நிலவே... மலரே...

வணக்கம் நண்பர்களே... // நிலவும் மலரும் பாடுது... என் நினைவில் தென்றல் வீசுது... நிலை மயங்கி மயங்கி காதலினால் ஜாடை பேசுது... சிரித்துச் சிரித்து உறவு வந்தால் நிலைத்து வாழுமா...? மனம் துடித்து துடித்துச் சேர்ந்த பின்னே தோல்வி காணுமா...? தந்தை பிரித்துப் பிரித்து வைப்பதனால் காதல் மாறுமா...? மனதினிலே பிரிவுமில்லை மாற்றுவாரில்லை... நிலை மயங்கி மயங்கி காலமெல்லாம் கானம் பாடுவோம்...// தேன் நிலவு (படம்)



அதிகாரம் 112 ♥♥♥ நலம் புனைந்துரைத்தல் ♥♥♥

---

அய்யய்யய்யோ ஆனந்தமே... நெஞ்சுக்குள்ளே ஆரம்பமே... நூறு கோடி பாடல் வரிகள் மாறி மாறி மனதில் தோன்றியதில், குறளுக்கேற்றபடி சிலவற்றை ரசிக்க ஒவ்வொரு குறளின் விளக்கத்திற்கு மேலே சுட்டியைக் கொண்டு செல்லவும்... கைப்பேசியில் பதிவை வாசிப்பவர்கள், கைப்பேசியைத் திரும்பியபின், குறளின் விளக்கத்தில் சொடுக்கவும்... ► பட்டனைச் சொடுக்கி ரசிக்கலாம்...

// (படம் : ராமு ) நிலவே என்னிடம் நெருங்காதே... நீ நினைக்கும் இடத்தில் நான் இல்லை... மலரே என்னிடம் மயங்காதே... நீ மயங்கும் வகையில் நான் இல்லை... // என்று பாடாமல், முடிவில் உங்களுக்கொரு அன்புக் கட்டளை...

---

அனிச்ச மலரே... எல்லாப் பூக்களையும் விட நீ வாழ்ந்து விட்டு போ...! பாராட்டுகிறேன். ஆனால், உனக்கு ஒன்று தெரியுமா ? என் காதலி உன்னைக் காட்டிலும் மென்மையானவள்...!

நன்னீரை வாழி அனிச்சமே நின்னினும்
மென்னீரள் யாம்வீழ் பவள் (1111)

பால் போல் சிரிப்பதில் பிள்ளை...! அவள் பனி போல் அணைப்பதில் கன்னி...!² கண் போல் வளர்ப்பதில் அன்னை...!² அவள் கவிஞனாக்கினாள் என்னை...! காலங்களில் அவள் வசந்தம்...! கலைகளிலே அவள் ஓவியம்...! மாதங்களில் அவள் மார்கழி...! மலர்களிலே அவள் மல்லிகை...! ⟪ © பாவ மன்னிப்பு ✍ கண்ணதாசன் ♫ விஸ்வநாதன்-ராமமூர்த்தி 🎤 P.B.ஸ்ரீனிவாஸ் @ 1961 ⟫

மலரைக்கண்டு மயங்குகின்ற நெஞ்சமே...! எனக்கே சொந்தமான அவளின் கண்களைப் பார்த்த பின் மற்ற மலர்களைக் கண்டு மயங்குகிறாயே...!

மலர்காணின் மையாத்தி நெஞ்சே இவள்கண்
பலர்காணும் பூவொக்கும் என்று (1112)

கள்ள விழி கொஞ்சம் சிரிப்பதென்ன...? கைகள் அதை மெல்ல மறைப்பதென்ன...?² பொன்னாடை தள்ளாட மேடை என்னோடு, ஆட வாராமல் இருப்பதென்ன...?² போகப் போகத் தெரியும்...! இந்தப் பூவின் வாசம் புரியும்..! ஒரு ராகம் நெஞ்சினில் விளையும்...! திருத் தாளம் அதிலே இணையும்...! ⟪ © சர்வர் சுந்தரம் ✍ கண்ணதாசன் ♫ விஸ்வநாதன்-ராமமூர்த்தி 🎤 P.B.ஸ்ரீனிவாஸ், P.சுசீலா @ 1964 ⟫

இளந்தளிர் மென்மை மேன்மை மேனி, முத்துப் பற்கள் புன்னகை, இதுவரை கண்டுபிடிக்க முடியாத உடலின் நறுமணம், மூங்கில் போன்ற தோள், என்னை நிலை குலையச் செய்த மையூட்டப் பெற்ற கண்களோ வேல்...!

முறிமேனி முத்தம் முறுவல் வெறிநாற்றம்
வேலுண்கண் வேய்த்தோ ளவட்கு (1113)

மானல்லவோ கண்கள் தந்தது, மயிலல்லவோ சாயல் தந்தது, தேனல்லவோ இதழைத் தந்தது, சிலையல்லவோ அழகைத் தந்தது | தேக்கு மரம் உடலைத் தந்தது, சின்ன யானை நடையைத் தந்தது, பூக்களெல்லாம் சிரிப்பைத் தந்தது, பொன்னல்லவோ நிறத்தைத் தந்தது | இடையழகு மயக்கம் தந்தது, இசையழகு மொழியில் வந்தது, நடையழகு ஆஆஆ ஒஓஓ நடையழகு நடனம் ஆனது, நாலழகும் என்னை வென்றது ! ⟪ © நீதிக்குப் பின் பாசம் ✍ கண்ணதாசன் ♫ K.V.மகாதேவன் 🎤 T.M.சௌந்தரராஜன், P.சுசீலா @ 1963 ⟫

குவளை மலரே...! என் காதலியை காண முடிந்தால், வெட்கத்தால் தலை குனிந்து நிலம் நோக்குவாய்...! காந்த கண்களுக்கு ஈடாகுமா...?

காணிற் குவளை கவிழ்ந்து நிலன்நோக்கும்
மாணிழை கண்ணொவ்வேம் என்று (1114)

விண்மணிபோலே மண் மேலே விளையாடும்² கண்மணி நீயே பெண் மானே செந்தேனே² காலமெல்லாம் இன்ப காதல் மேவும் நீதியோடு – உன் கண்களும் கவிபாடுதே உன்னாசையால்... காலமெல்லாம் இன்ப காதல் மேவும் நீதியோடு - உன் கண்களும் கவி பாடுதே ⟪ © அடுத்த வீட்டுப் பெண் ✍ தஞ்சை ராமையா தாஸ் ♫ ஆதி நாராயண ராவ் 🎤 சீர்காழி கோவிந்தராஜன், திருச்சி லோகநாதன் @ 1960 ⟫

அடடா...! என்னவள் தன் மென்மையை அறியாமல், காம்போடு கூடிய அனிச்சம் பூவை சூடி விட்டதால், நல்ல மங்கல ஒலி ஒலிக்காத இவளின் நொந்து வருந்தும் இடுப்பிற்கு என்ன பதில் சொல்வது...?

அனிச்சப்பூக் கால்களையாள் பெய்தாள் நுகப்பிற்கு
நல்ல படாஅ பறை (1115)

நலம் நலம் தானா முல்லை மலரே...? சுகம் சுகம் தானா முத்து சுடரே...? இளைய கன்னியின் இடை மெலிந்ததோ...? எடுத்த எடுப்பிலே நடை தளர்ந்ததோ...? வண்ணப்பூங்கொடி வடிவம் கொண்டதோ...? வாடை காற்றிலே வாடி நின்றதோ...? அன்புள்ள மான் விழியே... ஆசையில் ஓர் கடிதம்... நான் எழுதுவது என்னவென்றால்... உயிர் காதலில் ஓர் கவிதை...! ⟪ © குழந்தையும் தெய்வமும் ✍ கண்ணதாசன் ♫ M.S.விஸ்வநாதன் 🎤 T.M.சௌந்தரராஜன் @ 1965 ⟫

விண்மீன்களே...! மீன்கள் போல் அங்கும் இங்கும் ஏன் கலங்கித் திரிகிறீர்கள்...? உங்களால் எனது பேரழகின் முகத்திற்கும் நிலாவிற்கும் வேறுபாட்டைக் கண்டுபிடிக்கவே முடியாது...!

மதியும் மடந்தை முகனும் அறியா
பதியின் கலங்கிய மீன் (1116)

மரகத மலர் விடும் பூங்கொடி, மழலை கூறும் பைங்கிளி² நிலவில் ஒளிவிடும் மாணிக்கம்² என் நெஞ்சில் தந்தேன் ஓரிடம்... அஹஹஹா(4)ஹஹா... அவள் ஒரு நவரச நாடகம்... ஆனந்த கவிதையின் ஆலயம்... தழுவிடும் இனங்களில் மானினம்... தமிழும் அவளும் ஓரினம்... அவள் ஒரு நவரச நாடகம்... ⟪ © உலகம் சுற்றும் வாலிபன் ✍ கண்ணதாசன் ♫ M.S.விஸ்வநாதன் 🎤 S.P.பாலசுப்ரமணியம் @ 1973 ⟫

விண்மீன்களே, கலக்கம் கொள்வது ஏன்...? தேய்ந்து முழுமை பெறும் ஒளிமிக்க நிலாவில் உள்ள சிறுகளங்கம்கூட என்னவளின் முகத்தில் கிடையாதென்பதாலா...?

அறுவாய் நிறைந்த அவிர்மதிக்குப் போல
மறுவுண்டோ மாதர் முகத்து (1117)

வானமீதில் நீந்தி ஓடும் வெண்ணிலாவே நீதான், வந்ததேனோ ஜன்னலுக்குள் வெண்ணிலாவே... நானும் உன்னைப் பார்த்து விட்டால், வெண்ணிலாவே² முகம் - நாணியே மறைவதேனோ வெண்ணிலாவே² பட்ட பகலில் ஜோதி வீசும் வெண்ணிலாவே உன்னை, பார்ப்பதும் ஓர் விந்தையன்றோ வெண்ணிலாவே. வட்டமான உன் முகத்தில் வெண்ணிலாவே² ரெண்டு வண்டுகள் சுழல்வதேனோ வெண்ணிலாவே ! ⟪ © கோமதியின் காதலன் ✍ கு.மா.பாலசுப்ரமணியம் ♫ G.ராமநாதன் 🎤 சீர்காழி கோவிந்தராஜன் @ 1955 ⟫

வாழ்க நிலவே...! உன்னையும் காதலிக்க வேண்டுமென்றால் என் மனம் மகிழும்படி, என்னை பரவசப்படுத்துபவளின் முகம்போல் ஒளிவீசு...!

மாதர் முகம்போல் ஒளிவிட வல்லையேல்
காதலை வாழி மதி (1118)

அந்தி வெய்யில் பெற்ற மகளோ, குலுங்கும் அல்லி மலர் இனத்தவளோ...?² உந்தி உந்தி விழும் நீரலையில், ஓடி விளையாடி மலர், சிந்தி வரும் தென்றல் தானோ...? இன்பம் தந்த மயில் இந்த மானோ...? இவள் ஆடை கட்டி வந்த நிலவோ...? கண்ணில் மேடை கட்டி ஆடும் எழிலோ...? குளிர் ஓடையில் மிதக்கும் மலர், ஜாடையில் சிரிக்கும் இவள், காடு விட்டு வந்த மயிலோ ? நெஞ்சில் கூடு கட்டி வாழும் குயிலோ...?² ⟪ © அமுதவல்லி ✍ பட்டுக்கோட்டை கல்யாணசுந்தரம் ♫ விஸ்வநாதன்-ராமமூர்த்தி 🎤 T.R.மகாலிங்கம் @ 1959 ⟫

நிலவே...! நீ போட்டியில் தோல்வியுறாமல் இருக்க, எப்போதும் புத்துணர்ச்சி தரும் மலர் கண்களுடையவளின் முகம் போல ஆக நீ விரும்பினால், பலரும் பார்க்கும்படி தோன்றாமல் நான் மட்டும் பார்க்கத் தோன்று...!

மலரன்ன கண்ணாள் முகமொத்தி யாயின்
பலர்காணத் தோன்றல் மதி (1119)

காதலெங்கள் சொந்தமென்று அறியவில்லையா...? கன்னி உள்ளம் உனக்கிருந்தும் நாணமில்லையா...? – உன் மோகநிலையை மறந்து விடு வெள்ளி நிலாவே, வந்த மேகத்திலே மறைந்து விடு வெள்ளி நிலாவே... காண வந்த காட்சி என்ன வெள்ளி நிலவே, கண்டு விட்ட கோலம் என்ன வெள்ளி நிலவே...? ஓடி வந்த வேகமென்ன வெள்ளி நிலவே, நீ ஓரிடத்தில் நிற்பதென்ன வெள்ளி நிலவே...? ⟪ © பாக்கிய லட்சுமி ✍ கண்ணதாசன் ♫ விஸ்வநாதன்-ராமமூர்த்தி 🎤 P.சுசீலா @ 1961 ⟫

பட்டு போன்ற பாதத்தைச் சொல்லவும் வேண்டுமோ...? இந்த உலகம் மென்மைக்குச் சொல்லும் அனிச்சம் பூவும், அன்னப் பறவையின் இளஞ்சிறகும், அவளின் பாதங்களுக்கு நெருஞ்சிப்பழம் போலத் துன்பத்தைத் தருமே...!

அனிச்சமும் அன்னத்தின் தூவியும் மாதர்
அடிக்கு நெருஞ்சிப் பழம் (1120)

கருவண்டு நடனம் தருகின்ற நளினம், இதயத்தில் சலனம் - அம்மம்மா² உன் மைவிழிக் குளத்தினில் தவழ்வது மீனினமோ...? கவி கண்டிட மனத்தினில் கமழ்வது தமிழ்மனமோ...? செம்மாந்த மலர்கள் அண்ணாந்து பார்க்கும் உன் காந்த விழிகள்... ஒரு ஏகாந்த ராகம் தெம்மாங்கில் பாட ஏதேதோ குயில்கள்... மலையில் நெளியும் மேகக் குழல்கள் தாகம் தீர்த்திடுமோ...? பூவில் மோதப் பாதம் நோக - நெஞ்சம் தாங்கிடுமோ...?² ⟪ © ரயில் பயணங்களில் ✍ டி.ராஜேந்தர் ♫ டி.ராஜேந்தர் 🎤 P.ஜெயச்சந்திரன் @ 1981 ⟫

---

(படம் : திருடாதே) என்னருகே நீ இருந்தால், இயற்கை எல்லாம் சுழலுவதேன்...? உன்னருகே நான் இருந்தால், உலகமெல்லாம் ஆடுவதேன்...? இளமையிலே காதல் வரும்... எது வரையில் கூட வரும்...? முழுமை பெற்ற காதல் எல்லாம், முதுமை வரை ஓடி வரும்…!



அப்படித்தானே நண்பர்களே...?
அன்புக் கட்டளை : பதியுங்கள் உங்கள் மனதில் உள்ள பாடல் வரிகளை !
நன்றி... வாழ்த்துக்கள்...
காதல் காவியமானது ! புனிதமானது !! சிறப்பானது !!! இங்கே சொடுக்கித் தொடர்வதற்கு முன் இந்தப் பதிவைப் பற்றி...

நண்பர்களே... தங்களின் கருத்து என்ன ?

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :