உழவர் சிரிக்கணும்...! உலகம் செழிக்கணும்...! (1)

இயற்கை வேளாண்மை, சுற்றுச்சூழல் பாதுகாப்பு, நிலச்சீர்திருத்தம், தொழில் மயமாக்கம், பசுமைப் புரட்சி என ஒன்றிற்கொன்று தொடர்புடைய பல்வேறு விமர்சனங்களையும், ஆக்கப்பூர்வமான மாற்றுகளையும் பரிந்துரைத்த, இயற்கை விவசாயத்தை ஊக்குவிக்கும் பணியில் ஈடுபட்ட மதிப்பிற்குரிய திரு.கோ. நம்மாழ்வார் ஐயா அவர்கள் 30-12-2013 அன்று பட்டுக்கோட்டை அருகே அத்திவெட்டியில் (பிச்சினிக்கோட்டை கிராமத்தில்) மீத்தேன் வாயு திட்டத்தை எதிர்த்து போராட்டம் நடத்தச் சென்றிருந்த போது உடல் நலக்குறைவு ஏற்பட்டு இயற்கை எய்திய இயற்கை விஞ்ஞானிக்கு இந்தப் பதிவு சமர்ப்பணம்... இனி பதிவிற்குச் செல்வோம்...

வணக்கம்... அனைவருக்கும் இனிய ஆங்கில புத்தாண்டு நல்வாழ்த்துக்கள்... "என்ன தோஸ்து, விவசாயத்திலே இறங்கிடிங்க...? தப்பா நினைச்சிக்காதீங்க, எவ்வளவு நிறைய படிச்சிருக்கிறீங்க, உங்களுக்குக் கிடைக்காத வேலையா...?" ← இது முந்தைய பகிர்வின் ஒரு உரையாடல் "நீங்க மரமாக போறீங்க..." பதிவில் எனது பால்ய நண்பரோடு...! (படிக்காதவர்கள் தலைப்பின் மேல் சொடுக்கவும்...) உரையாடல் தொடர்கிறது வித்தியாசமாக… :-

அதிகாரம் 104 - உழவு (1031-1035)
சிறு வேண்டுகோள் : கீழே உள்ள Play button-னை சொடுக்கவும். ஒருமுறை அழுத்தினால், பதிவைப் படிக்கும் போது பாடலை கவனமாகக் கேட்க முடியாதென்பதால், இருமுறை சொடுக்கவும். பதிவைப் படித்து முடிப்பதற்குள் Load ஆகிவிடும்...!

---

உரையாடலைப் படித்து விட்டு, குறளுக்கேற்ற திரைப்படப்பாடல்களை ரசிக்க, உரையாடலுக்கு முன்னுள்ள இதயத்தை சொடுக்கவும்...

---

⟪ © தாய்க்கு பின் தாரம் ✍ அ.மருதகாசி ♫ K.V.மகாதேவன் 🎤 T.M.சௌந்தரராஜன் @ 1956 ⟫ வானம் பொழியுது பூமி விளையுது தம்பி பயலே... நாம வாடி வதங்கி வளப்படுத்துறோம் வயலே...² ஆனால் தானியமெல்லாம் வலுத்தவருடைய கையிலே... தானியமெல்லாம் வலுத்தவருடைய கையிலே... இது தகாதுன்னு எடுத்து சொல்லியும் புரியலே...! அதாலே மனுசன மனுசன் சாப்பிடுராண்டா தம்பி பயலே...! இது மாறுவதெப்போ திருந்துவதெப்போ நம்ம கவலை...! சரியா நல்லமுத்து...?

---

நெற்றி வேர்வை சிந்தினோமே முத்து முத்தாக அது... நெல்மணியாய் வெளஞ்சிருக்கு கொத்துக் கொத்தாக² பக்குவமாய் அறுத்து அதைக் கட்டுக் கட்டாக² அடிச்சுப் பதரை நீக்கிக் குவிச்சி வைப்போம் முத்து முத்தாக... ஏர் முனைக்கு நேர் இங்கே எதுவுமே இல்லே... என்றும் நம்ம வாழ்விலே பஞ்சமே இல்லே... பூமியிலே மாரியெல்லாம் சூரியனாலே² பயிர் பூப்பதுவும் காய்ப்பதுவும் மாரியினாலே; நாம் ஷேமமுற நாள் முழுதும் உழைப்பதனாலே² இந்த தேசமெல்லாம் செழித்திடுது நம்ம கையாலே...! ஏர் முனைக்கு நேர் இங்கே எதுவுமே இல்லே... ⟪ © பிள்ளைக் கனியமுது ✍ அ.மருதகாசி ♫ K.V.மகாதேவன் 🎤 T.M.சௌந்தரராஜன் @ 1958 ⟫

வாங்க பாலன், நல்ல பாட்டு... சிரமம் தான்... துன்பம் தான்... இருந்தாலும் வேறு எந்தத் தொழிலைச் செய்து திரிந்தாலும், முடிவில் நம்ம உழவுத்தொழில் செய்பவர்களையே உலகம் "புவ்வா"விற்கு எதிர்பார்க்கும் இல்லையா...? எங்க அப்பா சொன்னபோது தெரியவில்லை... இந்த உழவுத் தொழில் தான் சிறந்தது, முதன்மையானதுன்னு இப்பத்தான் புரிஞ்சிக்கிட்டேன்...

1031. சுழன்றும்ஏர்ப் பின்னது உலகம் அதனால்
உழந்தும் உழவே தலை

---

எண்ணிப்பாரு கொஞ்சம் ஏர் பிடிக்கும் ஆள... சோத்தில் நாம கையை வைக்க - சேத்தில் வைப்பான் கால... ஹேய்... ஹேய்... ஹேய்... ஹேய்... சாக்கடைக்குள் போய் சுத்தம் செய்யும் பேரு... நாலு நாளைக்கு லீவு போட்டா நாறிப்போகும் ஊரு...! முடி வெட்டும் தொழில் செய்யும் தொடர்ந்தான் இல்லையேல் - நமக்கெல்லாம் ஏது அழகு...? நதி நீரில் நின்று துணி துவைப்பவன் இல்லையேல் - வெளுக்குமா உடை அழுக்கு...? எந்தத் தொழில் செய்தாலென்ன...? செய்யும் தொழில் தெய்வமென்று பட்டுக்கோட்டை பாட்டில் சொன்னானே...! ரீப்பிட்டே... சக்தியெல்லாம் ஒண்ணு சேர்ந்தாலே... ஓஓ ஓஓஓஒ ஓஓஓஒ ஓஓஓஒ... சொர்க்கம் வரும் இந்த மண் மேலே ஓஓ ஓஓஓஒ ஓஓஓஒ ஓஓஓஒ... ⟪ © சந்திரமுகி ✍ வாலி ♫ வித்யா சாகர் 🎤 S.P.பாலசுப்ரமணியம் @ 2005 ⟫

அட... நீங்க சொல்வது சரி தான்... இதை விடத் திருப்தியான தொழில் எதுவும் கிடையாது... எந்தத் தொழிலைச் செய்தாலும், அவங்களுக்கெல்லாம் சாப்பிடும் பொருட்களையெல்லாம் தந்து தாங்குகிற நீங்க தானப்பா இந்த உலகத்திற்கே அச்சாணி...!

1032. உழுவார் உலகத்தார்க்கு ஆணிஅஃ தாற்றாது
எழுவாரை எல்லாம் பொறுத்து

---

இல்லாமை நீக்க வேண்டும்; தொழில் ஆக்கம் வேண்டும்; இங்கு எல்லோரும் வாழ வேண்டும்... முன்னேற என்ன வேண்டும்...? நல்லெண்ணம் வேண்டும்; தன் உழைப்பாலே உண்ண வேண்டும்...! பாடுபட்ட கை அது பாட்டாளி கை² செய்யும் தொழிலைத் தெய்வமாக... நிலைநிறுத்தி... உடல் வருத்தி... அன்னமிட்ட கை நம்மை ஆக்கிவிட்ட கை...! வாழ வைக்கும் கை அது ஏழை மக்கள் கை; காட்டை மேட்டைத் தோட்டமாக்கி... நாட்டு மக்கள் வாட்டம் போக்கி... அன்னமிட்ட கை நம்மை ஆக்கிவிட்ட கை... உன்னை என்னை உயர வைத்து; உலகமெல்லாம் வாழவைத்து; அன்னமிட்ட கை நம்மை ஆக்கிவிட்ட கை...! ⟪ © அன்னமிட்ட கை ✍ வாலி ♫ K.V.மகாதேவன் 🎤 T.M.சௌந்தரராஜன் @ 1972 ⟫

நன்றிப்பா... மத்தவங்களுக்கும் உழவு செய்து அதனால் கிடைக்கிற திருப்தி இருக்கே, அதை வார்த்தைகளிலெல்லாம் சொல்ல முடியாது... உரிமையோடு உயர்வா வாழ்க்கை வாழ்ற திருப்தி இருக்கு... ஏதோ ஒரு வேலைக்குப் போயிருந்தால், "ஐயா சாமி..."-ன்னு வாழ்க்கை முழுவதும் அவங்க தர்றதை வச்சி பொழைப்பு நடத்தி அவங்க பின்னாலே தான் போகணும்...! வேறே வழியில்லை...

1033. உழுதுண்டு வாழ்வாரே வாழ்வார்மற் றெல்லாம்
தொழுதுண்டு பின்செல் பவர்

---

முன்னேற்றப் பாதையிலே மனசை வைத்து; முழு மூச்சா அதற்காகத் தினம் உழைத்து...² மண்ணிலே முத்தெடுத்து பிறர் வாழ² வழங்கும் குணம் உடையோன் விவசாயி... விவசாயி... விவசாயி... என்ன வளம் இல்லை இந்த திருநாட்டில்...? ஏன் கையை ஏந்த வேண்டும் வெளிநாட்டில்...? ஒழுங்காய் பாடுபடு வயல் காட்டில்...² உயரும் உன் மதிப்பு அயல் நாட்டில்...! விவசாயி... விவசாயி... இருந்திடலாம் நாட்டில் பல வண்ணக்கொடி; எத்தனையோ கட்சிகளின் எண்ணப்படி...² பறக்க வேண்டும் எங்கும் ஒரே சின்னக் கொடி - அது பஞ்சம் இல்லை என்னும் அன்னக்கொடி...! பஞ்சம் இல்லை என்னும் அன்னக்கொடி...! விவசாயி... விவசாயி... கடவுள் என்னும் முதலாளி; கண்டெடுத்த தொழிலாளி; விவசாயி... விவசாயி... ⟪ © விவசாயி ✍ அ.மருதகாசி ♫ K.V.மகாதேவன் 🎤 T.M.சௌந்தரராஜன் @ 1967 ⟫

நல்லாவே சொன்னீங்க...! சுயமாக தொழில் செய்யும் எல்லோருக்கும் இந்த திருப்தியும் இருக்கும்... ஆனா, எந்த நாடு என்றால் என்ன...? எந்த ஆட்சியாளர்களின் நிழலையும் உங்க கீழே கொண்டு வர சக்தி இருக்கே... அந்தளவு இந்த உழவுத் தொழிலால் தானிய வளமும், அதனால் அருளும் உடைய கருணையாளர்கள் நீங்களாச்சே...!

1034. பலகுடை நீழலும் தங்குடைக்கீழ்க் காண்பர்
அலகுடை நீழ லவர்

---

வளரும் வளரும் என்றே காத்திருந்தோம்; மலரும் மலரும் என்றே பார்த்திருந்தோம்² மலர் முடிந்து பிஞ்சு வரும், வளர்ந்தவுடன் காய் கிடைக்கும்; காய்களெல்லாம் கனிந்தவுடன் பழம் பறிப்போமே...! எங்களுக்கும் காலம் வரும், காலம் வந்தால் வாழ்வு வரும்; வாழ்வு வந்தால் அனைவரையும் வாழ வைப்போமே...! தந்தத் தானே தந்தன்னா தந்தத் தானே தந்தன்னா ஆ..ஆ..ஆ..ஆ.. ஆ..ஆ..ஆ... உழவும் தொழிலும் இங்கே நாம் படைத்தோம்; உறவும் சுவையும் என்றும் நாம் வளர்த்தோம்² பணம் படைத்த மனிதரைப் போல் பஞ்சு மெத்தை நாம் பெறுவோம்; மாடி மனை வீடு கட்டி வாழ்ந்திருப்போமே...! நெஞ்சில் ஒரு களங்கமில்லை; சொல்லில் ஒரு பொய்யுமில்லை ஆ...ஆ...ஆ...ஆ... வஞ்சமில்லா வாழ்க்கையிலே தோல்வியுமில்லை² ஆ...ஆ...ஆ...ஆ... ⟪ © பாசமலர் ✍ கண்ணதாசன் ♫ M.S.விஸ்வநாதன் 🎤 T.M.சௌந்தரராஜன், P.சுசீலா @ 1961 ⟫

அதெல்லாம் விடுப்பா...! இதுவரைக்கும் யார்கிட்டேயும் கையேந்தும் நிலைமை வரலே... எங்ககிட்டே கேட்டு வர்றவங்களுக்கு இல்லைன்னு சொல்லாமல் கொடுக்க எங்களாலே கொடுக்க முடியுதே... இதை விட என்ன சந்தோசம் வேணும்...?

1035. இரவார் இரப்பார்க்கொன்று ஈவர் கரவாது
கைசெய்தூண் மாலை யவர்

---

பொங்கல பொங்கல வைக்க மஞ்சள மஞ்சள எடு தங்கச்சி தங்கச்சி தங்கச்சி...!² புஞ்சையும் நஞ்சையும் இந்த பூமியும் சாமியும் இனி நம் கட்சி நம் கட்சி நம் கட்சி...!² வாய்க்காலையும் வயற்காட்டையும் - படைத்தாள் எனக்கென கிராம தேவதை...! தெம்மாங்கையும் தெருக்கூத்தையும் நினைத்தால், இனித்திடும் வாழும் நாள் வரை...! குழந்தைகள் கூட, குமரியும் ஆட... மந்த மாருதம் வீசுது... மலயமாருதம் பாடுது...ஊ...ஊ...ஊ... ஊ...ஊ...ஊ... ஊ...ஊ...ஊ... ஊ...ஊ...ஊ... பூப்பூக்கும் மாசம் தை மாசம்... ம்ம்ம்… ஊரெங்கும் வீசும் பூ வாசம்... ம்ம்ம்… சின்ன கிளிகள் பறந்து ஆட... இன்று கவிகள் குயில்கள் பாட...² புது ராகம்... புது தாளம்... ஒன்று சேரும் நேரம் இந்நேரம்... ⟪ © வருஷம் 16 ✍ வாலி ♫ இளையராஜா 🎤 P.சுசீலா @ 1989 ⟫

பயிர் செழித்து வளர என்னப்பா செய்றே...?

தைப் பொங்கலன்று அடுத்த பதிவு தொடரும்...

---

இப்போது மேலே உள்ள Play ≥ பட்டனைச் சொடுக்கி, வரிசைப்படி இந்தப் பதிவில் உள்ள அற்புதமான பாடல்களின் வரிகளை DD Mix-ல் கேட்கலாம்...

---

(படம் : தளபதி) தை பொறக்கும் நாளை... விடியும் நல்ல வேளை.. பொங்கப் பானை வெள்ளம் போலப் பாயலாம்... அச்சு வெல்லம் பச்சரிசி வெட்டி வெச்ச செங்கரும்பு... அத்தனையும் தித்திக்கிற நாள் தான்....ஹோய்...

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :