அடப்போங்கப்பா...! நீங்களும் உங்க பதிவும்...!

செல்லம்... அண்ணன்களையும் கூப்பிடு... இதோ 100 ரூபாய் நோட்டு... யாருக்குப் பிடிக்கும்...? எல்லோருக்கும் கை தூக்கிட்டீங்க... ம்... இப்போ ரூபாய் நோட்டை நல்லா மடிச்சி கசக்கிட்டேன்... இப்போ பிடிக்குமா...? மறுபடியும் கை தூக்கிட்டீங்க... சரி இப்போ ரூபாய் நோட்டை நல்லா மிதிச்சி அழுக்காக்கிட்டேன்...! இப்போ பிடிக்குமா...?

என்னப்பா... கை தூக்குற பயிற்சியா சொல்லிக் கொடுக்குறீங்க...? நோட்டைக் கசக்கினாலும், மிதிச்சி அழுக்கானாலும் அதோட மதிப்பு குறையுமா...? அது சுக்குநூறாகி கிழிச்சாத் தான் குறையும்... முதல்லே காலை கழுவிட்டு வாங்க...


இதோ வந்துட்டேன்... நீ சொன்னதும் சரி தான்... என்ன சொல்ல வந்தேன்னா, இந்த 100 ரூபா நோட்டைப் போல உங்க திறமையை உணரணும்... உங்களுக்கு எவ்வளவு பெரிய இழப்பு, அவமானம், தோல்வி வந்தாலும்... அதாவது நோட்டைக் கசக்கினாலும், மிதித்தாலும்... உங்ககிட்டே வளர்ற முயற்சி, பயிற்சி, தன்னம்பிக்கை, அறிவு, துணிவு, பொறுமை, இன்னும் பலதும் இருக்கும் வரை... அதாவது மனது சுக்குநூறாகி கிழியும் வரை... உங்களை யாராலேயும் மதிப்பிழக்கவே செய்ய முடியாது... சரியா...? இப்போ சொல்லப் போறதும் உங்க எல்லோருக்கும் உதவும்... நேர்முகத் தேர்வுக்குப் போகும் மூத்தவனே, ஒழுங்கா கவனி...!

---

01 முதல்லே அவங்க சொல்றதை முழுசாக் கேட்டு புரிஞ்சிக்கோ... 02 அப்புறம் பொறுமையா பதில் சொல்லு... 03 பதில் தெரிஞ்சா சொல்லு... கற்பனையை வீட்டிலே வந்து சொல்லு...! 04 அதிகப்பிரசங்கித்தனமா கேள்வி எல்லாம் கேட்டுராதே.. 05 அவங்க கேள்வியிலே அடுத்த கேள்வி என்னாவா இருக்கும்ன்னு யோசி... 06 பயப்படாம எதுக்கும் முன்னேற்பாடோட இரு...

07 உன் தவற்றையோ, குறையையோ சொன்னாலும் கோபம் கோவிந்தா...! ஒத்துழைப்பு கொடு... 08 அதாவது அங்குள்ள சூழ்நிலைக்கேற்ற மாதிரி உன்னை மாத்திக்கோ...! 09 முக்கியமா வாக்குவாதம் செய்யாம, கேட்கிற கேள்விக்கு மட்டும் பதில் சொல்லு... 10 ஒவ்வொருத்தருக்கும் பொறுமையா பதில் சொல்றது தான், நீ கொடுக்கிற பெரிய மரியாதை... 11 ஏன்னா அந்தப் பணிவே உன்னைப் பற்றி அவங்க மனதில் நல்லபடியா பதிஞ்சிடும், முக்கியம்...

12 அப்புறம் Written Test இருந்தா, நீயா எதுவும் எழுதாதே... தெரியலேன்னா "தெரியலே" அவ்வளவு தான்... யோசிக்காம அடுத்த கேள்விக்கு போ... 13 அப்பா blogலே கதை சொல்ற மாதிரி கதை உடாதே...! க்ம்... க்ம்... எந்தப் பதிலுக்கும் சான்று வேண்டும்...! 14 சும்மா பிரிச்சி மேயணும்... அதுக்காக மனசிலே நினைக்கிறதையெல்லாம் எழுதாம உண்மையை எழுது...! 15 அவங்ககிட்டே பேசினதும், எழுதினதும் ஒண்ணா இருக்கோணும்... 16 இங்கே கவனிக்கிற மாதிரி நடிக்கிறதெல்லாம் அங்கே முடியாது... எப்போதும் கவனமா இருக்கணும்... 17 முழிக்காதே... தெய்வமகன் சிவாஜி மாதிரி நெளியாதே...! கண்ணைப் பார்த்துப் பதில் சொன்னாலே பாதி வெற்றி தான்... 18 எல்லாத்தையும் விட பேசுற போதும், எழுதுற போதும் அதிசக்தி வாய்ந்த கடவுளை நினை...! கடவுள்ன்னு சொல்றது நேரத்தை...! அவ்வளவு தான்...! அந்த ஜெராக்சை எடுத்து கொடும்மா... பசங்களா... படிங்க...


To Become an outstanding Auditor
Remember GANAPATHY for
1. Big Ear - To Listen more
2. Long Nose - To Smell more
3. Big Head - To Think more
4. Small Eyes - To concentrate more
5. Closed Mouth - To talk less
MORE AMICABLE BUT VERY DISCIPLINED

01 Ability to Listen ஓஹோ, அப்ப்ப்பா...! நீங்க பேசின பதினெட்டும் இது தானா...? பதிவு எழுதுறதுக்கு நாங்க தான் இன்னைக்குக் கிடைச்சோமா...? அடப்போங்கப்பா...! நீங்களும் உங்க பதிவும்...! எங்களுக்குப் படிக்கிறதுக்கு நிறைய இருக்கு... நாங்க இரண்டு பேரும் எஸ்கேப்ப்ப்ப்ப்...!

அன்னையால் அன்னன்னைக்குப் படிக்காத அண்ணன்களை விட்டுங்கப்பா போகட்டும்... கொடுங்க, மிச்சத்தை நான் படிக்கிறேன்... தெரிஞ்சிக்கிறேன்...

என் ராசாத்தி... என்னைப் போலவே இருக்கே... ISO-விலே Internal Auditing-ன்னு இருக்கு... அதாவது அக தணிக்கை...! அதிலே Auditor's Skills-யை Interview-போறவங்களுக்குச் சொல்ற மாதிரி வித்தியாசமா... ம்ம்... சரி படி...

01 Ability to Listen
02 Be patient
03 Be understanding - (Listening to Facts, NOT ideas)
04 Question without offending
05 Remain within the audit scope - (Prepare next question mentally)
06 Preparedness - (Anticipate what is coming)
07 Co-operating - (Findings, NOT Faults)
08 Adapt to different situations
09 Discuss without arguing - (Analysing what is being said)
10 Respect and Evaluating the auditee
11 Communicating
12 Documenting the observations - (Taking Notes, NOT depending on memory)
13 Looking for objective evidence - (See for Objective NOT assumption)
14 Be analytical - (Write facts or findings, NOT opinions)
15 Reporting within the audit results - (Summarize what has been said)
16 Be alert - Always attentive, NOT faking attention
17 Observe body language, facial expressions & eye contact
18 Be time conscious - (Avoid Long and Lengthy Discussions)

அப்பா... அப்பா... மார்க்கெட் போயிட்டு அம்மா வந்துட்டாங்க போல...சத்தம் கேட்குது... ஓடுங்க... அம்மாவோட IN-டர்-NAL ஆ-DI-டிங் வேற மாதிரி...!

சரி சரி... உன் புத்தகத்தை எடு... சொல்லித் தரேன்... யம்மாடி...!

க்கும்... மாட்டினீங்களா எங்கிட்டே...! ரொம்ப நாளா Science-லே எனக்குப் புரியாததைச் சொல்லித் தர்றேன்னு டிமிக்கி கொடுத்திட்டு இருந்தீங்க... உங்களுக்குத் தெரியாதுன்னு எனக்குத் தெரியும்... அதனாலே எங்க ஆசிரியர்கிட்டேயே கேட்டுப் புரிஞ்சிகிட்டேன்... இப்போ நான் சொல்லித் தர்றேன்...! அப்புறம் ஒரு வருத்தம்... ஏம்ப்பா... ரூபா நோட்டிலே தேசப் பிதாவோட படம் போட்டிருப்பதே, அவருக்கு மதிப்புக் கொடுக்கத்தான்... அதைப் போய்க் கசக்கினா, கால்லே போட்டு மிதிச்சா... அவருக்கு நீங்க செலுத்தும் மரியாதை இவ்வளவு தானா...? தப்புக்கு வழிகாட்டியாக அப்பா இருக்கலாமா...? வேறு ஒரு உதாரணத்தை யோசிங்க அப்பா... இனி எங்கேயும் இப்படியெல்லாம் ISO வகுப்பிலே செய்யாதீங்க... சரியா...?

---

ISO... அட... அவ்வளவு தானா...! அறிய இங்கே சொடுக்குவதற்கு முன்... இப்பதிவைப் பற்றிய தங்களின் கருத்து என்ன நண்பர்களே...?

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :