பதிவர்கள் பிரச்சனைக்கு தீர்வு... முத்து...?

வணக்கம் நண்பர்களே... மே 1 அன்று திரு. V. துளசிதரன் அவர்களின் பாலக்காட்டில் நடந்த "புரோட்டா கார்த்திக்" எனும் குறும்படப் படப்பிடிப்பில் கலந்து கொண்டேன்... அவருக்கு நன்றிகள் பல + குறும்படம் சிறப்பாக அமைய வாழ்த்துவோம்... இந்தப் பகிர்வில் கோவை ஆவி அவர்கள் எடுத்த சில புகைப்படங்களை இணைத்து சிந்தனைப் பகிர்வாக... அவருக்கும் நன்றி... கீழுள்ள படத்தில் திருமதி கீதா சகோதரி, திரு. குடந்தையூர் சரவணன், DD, கவிஞர். திரு. இராய.செல்லப்பா, திரு. கோவை ஆவி, திரு. V. துளசிதரன்

குறும்படத் தகவல் அறிய → இங்கே ← சொடுக்கவும்...

கவிஞர் : விட்டுக் கொடுப்பதில் பிரச்சனையா...? இதென்ன புதுப் பிரச்சனை DD...?

DD : "எப்போதும் எந்தப் பிரச்சனை வந்தாலும், நான் மட்டுமே விட்டுக் கொடுத்துப் போகிறேன், அவர் விட்டுக் கொடுப்பதே இல்லை" என்று வீட்டிலே சொல்றாங்க... "எவ்வளவு பிரச்சனை வந்தாலும் கடைசியில் வெற்றி பெறுவது அவங்க தான்"னு உங்களுக்கு நான் சொல்லத் தேவையில்லை... எங்க பிரச்சனையே வேறு சார்... எனக்கும் நண்பர் ஆவிக்கும் விட்டுக் கொடுப்பதில் எந்தப் பிரச்சனையுமில்லை... ஆனால் யார் விட்டுக் கொடுப்பது என்பது தான் பிரச்சனையே...!


கவிஞர் : வீட்டிலே போட்டியா...? கணவனுக்கு எப்போதும் தோல்வி தான்... ஆனாலும் அது ஒரு சந்தோசமான தோல்வி... ஆனா இப்படி வீட்டிலே பேசிக் கொண்டு போனால், இது ஒரு புதுப் பிரச்சனையாக உருவாக வாய்ப்பிருக்கு DD...! விட்டுக் கொடுக்க வேண்டும்... முரண்டு பிடிக்காமல் விட்டுக் கொடுக்க வேண்டும்... ஒருவரின் கட்டாயத்திற்காக இன்னொருவர் விட்டுக் கொடுக்கக் கூடாது... விட்டுக் கொடுப்பதென்பது இயல்பாக நடக்க வேண்டும்...

DD & ஆவி : எங்க பிரச்சினையை நாங்க அப்புறம் சொல்றோம்...


கவிஞர் : நாம நடக்கும் போது நம்ம கைகால்களின் இயக்கத்தை எப்போதாவது கவனித்துப் பார்த்திருக்கிறோமா...? கொஞ்சம் கவனிங்கப்பா... நம்ம வலது கால் முன்னே போகும் போது, இடது கால் பின்னே போகிறது... இடது கால் முன்னே போகும் போது, வலது கால் பின்னே போகிறது... கால்களுக்குள் விட்டுக் கொடுத்தல் இருந்தால் தான் நாம் நடந்து முன்னே போக முடியும்... இதே போல் வீசுகிற கைகளுக்குள் விட்டுக் கொடுத்தல் இருந்தால் தான் நடையின் இயக்கத்தில் வேகம் கூட்ட முடியும்... இரண்டு கால்களையும் ஒரே நேரத்தில் முன்னே எடுத்து வைக்க முயன்றால் நடை நடைபெறுமா...? இது தான் வாழ்க்கை...! "ஜம்ப் செய்யலாம்"ன்னு சொல்ற DD அவர்களே, உங்களுக்குக் குறள் ஏதாவது சொல்லணுமா...?


DD : வேணாம் அப்புறம் சொல்லிக்கிறேன் ! அந்த நேரத்திற்குச் சின்ன பிரச்சனை தானே என்று தப்பித்து விடுகிறோம்... ஆனா அதுவே வளர்ந்து பெரிய மலையளவு பிரச்சனையாகும் போது ஜம்ப் செய்ய முடிவதில்லைன்னு சொல்ல வந்தேன்... கால்களுக்குள் விட்டுக் கொடுத்தல் போல... சூரியன் வரும் போது நிலவு விட்டுக் கொடுத்தல், நிலவு வரும் போது சூரியன் விட்டுக் கொடுத்தல்... நாள் நடக்கிறது இரவு பகலாய் - வாழ்வில் இன்பமும் துன்பமும் போல... புரிந்து உணராமல் முரண்டு பண்ணினால், எதிலும் யாரிடத்திலும் முட்டுக் கட்டை தான்... இயல்பாய் விட்டுக் கொடுத்தால் இன்ப வாழ்க்கை தான்... பிரச்சனை முற்றி கணவன் மனைவி இருவரில் யார் விட்டுக்கொடுப்பது என்று பிரச்சனை வந்தால், தீர்க்க எளிதான வழி இருக்கிறது... அது என்ன வழி தெரியுமா சார்...? இருவரும் சேர்ந்து அந்தப் பிரச்சனையையே கொஞ்ச நாள் கிடப்பில் போட்டு விட வேண்டியது தான்... கொஞ்ச நாளில் யாராவது ஒருவர் இயல்பாக வந்து விட்டுக் கொடுக்க முன்வந்து விடுவார்கள்... விட்டுக் கொடுப்பதே வீடு சிறக்க வழி... அனைத்தையும் மாற்றும் சக்தி காலத்திற்கு உண்டு...! எப்பூடி ?

ஆவி : நல்லாத்தான் இருக்கு DD...! நம்ம பிரச்சனையைச் சொல்லுங்க...

DD : குடும்பத்திலேயோ, நண்பர்களுக்குள்ளேயோ, உறவினர்களுக்குள்ளேயோ பிரச்சனைன்னு ஒன்னு வந்துச்சின்னா, அதை மூணாவது மனிசங்க யார்கிட்டேயேயாவது எடுத்துப் போய் தீர்த்து வைக்கச் சொல்வது சரியா சார்...? முதலில் இதற்குப் பதில் தேவை...

கவிஞர் : மூணாவது மனிசன் யார்...? யாருக்கும் யாருக்கும் பிரச்சனையோ, அந்த ரெண்டு பேருக்கும் தொடர்புடையவராக, எந்தப் பிரச்சனையும் பொதுவான நபராக இருந்து ஆராய்பவராக, அந்த மூன்றாவது நபர் இருந்தால் நல்லது... ஆனால் இன்றைக்குப் பல வீடுகளில் கணவன் மனைவியர்க்கிடையே, நண்பர்களுக்கிடையே, உறவினர்களுக்கிடையே பிரச்சனைகள் வருவதற்கே மூன்றாவது நபர்கள் தான் காரணமாக இருக்கிறார்கள்...! பலவகைப் பிரச்சனைகள் வீடுகளுக்குள் இல்லாமல், தெருவரை பரவுவதற்கு நாம் மத்தியஸ்தர்க்குச் செல்லும் மூன்றாவது நபர் தான் காரணம்...! அதனால் தான் சில வேளைகளில் "சாட்சிகாரன் காலில் விழுவதை விடச் சண்டைக்காரன் காலில் விழுவதே மேல்" என்று சொல்றாங்க... என்னைய மூணாவது மனிசனா நினைச்சாலும் பரவாயில்லை... உங்க பிரச்சனை என்னான்னு சொல்லுங்கப்பா...

ஆவி : நானும் DD-யும் ஒரு (கற்பனை) கடற்கரைக்குப் போனப்போ ஒரு முத்து கிடைத்தது... அது யாருக்குச் சொந்தம்ங்கிறது தான் பிரச்சனையே...



DD : முதலில் நான் தான் சிப்பியைப் பார்த்தேன்... அதனால் முத்து எனக்குத் தான்... யாஹூ... Google, whatsஅப், ட்விட்...!






ஆவி : நாந்தான் சிப்பியை கையிலெடுத்து திறந்து உள்ளே முத்து இருப்பதைக் கண்டுபிடிச்சேன்... அதனால் முத்து எனக்குத் தான்...

கவிஞர் : இதோ ப.ந.மு.க. தலைவர் வந்து விட்டார்... (பதியுலக நட்பு (/நடிகர்கள்...?) முன்னேறக் கழகம்)


சரவணன் : இனிய நண்பர் கவிஞருக்கு உதவ வந்து விட்டேன்... என்ன இது சண்டை...! சின்னபிள்ளத்தனமா இருக்கு...! பல ஆண்டுகளாக நாட்டு மக்களுக்குச் செய்வதைப் போலவே இங்கும் பிரச்சனையைச் சரி செய்கிறேன்... இதெல்லாம் ஜூஜூபி மேட்டர்...

சிப்பியை முதலில் பார்த்த DD அவர்களே, நீங்கள் சிப்பியின் மேல் ஓட்டை எடுத்துக் கொள்ளுங்கள்... சிப்பியை எடுத்த ஆவி அவர்களே, நீங்கள் சிப்பியின் கீழ் ஓட்டை எடுத்துக் கொள்ளுங்கள்... சுமுகமான தீர்ப்பு வழங்கியதற்காக, போனால் போகிறது... உள்ளே இருக்கும் முத்தை நான் எடுத்துக் கொள்கிறேன்...! நன்றி... வணக்கம்... வாழ்க வளமுடன்...!

---

ஆவி : அடடா.... வடை சே... முத்து போச்சே DD...! நல்ல வேளை ஒருத்தரை ஒருத்தர் திட்டி "புகழ்" பாடவில்லை... அப்படி செஞ்சிருந்தா நாம நம்மை புரிஞ்சிகிறோமோ இல்லையோ, மத்தவங்க நல்லாவே நம்மளப் பத்தி தெரிஞ்சிகிட்டு இருப்பாங்க... என்ன சொல்றீங்க DD...?

DD : சரியாச் சொன்னீங்க ஆவி...! எந்த உறவாக இருந்தாலும் சரி, நெருக்கமானவர்களுக்கிடையே வரும் பிரச்சனைகளை ஒருத்தருக்கொருத்தர் புரிஞ்சிக்கிட்டு, அவர்களுக்குள்ளேயே இயல்பாக விட்டுக் கொடுத்துத் தீர்த்துக் கொள்வதை விட வேறு சிறந்த வழி எதுவுமே இல்லை...!

சரி தானே நண்பர்களே...? புதுக்கோட்டையில் சந்திப்போம் :-

புதுக்கோட்டையில் வலைத்தளம் மற்றும்
கணினித் தமிழ் எழுதப் பயிற்சிப் பட்டறை
நாள் : 17, 18-05-2014 சனி,ஞாயிறு
நேரம் : காலை 9 மணி - மாலை 5 மணி
இடம் : கைக்குறிச்சி ஸ்ரீவெங்கடேஸ்வரா
பாலிடெக்னிக் கல்லூரி
விவரங்களுக்கு இங்கே சொடுக்கவும்...

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :