புதன், 20 மே, 2015

வாருங்கள்... வாழ்த்துவோம்...


வணக்கம் நண்பர்களே... கடந்த வருடம் மதுரையில் நடந்த பதிவர் சந்திப்பு திருவிழாவில் கலந்து கொள்பவர்களின் எண்ணிக்கை அறிய "Google Forms" என்பதை வலைத்தளத்தில் பயன்படுத்தினோம்... மதிய உணவு ஏற்பாடு, நினைவுப் பரிசு என எங்களுக்குப் பலவிதங்களில் திட்டமிட்டு செயல்கள் புரிய உதவியது... வாங்க, அதை எவ்வாறு செய்வது என்பதை அறிவோம்...


முதலில் உங்கள் Gmail A/c-ல் நுழைந்து கொள்ளுங்கள்... ← வலதுபுறம் மேலே இப்படி இருக்கிறதா...? அதைச் சொடுக்கி Drive என்பதையும் சொடுக்கினால், அடுத்த பக்கம் (tab) திறக்கும் My Drive... அதில் சிகப்பு வண்ணத்தில் இருக்கும் NEW என்பதைச் சொடுக்கினால், Folder, File upload, Folder upload, Google Docs, Google Sheets, Google Slides - இவைகளுக்கு அடுத்துள்ள "More" என்பதற்கு முன் சுட்டியை கொண்டு சென்றால், முதலில் வரும் Google Forms என்பதைச் சொடுக்கவும்... இப்போது திறக்கும் பக்கத்தில் நம் கைவரிசையைக் காட்டுவோம்...!


1) முதலில் Change theme என்பதைச் சொடுக்கி, சைடில் வரும் விருப்பமான "theme"யை தேர்வு செய்யவும்... நல்லாயிருக்கா...? ரைட்டு...!

2) Edit questions என்பதைச் சொடுக்கி, Untitled Form என்பதில் தலைப்பும், கீழுள்ள Form Description என்பதில் சிறிய விளக்கத்தையும் இடுங்கள்...

3) Add item என்பதைச் சொடுக்கி, "Question Title" "Help Text" "Question Type" - இவைகளில் உங்களுக்குத் தேவையான தகவல்களை இடவும்; Question type-ல் தான் எத்தனை வகைகள்... கேள்வி கேட்பதில் தான் நாம் கில்லாடிகள் ஆயிற்றே...! ஆனால் இங்கு கேள்விகளிலுள்ள விருப்பங்களையும் (options) தேர்வு செய்வதில் தான் நம் திறமையே...! அந்த மையுடன் பொறுமையும் சேர்ந்தால் நம் மீதே பொறாமையும் வரும்...! சரி தானே...? ஏதாவது மாற்றம் (edit) அல்லது நீக்க (delete) செய்ய வேண்டுமெனிலும் செய்து கொள்ளவும்...

4) தேவையான Add item முடிந்த பின் முடிவில் உள்ள Confirmation Page என்பதில் "Show link to submit another response" என்பதிலும், "Allow responders to edit responses after submitting" என்பதிலும் ஒரு டிக் மார்க்... O.K. Right...

5) இப்போது View live form என்பதைச் சொடுக்கி, எவ்வாறு உருவாக்கி உள்ளோம் என்பதை அறியலாம்... வாசகர்கள் இடும் தகவல்களை சேமிக்க View responses என்பதைச் சொடுக்கி, ஒரே ஒரு "EXCEL Sheet"ல் சேமிக்கும்படி "OK" அழுத்தவும்... முடிவாக Send form என்பதைச் சொடுக்கி, வரும் சிறிய திரையில் Embed என்பதைச் சொடுக்கினால், நமது தளத்தில் இணைக்க வேண்டிய "HTML script" கிடைக்கும்... "Paste HTML to embed in website" என்பதற்குக் கீழுள்ள கட்டத்தைச் சொடுக்கி "Copy" செய்து கொண்டு, உங்களின் பதிவில் "paste" செய்யவும்... அவ்வளவு தாங்க...!

6) அடடா...! பதிவை preview-வில் பார்த்தால் அகலம் அதிகமாக, நீளம் குறைவாக உள்ளதா...? No problem... "copy" செய்து வைத்துள்ள script-ல் width="760" height="500" என்று இருப்பதை, உங்கள் தளத்திற்கேற்ப மாற்றவும்...

7) முக்கியமான ஒன்றை சொல்ல மறந்துட்டேன்...! வழக்கமாகப் பதிவு எழுதும் போது Compose பக்கத்தில் இருப்போம்... அது பக்கத்தில் இருக்கும் HTML என்பதைச் சொடுக்கி, அங்கு எந்த இடத்தில் "paste" செய்கிறோமோ, அந்த இடத்தில் பதிவில் தோன்றும்...! இப்போ சற்று முன் உருவாக்கினதை, இந்தப் பத்தி முடிந்த பின் "paste" செய்து விட்டேன்... அது இதோ :-






அன்றாடம் வாழ்வில் நடக்கும் சிறு சிறு நகைச்சுவைகளைத் தனது "நகை"க்கும் எழுத்துகளின் மூலம் சுவாரஸ்யமாகச் சொல்வதில் கெட்டிக்காரர் கலிபோர்னியாவை சேர்ந்த திரு.விசுawesome அவர்கள்... அவர்களின் தளம் →http://www.visuawesome.com← [படிக்காதவர்கள் சொடுக்கி வாசிக்கலாம்] Dr. G. விஸ்வநாதன் (Founder VIT) அவர்கள் மூலம் புத்தக வெளியீடும், வூரீஸ் கல்லூரி முதல்வர் டாக்டர் திரு. அருளப்பன் அவர்களின் தலைமையில் நடக்கவிருக்கும் புத்தக வெளியீடு விழாவிற்கு, கலிபோர்னியாவிலிருந்து வேலூர் வரும் இனிய நண்பரின் சார்பில், வலைப்பதிவர்கள் அனைவரையும் அன்புடன் அழைக்கிறேன்... புத்தக வெளியீட்டு விழா முடிந்ததும் பதிவர் சந்திப்பும் நடக்கப் போகிறது... சிறப்பு பேச்சாளராக நம்ம முத்துநிலவன் ஐயா அவர்கள்... வருகை தரும் அன்பர்கள் மேலே உள்ள படிவத்தில் நிரப்பி அனுப்புமாறு கேட்டுக் கொள்கிறேன்... தங்களின் கருத்து என்ன...? ஓ...ஓ... வழக்கமாக எனது பதிவின் முடிவில் எழுத்தின் சகவாசம்...! அதனால்...

விசு Awesomeமின் சகவாசத்தை விழாவில் வாழ்த்தி, கருத்துகளுடன் நட்பையும் பகிர்ந்து விரிவாக்குவோம்... நன்றி நண்பர்களே...

dindiguldhanabalan@yahoo.com / 09944345233

நண்பர்களிடம் பகிர்ந்து கொண்டதற்கு நன்றி !


தொடர்புடைய பதிவுகளை படிக்க :


50 கருத்துகள்:

  1. டெக்னிகல் பதிவு! என் உடம்புக்கு ஆகாது!!!

    பதிலளிநீக்கு
  2. திரு விசுawesome அவர்களுக்கு வாழ்த்துகள்.

    பதிலளிநீக்கு
  3. நன்றி தனபாலன் அவர்களே, நண்பர்கள் அனைவரையும் அன்போடு வரவேற்கின்றேன்.

    பதிலளிநீக்கு
  4. ஒரே பதிவில் இரு செய்திகள். வெகு நாட்களுக்குப் பிறகு வலையில் வித்தியாசமான முறையில் ஒரு படிவத்தை இடுவது பற்றிய பதிவும், நண்பரின் விழாவிற்கான அழைப்பும். தங்களது உத்தி அருமை. விழா சிறக்க வாழ்த்துக்கள்.

    பதிலளிநீக்கு
  5. சூப்பர் பதிவு...
    மிகுந்த பயனுடையது ..
    வாழ்த்துகள்
    விழா சிறக்கவும் வாழ்த்துகள்

    பதிலளிநீக்கு
  6. அருமையான தொழில்நுட்ப பதிவு. மிக உபயோகமான பதிவு. நண்பர் விசுவாசமின் புத்தக வெளியீடு சிறக்க வாழ்த்துக்கள்.

    த ம 6

    பதிலளிநீக்கு
  7. தொழில்நுட்ப தகவலுக்கு நன்றி! திரு விசுawesome அவர்களுக்கும் வாழ்த்துக்கள்!

    பதிலளிநீக்கு
  8. சகவாசம் சுக வாசமாய் மணம் பரப்ப வாழ்த்துகள்:)

    பதிலளிநீக்கு
  9. பயனுள்ள பதிவு.. நினைவில் நிற்கும்படியான கைவண்ணம்!..

    விழா சிறப்புடன் நிகழ நல்வாழ்த்துகள்!..

    பதிலளிநீக்கு
  10. விழாவிற்கு எனது வாழ்த்துக்கள். GoogleForms ஐ விளக்கிய விதம் அருமை.

    பதிலளிநீக்கு
  11. பயனுள்ள தகவல். விசு அவர்களுக்கு வாழ்த்துகள்.

    பதிலளிநீக்கு
  12. அன்புள்ள வலைச்சித்தருக்கு,

    பயனுள்ள தொழில்நுட்பப் பதிவு.
    மதுரையில் நடந்த வலைப்பதிவர் சந்திப்பை நினைவுபடுத்தி, திருவாளர் விசுAwesomeமின் சகவாசம் புத்தக வெளியீட்டு விழா நடைபெற இருப்பதைப் பதிவர்களுக்கு அறியத்தந்தது கண்டு மகிழ்ச்சி.
    விழா சிறப்புடன் அமையவும் வெற்றிபெறவும் வாழ்த்துகளைத் தெரிவித்துக் கொள்கிறேன்.

    நன்றி.
    த.ம.7.

    பதிலளிநீக்கு
  13. சிறப்பான பதிவு சகோ. திருமணம் போன்ற விழாக்களுக்குக் கூட உபயோகப்படுத்திக் கொள்ளலாம் போல. நன்றி சகோ :)

    பதிலளிநீக்கு
  14. கூகிளிலேயே பல மணி நேரம் கிடந்தாலும், சில விஷயங்கள் உங்களைப் போன்றவர்கள் சொன்னால்தான் தெரிய வருகிறது.
    ’GOOGLE FORMS” - சம்பந்தப்பட்ட மேல் அதிக விவரங்கள் தந்தமைக்கு நன்றி. விசுAwesomeமின் சகவாசம் புத்தக வெளியீட்டு விழா சிறப்பாக அமைந்திட எனது வாழ்த்துக்கள்.
    த.ம.10

    பதிலளிநீக்கு
  15. ஒரே பதிவில் இரு செய்திகள் தந்தவிதம் மிக அருமை... நண்பர் விசுவிற்கு நீங்கள் உறுதுணையாக இருந்து ஆர்கணைஸ் பண்ணி விழா ஏற்பாட்டை நீங்கள் சிறப்பாக செய்வதாக அறிந்தேன். உங்களுக்கு உங்கள் ஒத்துழைப்புக்கும் பாராட்டுக்கள் விசு அவர்களுக்கு எனது வாழ்த்துக்கள்

    பதிலளிநீக்கு
  16. டெக்னிக்கல் என்றாலே..எனக்கு சங்கடம்தான்.. புத்தகவிழா..அம்புட்டு தூரத்தில் நடப்பதால் என்னால் வர நிணைத்தாலும் முடியாது. அதனால் விழா சிறக்க எனது வாழ்த்துக்கள்!!

    பதிலளிநீக்கு
  17. பயனுள்ள பதிவு.

    பதிவர் விசு அவர்களின் நூல் வெளியீட்டுவிழாவும் பதிவர் சந்திப்பும் சிறப்பான முறையில் அமைய எனது வாழ்த்துகள் டி டி சார்.

    நன்றி

    பதிலளிநீக்கு
  18. புதிய தொழில்நுட்பத்தை கற்றுக்கொடுத்தமைக்கு நன்றி,.... விசு அவர்களுக்கு வாழ்த்துக்கள்

    பதிலளிநீக்கு
  19. புத்தகவெளியீட்டு விழா சிறப்பாக நடைபெற வாழ்த்துக்கள். பயனுள்ள தொழில்நுட்பபதிவினையும் அருமையாக தந்தமைக்கு நன்றிகள்.

    பதிலளிநீக்கு
  20. நண்பரின் புத்தக வெளியீடு சிறப்பாக நடைபெற வாழ்த்துக்கள்.

    பதிலளிநீக்கு
  21. தாங்கள் சொல்லிக் கொடுக்கும் படி செய்தாலும், கொஞ்சம் சிரமப்படவேண்டியிருக்கு. சொல்பதில் இல்லை. செய்வதில். விழா சிறக்க வாழ்த்துக்கள். நன்றி.முயற்சிக்கிறேன்.

    பதிலளிநீக்கு
  22. அய்யா வணக்கம். இதைத்தான் ஒரு கல்லில் ரெண்டு மாங்கா என்பதோ அல்லது, “ஆடு மேய்ச்ச மாதிரியும் அண்ணனுக்குப் பொண்ணு பாத்த மாதிரியும்“னு சொல்லுவாங்களோ? நா படிவத்தை நிரப்பிட்டேம்பா..

    பதிலளிநீக்கு
  23. திரு விசுawesome அவர்களின் புத்தக வெளியீட்டு விழா சிறப்பாக நடைபெற வாழ்த்துக்கள்!

    பதிலளிநீக்கு
  24. திரு.விசுவாசம் அவர்களின் புத்தக வெளியீடு பற்றி வேறொரு பதிவில் படித்த நினைவு. புத்தக வெளீஇடு பதிவர் சந்திப்பு ஒரு கல்லில் இரு மாங்காய்....!

    பதிலளிநீக்கு
  25. மிகவும் பயனுள்ள பதிவு என பிறரின் பின்னூட்டங்கள் மூலம் அறிந்து கொண்டேன். வழக்கம்போல எனக்கு ஒன்றுமே விளங்கவில்லை. :) என்பது வேறு விஷயம். வயசாச்சோல்யோ ! :)

    பதிலளிநீக்கு
  26. தொலில் நுட்ப பதிவு நல்லா இருக்கு . இன்னும் 2, 3 முறை படித்துத்தான் முயற்சிக்க வேண்டும்.....

    விசு அவர்களுக்கு வாழ்த்துக்கள்.

    ஒரே கல்லுல இரண்டு மாங்காய்...சூப்பர் சகோ..தொடர்ந்து அசத்துங்கள்.....தம +1

    பதிலளிநீக்கு
  27. ஆஹா! இப்படித்தான் ஃபார்ம் உருவாக்குவதா....அருமையான டெக்னிகல் பதிவு கூடவே நம் நண்பரின் விழா அழைப்பும்.....
    டெக்னாலஜி குறித்துக்கொண்டோம். முயற்சிக்கின்றோம்.

    எங்கள் வருகையைப் பதிந்துவிட்டோம்....

    பதிலளிநீக்கு
  28. வரவேற்புக்குரிய செய்தி!

    நுட்பமான அறிவின் அதிக தட்ப வெப்பம்
    என்னை சுட்டெரிக்கின்றது நண்பரே!
    (ஈரமான விறகு பற்றிக் கொள்ள நாள் ஆகும்)
    நன்றி!
    நட்புடன்,
    புதுவை வேலு

    பதிலளிநீக்கு
  29. நண்பர் விசு அவர்களின் புத்தக வெளியீடு சிறக்க எமது வாழ்த்துகள்.
    பயனுள்ள பதிவு நண்பரே முயன்று பார்க்கிறேன் நன்றி.

    பதிலளிநீக்கு
  30. வணக்கம்
    அண்ணா.

    நல்ல தொழில்நூட்ப பதிவு இதன் படி செய்து பார்க்கிறோம் நண்பர் விசுவாவின் புத்தக வெயியீடு சிறப்பாக நடைபெற எனது வாழ்த்துக்கள். த.ம 24

    -நன்றி-
    -அன்புடன்-
    -ரூபன்-

    பதிலளிநீக்கு
  31. எங்களூரில் நடக்கும் விழா. திரு விசு அவர்களும் அழைத்திருந்தார். கண்டிப்பாக பங்கேற்கிறேன். நேரில் சந்திப்போம்

    பதிலளிநீக்கு
  32. நண்பர் திரு விசு. அவர்களின் நூல் வெளியீட்டு விழா சிறக்க நல்வாழ்த்துகள்!

    பதிலளிநீக்கு
  33. தில்லை அகத்து கீதா அவர்கள் மூலம் அறிந்தேன்.... புத்தக வெளியீடு சிறப்பாக நடைபெற வாழ்த்துக்கள்....

    பதிலளிநீக்கு
  34. மிகக் கடினமாகத் தோன்றும் செய்திகளையும் மிக எளிமையாக எடுத்துச் சொல்லி non technical people ஐ முயற்சி செய்ய வைக்கிறீர்கள். வாழ்த்துக்கள்.
    நண்பரது புத்தக வெளியீட்டு விழாவிற்கும் பதிவர் சந்திப்பிற்கும் வாழ்த்துக்கள்

    God Bless You

    பதிலளிநீக்கு
  35. ஹை!! என்னை கூட நல்ல டெக் பதிவரா மாத்திடுவீங்க போலவே!! சூப்பர் அண்ணா:)விசு அண்ணாவிற்கும் என் வாழ்த்துகள்:)

    பதிலளிநீக்கு
  36. விழா சிறக்க எங்களின் நல்வாழ்த்துக்கள்.
    புத்தக வெளியீட்டிற்கு இனிய வாழ்த்து

    பதிலளிநீக்கு
  37. வாழ்த்துகள்.
    புத்தக வெளியீட்டிற்கும் இனிய வாழ்த்து

    பதிலளிநீக்கு
  38. அருமையான விளக்கம் ,எளிமையாக புரிந்துகொள்ள முடிகின்றது, வாழ்த்துக்கள்...

    பதிலளிநீக்கு
  39. வலைப்பூக்களில் படிவத்தைக் கையாள்வது எப்படி என விளக்கியதோடு "விசுAwesomeமின் சகவாசம் புத்தக வெளியீட்டு விழா அழைப்பிதழ்" பற்றியும் சுவையுடன் அழகாகப் பதிவு செய்தமைக்குப் பாராட்டுகள்!

    விசுAwesomeமின் சகவாசம் புத்தக வெளியீட்டு விழா சிறப்புற இடம்பெற எனது வாழ்த்துகள்!

    பதிலளிநீக்கு
  40. சொல்லுதல் , செய்தல்,தனபாலனுக்கு எளிய; அரியவாம் சொல்லிய வண்ணம் "கோ"வால் செயல்.

    நண்பரின் புத்தக வெளியீடு சிறப்பெய்த வாழ்த்துக்கள்.

    பதிவர் கூடுகை , நினைத்தாலே இனிக்கிறது.

    விசு அவர்களுக்கு வாழ்த்துக்களும் வருகைதரும் அத்துணை பெரியவர்களுக்குஎன் வணக்கங்களும்.

    நட்புடன்

    கோ

    பதிலளிநீக்கு
  41. வாழ்த்துக்கள். உங்களின் பணி பயனும் பெருமையும் உடைத்து

    பதிலளிநீக்கு

நகுதற் பொருட்டன்று நட்டல் மிகுதிக்கண்
மேற்சென்று இடித்தற் பொருட்டு. (குறள் 784)

நட்புச் செய்துகொள்வது நண்பரோடு சிரித்து மகிழ்வதற்காக மட்டும் அல்ல. மிகுதியாகத் தவறு செய்யும்போது, அவரைக் கடிந்து திருத்துவதற்கே ஆகும்.