உன்னை அறிந்தால்... (பகுதி 2)

வணக்கம் நண்பர்களே... முந்தைய பதிவான உன்னை அறிந்தால்... (பகுதி 1)-யை படித்து ரசித்துப் பாராட்டிய அனைத்து அன்பு உள்ளங்களுக்கும் நன்றிகளைத் தெரிவித்துக் கொள்கிறேன்.. இதோ அதன் தொடர்ச்சி...


புதிதாக என் தளம் வருபவர்களுக்கு : (மற்ற நண்பர்கள் பாடல் வரிகளை ரசிக்கச் செல்லலாம்) நண்பர்களே... மனிதனின் பிரச்சனைகளுக்குக் காரணமான குணம் ஏது ? - முதல் முதலாக எழுதிய இந்தப் பதிவு வெளியிடவில்லை. காரணம் பதிவின் நீளம். இதிலிருந்து வந்த சில பதிவுகள் தான் குணம் என்னும் குறிச்சொல்லில் (Labels) வந்தவை. இந்தப் பதிவு எழுதும் போது, என் மனதில் பல பாடல் வரிகள் தோன்றின. அவற்றில் எனக்குப் பிடித்த பாடல் வரிகளை மிக்ஸ் செய்து (DD Mix - Dindigul Dhanabalan Mix) வெளியிட்டேன்.. அதற்கு முன்... அந்தப் பதிவைப் படிக்காதவர்கள் இங்கே சென்று படித்து விட்டு வந்து, (அல்லது கேட்டு விட்டு) இந்தப் பாடல் வரிகளைப் படித்தால், பாடல்களின் மகத்துவத்தை அறியலாம். மனிதனின் பிரச்சனைக்குக் காரணம் பல இருந்தாலும், என்னைப் பொறுத்தவரை ஒப்பிட்டுப் பார்த்தல் - இதைப்பற்றி ஏற்கனவே அந்தப் பதிவில் அலசி விட்டோம்... இனி பாடல் வரிகளை வாசிப்போமா...? நீலக்கலரில்-அருமை வரிகள், சிவப்புக் நிறத்தில்-என் கருத்துக்கள் "நான் பாட்டுக்குப் பாட்டு பாடுறேன்..."

---

08. படம் : மௌனம் பேசியதே, முதல் வரி : ஆடாத ஆட்டமெல்லாம்...

நித்தம் கோடி சுகங்கள் தேடி, கண்கள் மூடி அலைகின்றோம்... பாவங்களை மேலும் மேலும், சேர்த்துக் கொண்டே போகின்றோம்... மனிதன் என்ற வேடம் போடு, மிருகமாக வாழ்கின்றோம்... தீர்ப்பு ஒன்று இருப்பதை மறந்து, தீமைகளைச் செய்கின்றோம்... காலம் மீண்டும் திரும்பாதே...! பாதை மாறி போகாதே...! பூமி கொஞ்சம் குலுங்கினாலே நின்று போகும் ஆட்டமே...! ஆடாத ஆட்டமெல்லாம்... போட்டவங்க மண்ணுக்குள்ள... போன கதை உனக்குத் தெரியுமா...? நீ கொண்டு வந்ததென்ன...? நீ கொண்டு போவதென்ன...? உண்மையென்ன உனக்குப் புரியுமா...?

வெறும் கம்பங்களி தின்னவனும் மண்ணுக்குள்ளே... அட, தங்க பஸ்பம் தின்னவனும் மண்ணுக்குள்ளே... இந்த வாழ்க்கை வாழத் தான்... நாம் பிறக்கையில் கையில் என்ன கொண்டு வந்தோம் ? கொண்டு செல்ல ? யோசிங்க நண்பர்களே... யோசித்து கீழ்க்காணும் கேள்விக்கு பதில் தரலாம்...!

"குழந்தை ஞானி இந்த இருவரும் தவிர இங்குச் சுகமாய் இருப்பவர் யார் காட்டு...? ஜீவன் இருக்கும் மட்டும் வாழ்க்கை நமக்கு மட்டும்... இதுதான் ஞான சித்தர் பாட்டு...! இந்தப் பூமி சமம் நமக்கு... நம் தெருவுக்குள் மதச்சண்டை, ஜாதிச்சண்டை வம்பெதற்கு...?" (படம் : படையப்பா)

---

09. படம் : சிம்லா ஸ்பெஷல், முதல் வரி : உனக்கென்ன மேலே நின்றாய்... ஓ நந்தலாலா...

யாராரோ நண்பன் என்று ஏமாந்த நெஞ்சம் உண்டு... பூவென்று முள்ளைக் கண்டு புரியாமல் நின்றேன் இன்று... பால் போலக் கள்ளும் உண்டு நிறத்தாலே இரண்டும் ஒன்று... பால் போலக் கள்ளும் உண்டு நிறத்தாலே இரண்டும் ஒன்று... நானென்ன கள்ளா ? பாலா ? நீ சொல்லு நந்தலாலா...!

அம்மா இல்லேன்னா-அன்பு போச்சி, அப்பா இல்லேன்னா-அறிவு போச்சி, கூடப் பிறந்தவர்கள் இல்லேன்னா-ஆதரவு போச்சி, சம்சாரம் இல்லேன்னா-சகலமும் போச்சி, இத்தனையும் போனாலும், கடைசிக் காலத்தில் நல்ல நண்பன் இல்லேன்னா வாழ்க்கை நாசமாப் போச்சி..! சரியா ? யோசிங்க நண்பர்களே...

"பந்தம் என்ன ?, சொந்தம் என்ன ?, போனா என்ன ? வந்தா என்ன ? உறவுக்கெல்லாம் கவலைப்பட்ட ஜென்மம் நானில்ல, ஹாஹா... பாசம் வைக்க, நேசம் வைக்கத் தோழன் உண்டு, வாழ வைக்க... அவனைத்தவிர உறவுக்காரன் யாரும் இங்கில்லே..ய்... உள்ளமட்டும் நானே, உசிரக் கூடத்தானே, என் நண்பன் கேட்டா வாங்கிக்கன்னு சொல்லுவேன்... என் நண்பன் போட்ட சோறு நிதமும் தின்னேன் பாரு... நட்பைக் கூடக் கற்பைப் போல எண்ணுவேன்..." (படம் : தளபதி)

---

10. படம் : அண்ணாமலை, முதல் வரி : வெற்றி நிச்சயம் இது வேத சத்தியம்...

இன்று கண்ட அவமானம்... வென்று தரும் வெகுமானம்... வானமே தாழலாம், தாழ்வதில்லை தன்மானம்... மேடு பள்ளம் இல்லாமல் வாழ்வில் என்ன சந்தோஷம்...? பாறைகள் நீங்கினால் ஓடைக்கில்லை சங்கீதம்... பொய்மையும் வஞ்சமும் உனது பூர்வீகமே... ரத்தமும் வேர்வையும் எனது ராஜாங்கமே... எனது நடையில் உனது படைகள் பொடிபடுமே... அடே நண்பா.. உண்மை சொல்வேன்... சவால் வேண்டாம்... உன்னை வெல்வேன்...

நண்பனை வென்றாலும், அவனின் சொத்துக்களை, முடிவில் திருப்பிக் கொடுத்து விடுவார்...ஏன் ? யோசிங்க நண்பர்களே...

"பட்டத்திலே பதவி, உயர்வதிலே இன்பம், கிட்டுவதே இல்லை... என் தோழா... உனை ஈன்ற தாய் நாடு, உயர்வதிலே இன்பம், உண்டாகும் என்றே சொல்... என் தோழா... உழைப்பதிலா உழைப்பை, பெறுவதிலா இன்பம், உண்டாவதெங்கே சொல்... என் தோழா... உழைப்பவரே உரிமை, பெறுவதிலே இன்பம், உண்டாகும் என்றே சொல்... என் தோழா..." (படம் : நாடோடி மன்னன்)

---

11. படம் : யாருக்கும் வெட்கமில்லை, முதல் வரி : மேலும் கீழும் கோடுகள் போடு, அதுதான் ஓவியம்.. நீ சொன்னால் காவியம்..!

சுட்டும் விரலால் எதிரியைக் காட்டி... குற்றம் கூறுகையில்... மற்றும் மூன்று விரல்கள் உங்கள் மார்பினை காட்டுதடா... மூடர்களே... பிறர் குற்றத்தை மறந்து முதுகைப் பாருங்கள்... முதுகினில் இருக்கு ஆயிரம் அழுக்கு அதனைக் கழுவுங்கள்...

தவறு செய்யாத மனிதனே கிடையாது... அதே சமயம் அவன் நிலையில் நாம் இருந்தால், நாம் என்ன செய்திருப்போம்...? யோசிங்க நண்பர்களே...

"மண்வெட்டி கையில் எடுப்பார்... சில பேர் மற்றவர்க்குக் குழி பறிப்பார்... அது தன்பக்கம் பார்த்திருக்கும் என்பதைத் தானறிய மறந்திருப்பார்...! அறிவுக்கு வேலை கொடு, பகுத்தறிவுக்கு வேலை கொடு, மூடப் பழக்கத்தை விட்டுவிடு... காலம் மாறுது, கருத்தும் மாறுது, நாமும் மாற வேண்டும்... நம்மால் நாடும் மாற வேண்டும்..." (படம் : தலைவன்)

---

12. படம் : எங்க ஊர் ராஜா, முதல் வரி : யாரை நம்பி நான் பொறந்தேன் போங்கடா போங்க...

நெஞ்சமிருக்கு துணிவாக, நேரமிருக்கு தெளிவாக, நினைத்தால் முடிப்பேன் சரியாக, நீ யார் ? நான் யார் ? போடா போ... ஆடியிலே, காத்தடிச்சா, ஐப்பசியில் மழை வரும்... தேடி வரும் காலம் வந்தா, செல்வமெல்லாம் ஓடி வரும்... யாரை நம்பி நான் பொறந்தேன் போங்கடா போங்க... என் காலம் வெல்லும்... வென்ற பின்னே... வாங்கடா வாங்க...

அவ்வாறு செல்வம் வந்த பின்பு அல்லது நினைத்த காரியம் வென்ற பின்பு, நாம் எப்படி இருக்க வேண்டும்...? யோசிங்க நண்பர்களே...

"உண்டு உண்டு என்று நம்பி காலை எடு.. இங்கு உன்னை விட்டால் பூமியேது கவலை விடு... நெஞ்சம் உண்டு நேர்மை உண்டு.. ஓடு ராஜா.. நேரம் வரும் காத்திருந்து பாரு ராஜா.. அஞ்சி அஞ்சி வாழ்ந்தது போதும் ராஜா.. நீ ஆற்று வெள்ளம் போலெழுந்து ஓடு ராஜா.." (படம் : என் அண்ணன்)

---

13. படம் : வசந்தி, முதல் வரி : சந்தோஷம் காணாத வாழ்வுண்டா...?

தென்னையின் கீற்று விழவில்லை என்றால் - தென்னைக்கு என்றும் வளர்ச்சி இல்லை... தங்கத்தை தீயில் சுடவில்லை என்றால் - மங்கையர் சூட நகையும் இல்லை... பிறப்பதில் கூட துயர் இருக்கும் - பெண்மைக்கு பாவம் சுமை இருக்கும் - வலி வந்து தானே வழி பிறக்கும்... சந்தோஷம் காணாத வாழ்வுண்டா...?

ஒரு துன்பம் வந்தால் அதை இன்பம் என்று - எண்ணி வாழ்ந்துவிட்டால்...?

"சந்தோஷம் இல்லையென்றால் மனிதர்க்கு ஏது பலம்...? புயல் மையம் கொண்டால், மழை மண்ணில் உண்டு... எந்தத் தீமைக்குள்ளும் சிறு நன்மையுண்டு ஓ.ஓ.ஓ"

---

14. படம் : பச்சை விளக்கு, முதல் வரி : கேள்வி பிறந்தது அன்று...

குலமகள் வாழும் இனிய குடும்பம்... கோவிலுக்கிணையாகும்...ம்... குறை தெரியாமல் உறவு கொண்டாலே... வாழ்வும் சுவையாகும்... படித்த மாந்தர், நிறைந்த நாட்டில், பார்க்கும் யாவும் பொதுவுடைமை... நல்ல மனமும், பிள்ளை குணமும் நமது வீட்டின் தனி உடைமை... கேள்வி பிறந்தது அன்று... நல்ல பதில் கிடைத்தது இன்று...

கேள்விகள் பல இருந்தாலும் முதலில் ஏன் என்ற கேள்வி நம் மனதில் கேட்டுக் கொள்ள வேண்டும்-ஏன் ? யோசிங்க நண்பர்களே...

"ஏன் என்ற கேள்வி... இங்குக் கேட்காமல் வாழ்க்கை இல்லை... நான் என்ற எண்ணம், கொண்ட மனிதன் வாழ்ந்ததில்லை... பகுத்தறிவு பிறந்ததெல்லாம், கேள்விகள் கேட்டதானாலே... உரிமைகளைப் பெறுவதெல்லாம், உணர்ச்சிகள் உள்ளதானாலே..." (படம் : ஆயிரத்தில் ஒருவன்)

---

ரொம்ப யோசிக்கச் சொல்லிட்டேனோ...? அதனாலே பகுதி 2... ரொம்ப யோசனை செஞ்சா கூடப் பிரச்சனை தான். அதனால் நண்பர்களே, நான் இப்ப யோசிக்கிறேன் முடிவு பகுதி 3-யைப் பற்றி... நன்றி...

"மனதுக்கு மட்டும் பயந்துவிடு... மானத்தை உடலில் கலந்துவிடு... இருக்கின்ற வரையினில் வாழ்ந்துவிடு... இரண்டினில் ஒன்று பார்த்துவிடு ஹாஹ... என்ன தான் நடக்கும் நடக்கட்டுமே... இருட்டினில் நீதி மறையட்டுமே... தன்னாலே வெளிவரும் தயங்காதே... தலைவன் இருக்கிறான் மயங்காதே... ஒரு தலைவன் இருக்கிறான் மயங்காதே... ஆஹஹா... ஆஹஹா... ஓஹோஹோ... ஓஹோஹோ... ம்ஹ்ம்... ம்ஹ்ம்... ம்ஹ்ம்... ம்ஹ்ம்..." (படம் : பணத்தோட்டம்)

---

அடுத்த பகுதியைப் படிக்க இங்கே சொடுக்கிச் சென்று தொடர்வதற்கு முன், இந்தப் பதிவைப் பற்றி தங்களின் கருத்து என்ன நண்பர்களே...?

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :