எது அறிவு...? (பகுதி 1)

ஆளும் வளரணும், அறிவும் வளரணும் அது தாண்டா வளர்ச்சி...! உன்னை ஆசையோடு ஈன்றவளுக்கு அதுவே நீ தரும் மகிழ்ச்சி² நாளும் ஒவ்வொரு பாடம் கூறும், காலம் தரும் பயிற்சி - உன் நரம்போடு தான் பின்னி வளரணும் தன்மான உணர்ச்சி² சின்னப்பயலே சின்னப்பயலே சேதி கேளடா... ⟪ © அரசிளங்குமரி ✍ பட்டுக்கோட்டை கல்யாணசுந்தரம் ♫ G.ராமநாதன் 🎤 T.M.சௌந்தரராஜன் @ 1961 ⟫


என்னம்மா, எல்லோரும் பல்லாங்குழி, நொண்டி, பாண்டி, தாயம், சோவி, சொட்டாங்கல், கண்ணாமூச்சி, சோடி வளையல், ஆடுபுலி, பாம்புக்கட்டம் - இப்படிப் பல விளையாட்டுகள் முடிந்ததா...? இத்தனையும் சொல்லிக் கொடுத்த அம்மா, இப்போ உன்னோட நண்பர்களுக்கெல்லாம் வேசம் போட்டுக்கிட்டு இருக்காங்க...! மாறு வேச போட்டியா...?

மாறு வேசம் தான்... ஆனா போட்டியெல்லாம் கிடையாது... இவங்க எல்லாம் பக்கத்து வீட்டு நண்பர்கள்... இவங்க என் பள்ளித் தோழிகள், தோழர்கள்... எங்க பள்ளி ஆண்டு விழாவில் அறிவு என்னும் தலைப்பில் பேசணும்; உங்க உதவி தேவை அப்பா... பாடெல்லாம் அப்புறம் பாடலாம்... சரியாப்பா...?

உதவியா...? ஐ... ஜாலி...! பலரும் மறந்து போன இந்த விளையாட்டுகளில், அடுத்த முறை என்னையும் சேர்த்துக் கொள்ளணும், சரியா...? அப்புறம் அறிவெனும் தலைப்பில் தானே...? ம்... (தெய்வப் புலவரே, உதவி செய்...! ஆனா, க்கும்... பாட்டில்லாமல் - சிரமம் தான்... முடிவில் பார்ப்போம்...)

ஒவ்வொருத்தருக்கும் எழுதிக் கொடுத்திட்டேன்... வாங்க குழந்தைகளே... மேடைப் பயம் போக இங்கே ஒரு முறை பேசுங்க...! முயற்சியும் பயிற்சியும் என்றும் வெற்றி தரும்... வாசகர்களுக்காக : ()←உள்ளே மனதின் சிந்தனை...

---

கருவினில் மலரும் மழலையின் உடலில் தைரியம் வளர்ப்பாள் தமிழன்னை... களங்கம் பிறந்தால், பெற்றவள் மானம் காத்திட எழுவான் அவள் பிள்ளை... அச்சம் என்பது மடமையடா... அஞ்சாமை திராவிடர் உடமையடா... வாழ்ந்தவர் கோடி மறைந்தவர் கோடி - மக்களின் மனதில் நிற்பவர் யார்...? மாபெரும் வீரர் மானம் காப்போர் - சரித்திரம் தனிலே நிற்கின்றார்...! அச்சம் என்பது மடமையடா... அஞ்சாமை திராவிடர் உடமையடா... ஆறிலும் சாவு நூறிலும் சாவு, தாயகம் காப்பது கடமையடா... தாயகம் காப்பது கடமையடா... ⟪ © மன்னாதி மன்னன் ✍ கண்ணதாசன் ♫ விஸ்வநாதன்-ராமமூர்த்தி 🎤 T.M.சௌந்தரராஜன் @ 1960 ⟫ ராணுவ வீரன் : அழிவு வராமல் காக்கும் கருவியும், இறுதிக்காலம் வரைக்கும் காப்பாற்றும் கருவி தான் அறிவு... எந்தப் பகைவனும் உட்புகுந்து அழிக்க இயலாத கோட்டை போல் செயல்படுவது தான் எங்கள் அறிவு...!

(எங்களுடைய இறுதிக்காலம் என்று சொல்லுங்க...! நாங்க எல்லோரும் சந்தோசமாக இருக்க, நீங்க இரவு, பகல், மழை, வெயில் என்று எதையுமே பாராமல், தினமும் நாட்டைக் காக்கும் உங்களுக்கு என் முதல் சல்யூட்...!)

421. அறிவற்றங் காக்குங் கருவி செறுவார்க்கும்
உள்ளழிக்க லாகா அரண்

---

ஆத்திரம் கண்ணை மறைத்திடும் போது அறிவுக்கு வேலை கொடு... உன்னை அழித்திட வந்த பகைவன் என்றாலும் - அன்புக்குப் பாதை விடு² கத்தியைத் தீட்டாதே உந்தன் புத்தியைத் தீட்டு... கண்ணியம் தவறாதே - அதிலே திறமையைக் காட்டு... ⟪ © விளக்கேற்றியவள் ✍ ஆலங்குடி சோமு ♫ T.R.பாப்பா 🎤 T.M.சௌந்தரராஜன் @ 1965 ⟫ விஞ்ஞானி : யார் என்ன சொன்னாலும் சரி, அதையெல்லாம் நாங்க நம்ப மாட்டோம்... அந்தப் பொருளின் உண்மைத் தன்மையை அறிவது தான் எங்கள் அறிவு...!

(சாதி, மத, சாமி... முக்கியமாகப் பணம் / புகழ் கிடைக்க வேண்டி ஆராய்ச்சியெல்லாம் விட்டுட்டு, மனிதனுக்கு உதவுகிற மாதிரி ஆராய்ச்சி பண்ணுங்கப்பா...)

423. எப்பொருள் யார்யார்வாய்க் கேட்பினும் அப்பொருள்
மெய்ப்பொருள் காண்ப தறிவு

---

கிளி போலப் பேசு, இளங்குயில் போலப் பாடு, மலர் போலச் சிரித்து, நீ குறள் போல வாழு... லாலாலலாலா லலலலாலலாலா... லாலாலலாலா லலலலாலலாலா... மனதோடு கோபம் நீ வளர்த்தாலும் பாவம்... மெய்யான அன்பே தெய்வீகமாகும்... மெய்யான அன்பே தெய்வீகமாகும்... நல்ல பேரை வாங்க வேண்டும் பிள்ளைகளே... ⟪ © நம் நாடு ✍ வாலி ♫ M.S.விஸ்வநாதன் 🎤 T.M.சௌந்தரராஜன் @ 1969 ⟫ ஆசிரியர் : நாங்க சொல்ல வேண்டியவற்றை எளிய முறையில், குழந்தைகளின் மனதிலிருந்து மறக்க முடியாதபடி சொல்லுவோம். அதே போல் அவர்களின் பேச்சுக்களில் உள்ள நுண்மையான பொருளையும் காண்பது தான் எங்கள் அறிவு...!

டியுசன் என்று தனிப் பயிற்சிக்கு வரும் குழந்தைகளிடம் மட்டுமல்லாமல், பள்ளிக்கூடத்தில் அனைத்து குழந்தைகளிடமும் இதே பணி தொடரும் சிற்சில (?) ஆசிரியர்களே... வாழ்க்கைப் பாடத்தையும் கற்பித்து குருவாக மாறுங்களேன்... நன்றி...)

424. எண்பொருள வாகச் செலச்சொல்லித் தான்பிறர்வாய்
நுண்பொருள் காண்ப தறிவு

---

இருப்பதைக் கொண்டு சிறப்புடன் வாழும் - இலக்கணம் படித்தவன் தொழிலாளி... உருக்கு போன்ற தன் கரத்தை நம்பி - ஓங்கி நிற்பவன் தொழிலாளி... ஆண்டவன் உலகத்தின் முதலாளி - அவனுக்கு நான் ஒரு தொழிலாளி... அன்னை உலகின் மடியின் மேலே - அனைவரும் எனது கூட்டாளி... ⟪ © தொழிலாளி ✍ ஆலங்குடி சோமு ♫ K.V.மகாதேவன் 🎤 T.M.சௌந்தரராஜன் @ 1964 ⟫ உழைப்பாளி : உலகத்து உழைப்பால் உயர்ந்தவரை எல்லாம் நட்பாக்கி கொள்ளும் போது அதிகமாக சந்தோசப்படாம, அதில் ஏதேனும் நிறைகுறை இருந்தாலும், சமமாக எடுத்துக் கொள்வது தான் எங்கள் அறிவு...!

(உங்களின் வேர்வையில் தான் நாங்கள் வாழ்கிறோம்...)

425. உலகம் தழீஇய தொட்பம் மலர்தலும்
கூம்பலும் இல்ல தறிவு

---

சோம்பேறியாக இருந்து விட்டாக்க சோறு கிடைக்காது தம்பி... சுறுசுறுப்பில்லாம தூங்கிக்கிட்டு இருந்தா - துணியும் இருக்காது தம்பி... இத அடுத்தவன் சொன்னா கசக்கும், கொஞ்சம் அனுபவம் இருந்தா இனிக்கும், இதுக்கு ஆதாரம் கேட்டால் ஆயிரம் இருக்கு - அத்தனையும் சொல்லிப் போடு... ஓடி ஓடி உழைக்கணும்... ஹோ ஹோ ஹோய்... வலிமை உள்ளவன் வச்சது எல்லாம் சட்டம் ஆகாது தம்பி... பிறர் வாழ உழைப்பவர் சொல்லுவதெல்லாம் - சட்டம் ஆகணும் தம்பி... நல்ல சமத்துவம் வந்தாகணும் - அதிலே மகத்துவம் உண்டாகணும்... நாம பாடுற பாட்டும் ஆடுற கூத்தும் - படிப்பினை தந்தாகணும் - நாட்டுக்கு படிப்பினை தந்தாகணும்... ஓடி ஓடி உழைக்கணும் - ஊருக்கெல்லாம் கொடுக்கணும், ஆடி பாடி நடக்கணும் - அன்பை நாளும் வளர்க்கணும்... ⟪ © நல்ல நேரம் ✍ வாலி ♫ K.V.மகாதேவன் 🎤 T.M.சௌந்தரராஜன் @ 1972 ⟫ அரசியல்வாதி : தன்னலம் கருதாமல் உலகத்துப் பெரியோர்கள் எவ்வாறு வாழ்ந்தார்களோ, அவர்களைப் பின்பற்றி நாங்களும் வாழ்வது தான் எங்கள் அறிவு...! அதுக்கு முன்னாடி பாரத நாட்டில் ஒவ்வொருவரும் 5 வருடம் ராணுவத்தில் பணி புரிந்தால் தான், அரசாங்க வேலை வழங்கப்படும்...!

தன்னலம் கருதாதவர்கள் ஓரிருவரா...? பெரியார், காமராசர், இன்னும் பலர்... ஒரு நிமிசம்... இரண்டு வரிகள் தானே எழுதிக் கொடுத்தேன்... அரசியல்வாதி வேசம் போட்டதற்கே இப்படியா...? நல்ல சட்டம் போட்ட தம்பிக்கு வாழ்த்துக்கள்...

426. எவ்வ துறைவது உலகம் உலகத்தோடு
அவ்வ துறைவ தறிவு

---

பாடல்கள் இல்லாமல் எப்படி...? ஒவ்வொரு குறளுக்கு முன்னுள்ள இதயத்தை சொடுக்கவும்... சிந்தனைக்கேற்ப + சிறிது குறளுக்கேற்ப பாடல் வரிகள் உள்ளதா...? இன்னும் என்னென்ன வேசங்களில் வந்து அசத்துவார்கள் என்பதை அடுத்த வருடம் தொடர்கிறேன்...! நன்றி நண்பர்களே... தங்களின் கருத்து என்ன...?

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :