதல் கொண்டொழுகு வார் (921)  

தைரியமாகச் சொல் நீ மனிதன் தானா...? மனிதன் தானா...? - இல்லை, நீ தான் ஒரு மிருகம்... இந்த மதுவில் விழும் நேரம்... மனமும் நல்ல குணமும் - உன் நினைவை விட்டு விலகும்... நீ தான் ஒரு மிருகம் - இந்த மதுவில் விழும் நேரம்... மானைப் போல் மானம் என்றாய்... நடையில் மத யானை நீயே என்றாய்... வேங்கை போல் வீரம் என்றாய்... அறிவில் உயர்வாகச் சொல்லிக் கொண்டாய்... மதுவால் விலங்கினும் கீழாய் நின்றாய்... ⟪ © ஒளிவிளக்கு ✍ வாலி ♫ M.S.விஸ்வநாதன் 🎤 T.M.சௌந்தரராஜன் @ 1968 ⟫

---

போகட்டும்டா... அதுக்கென்ன இப்போ...? மூத்தவங்க என்ன, எங்க அப்பா அம்மா ஆனாலும் சரி... நல்ல நண்பர்களும் சரி... யாரோட மதிப்பும், அறிவுரை ஆலோசனை எல்லாம் எனக்குத் தேவையேயில்லை... நான் 'தண்ணி'க்காட்டு ராஜாடா...!

உண்ணற்க கள்ளை உணில்உண்க சான்றோரான்  
எண்ணப் படவேண்டா தார் (922)  

பொய்யான சிலபேர்க்கு புது நாகரிகம்... புரியாத பலபேர்க்கு இது நாகரிகம்... முறையாக வாழ்வோர்க்கு எது நாகரிகம்...? முன்னோர்கள் சொன்னார்கள் அது நாகரிகம்...! // திருந்தாத உள்ளங்கள் இருந்தென்ன லாபம்...? வருந்தாத உருவங்கள் பிறந்தென்ன லாபம்...? இருந்தாலும் மறைந்தாலும் பேர் சொல்லவேண்டும்... இவர் போல யாரென்று ஊர் சொல்லவேண்டும்...! கண் போன போக்கிலே கால் போகலாமா...? கால் போன போக்கிலே மனம் போகலாமா...? மனம் போன போக்கிலே மனிதன் போகலாமா...? மனிதன் போன பாதையை மறந்து போகலாமா...? ⟪ © பணம் படைத்தவன் ✍ வாலி ♫ விஸ்வநாதன்-ராமமூர்த்தி 🎤 T.M.சௌந்தரராஜன் @ 1965 ⟫

---

அடேய் கூஜா... உன்னைப் பார்த்து நீ சொன்னவங்க யாரும் சந்தோசப்பட மாட்டாங்க... பாவி, பரிதாப்படுவாங்கடா... அவ்வளவு ஏண்டா, எந்த தப்பையும் மன்னிக்கிற உங்க அம்மாவே சகிச்சிக்க மாட்டாங்க... வெட்கமா இல்லே உனக்கு...?

ஈன்றாள் முகத்தேயும் இன்னாதால் என்மற்றுச்  
சான்றோர் முகத்துக் களி (923)  

கலைமகள் கைப்பொருளே உன்னை கவனிக்க ஆளில்லையோ...? விலையில்லா மாளிகையில் உன்னை மீட்டவும் விரலில்லையோ...? சொர்க்கமும் நரகமும் நம்வசமே - நான் சொல்வதை உன்மனம் கேட்கட்டுமே... சத்தியம் தர்மங்கள் நிலைக்கட்டுமே - இது தாய்மையின் குரலாய் ஒலிக்கட்டுமே... ⟪ © வசந்த மாளிகை ✍ கண்ணதாசன் ♫ K.V.மகாதேவன் 🎤 P.சுசீலா @ 1972 ⟫

---

என்னது வெட்கமா...? அப்படி ஒன்னு இருக்கோ...? ஹே ஹே... என்னைப் பார்த்து அந்த வெட்கமே ஓடிப் போயிருச்சு...! அட இதுக்குப் போய் அலட்டிக்கலாமா...? எனக்கு வேண்டியது எந்நேரமும் போதை...!

நாண்என்னும் நல்லாள் புறங்கொடுக்கும் கள்ளென்னும்  
பேணாப் பெருங்குற்றத் தார்க்கு (924)  

மதுவுக்கு ஏது ரகசியம்...? அந்த மயக்கத்தில் எல்லாம் அவசரம்...² மதுவில் விழுந்தவன் வார்த்தையை - மறுநாள் கேட்பது அவசியம்...! அவர் இவர் எனும் மொழி - அவன் இவன் என வருமே... நாணமில்லை வெட்கமில்லை - போதை ஏறும் போது... நல்லவனும் தீயவனே - கோப்பை ஏந்தும் போது... சிலர் குடிப்பதுபோலே நடிப்பார்... சிலர் நடிப்பதுபோலே குடிப்பார்... சிலர் பாட்டில் மயங்குவார்... சிலர் பாட்டிலில் மயங்குவார்...! ⟪ © சங்கே முழங்கு ✍ கண்ணதாசன் ♫ M.S.விஸ்வநாதன் 🎤 T.M.சௌந்தரராஜன் @ 1972 ⟫

---

அடேய்... இப்படி எந்நேரமும் போதையிலே இருக்க, கஷ்டப்பட்டுச் சம்பாதித்த பணமெல்லாம் போகுதே... பணத்தை விடு, இப்படி உடம்பை சீரழிச்சிக்கிறேயே... இதைவிட முட்டாள்தனம் உலகத்திலே எதுவுமேயில்லை... அது விசம்டா... மனுசனா நீ...?

கையறி யாமை உடைத்தே பொருள்கொடுத்து  
மெய்யறி யாமை கொளல் (925)  

குடிக்காதே தம்பி குடிக்காதே... தம்பிதம்பி... தம்பியோவ்... குடிக்காதே தம்பி குடிக்காதே... நீ குடிச்சிபிட்டு குடலு வெந்து துடிக்காதே... நீ குடிச்சிருந்தா ஊருலகம் மதிக்காதே... உன் வீட்டை ஒரு கழுதை கூட மிதிக்காதே...² நல்ல மனுஷன் சாராயத்தைத் தொட்டதுமில்லை - அது தொட்டவனை லேசில தான் விட்டதுமில்லை... மனுஷனோட ரத்தத்தை தான் அட்டை குடிக்கும் - ஆனா, மனைவி மக்கள் குடும்பத்தையே பட்டை குடிக்கும்...² பாடுபட்டு பணத்தை சேர்த்து குடியில் விடாதே - உன் பிள்ளை குட்டி எல்லாத்தையும் தெருவில் விடாதே...² பைய பைய கறையுறது சில்லறைதாம்பா... உன் பரம்பரைக்கு மிஞ்சுறது கல்லறைதாம்பா...² ⟪ © நான் குடித்துக் கொண்டே இருப்பேன் ✍ வாலி ♫ M.S.விஸ்வநாதன் 🎤 T.M.சௌந்தரராஜன் @ 1980 ⟫

---

அடுத்த பகுதி இங்கே சொடுக்கித் தொடரவும்... அதற்கு முன் இந்தப் பதிவைப் பற்றித் தங்களின் கருத்து என்ன...?

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :