நெய்யா இருந்தா இப்படி ஊத்துவியா...?

ஆகாய கங்கை காய்ந்தாலும் காயும், சாராய கங்கை காயாதடா...! ஆள்வோர்கள் போடும் சட்டங்கள் யாவும், காசுள்ள பக்கம் பாயாதடா...! குடிச்சவன் போதையில் நிற்பான், குடும்பத்தை வீதியில் வைப்பான், தடுப்பது யாரென்று கொஞ்சம் நீ கேளடா...! கள்ளுக்கடைக் காசிலே தாண்டா, கட்சிக் கொடி ஏறுது போடா...!² மண்ணோடு போகாமல் நம் நாடு திருந்தச் செய்யோணும்...! உன்னால் முடியும் தம்பி ← இது படத்தோட பெயர்...!

அதுசரி மனசாட்சி...! நீ இந்த வேற "தண்ணி"யை பற்றி சொல்றே... அதைப் பற்றி மனிதன் செய்யும் மிகப் பெரிய துரோகம் என்ன? பதிவிலே சொல்லியாச்சி... இப்போது சொல்லப் போவது வேறு... பருவம் தவறிய மழையின்மை, நீர்நிலைகள் ஆக்கிரமிப்பு, நெகிழி பொருட்களின் அபரிமிதமான பயன்பாடு, சுற்றுச்சூழல் மாசு, இன்னும் பல்வேறு காரணங்கள் - இவற்றை விட வருங்கால சந்ததிகளைப் பற்றியே சிந்திக்காத சுயநல மனங்கள் இருந்தால், தண்ணீர் தட்டுப்பாடு எல்லா நாடுகளிலும் வருவதற்கு வாய்ப்புகளுண்டு... அதற்கு முன்னாடி தண்ணீர் வளத்தைப் பெருக்குவதற்கும், தண்ணீர் சிக்கனம் பேணுவதற்கும் இப்போதிலிருந்தே முன்னேற்பாடுகள் கண்டிப்பாகச் செய்ய வேண்டும்... (படம் : கைகொடுத்த தெய்வம்) சிங்களத் தீவினுக்கோர் பாலமமைப்போம்... சேதுவை மேடுறுத்தி வீதி சமைப்போம்² வங்கத்தில் ஓடி வரும் நீரின் மிகையால்... மையத்து நாடுகளில் பயிர் செய்குவோம்...² [பாடல் வரிகள் : மகாகவி பாரதியார்]

கடைசியிலே சொன்னியே, அந்த சுயநலம்; அது மாறினா போதும்... எல்லாவற்றுக்கும் மனதில் ஏற்படும் "கஞ்சத்தனம்" தான் காரணமோ...? (படம் : அன்னை) பணம் இருக்கும் மனிதரிடம் மனம் இருப்பதில்லை... மனம் இருக்கும் மனிதரிடம் பணம் இருப்பதில்லை...

எதிலும் சிக்கனம் என்பது தந்தை பெரியாரின் தலைசிறந்த கோட்பாடு... சிலர் பெரியாரைக் கஞ்சத்தனத்தோடு வாழ்ந்தவர் என்று கூறுவார்கள்... கஞ்சத்தனம் என்பது வேறு... சிக்கனம் என்பது வேறு... எதற்குச் சுருக்கமாகச் செலவழிக்க வேண்டும்; எதற்கு தாராளமயமாக இருக்க வேண்டும் என்பதில் தந்தை பெரியார் நிபுணர்... அதனால் அவர் சிக்கனவாதியே தவிரக் கஞ்சத்தனமானவர் கிடையாது... எந்தெந்த வழிகளிலெல்லாம் பணம் சேகரிக்க முடியுமோ, அந்தந்த வழிகளிலெல்லாம் பணம் சேர்த்தவர் அவர்... கையெழுத்துப் போட, புகைப்படம் எடுத்துக் கொள்ள, பொதுக் கூட்டம் பேச, கொடியேற்ற - இப்படி எல்லாவற்றுக்கும் பணம் கேட்பார்... அவர் சேகரித்த பணத்தில் சல்லிக்காசு கூட சொந்த உபயோகத்திற்குச் செல்லவில்லை... சமூக இயக்க பணிகளுக்காகவே சேமிக்கப்பட்டது... இவ்வளவு சிக்கனமாக இருந்த பெரியார், "திருச்சிராப்பள்ளியில் அரசுக் கல்லூரி ஒன்று தொடங்கப்பட வேண்டும்; நிதி தருவீர்களா...?" என்று கேட்டவுடன், அந்தக் காலத்திலேயே ஐந்து லட்சம் ரூபாய் தந்தார்... இன்று தந்தை பெரியார் அரசுக் கலைக் கல்லூரியாக அந்த கல்வி நிறுவனம் திருச்சியில் தழைத்தோங்கி நிற்கிறது...! கல்விப் பணியில் தாராளம் தேவை... சிக்கனம் தேவையில்லை என்பது தந்தை பெரியாரின் சிந்தனை... உனது சிந்தனை என்ன...?

இன்றைய நாட்டு நிலையும், மேலே உள்ள மகாகவி பாரதியாரின் பாடலையும் நினைச்சேன்... ம்...ஹா..ஹா... ஹஹஹஹா... மேடையேறிப் பேசும் போது ஆறு போலப் பேச்சு...!² கீழே இறங்கிப் போகும் போது சொன்னதெல்லாம் போச்சு...!² காசை எடுத்து நீட்டி, கழுத பாடும் பாட்டு... ஆசை வார்த்தை காட்டு, உனக்குங்கூட ஓட்டு ஹஹஹா... சிரிப்பு வருது சிரிப்பு வருது சிரிக்கச் சிரிக்கச் சிரிப்பு வருது... சின்ன மனிசன் பெரிய மனிசன் செயலைப் பாக்க சிரிப்பு வருது...!



⟪ © ஆண்டவன் கட்டளை ✍ கண்ணதாசன் ♫ விஸ்வநாதன்-ராமமூர்த்தி 🎤 சந்திரபாபு @ 1964 ⟫
சிரிக்காம, நமக்குள்ளே இருக்கிற மனிதத்தைப் பார்ப்போமா...? தந்தை பெரியார் ஒருமுறை ஒரு விருந்தில் சாப்பிட்டு விட்டு கை கழுவச் சென்றார்... அந்த இடத்தில் ஒருவர் நின்று கொண்டு, அவருக்குச் செம்பில் தண்ணீர் ஊற்றினார்... அவர் 'சலசல'வென்று தண்ணீரை ஊற்றியதைப் பார்த்த பெரியார், "ஏம்பா... தண்ணீரைக் கொஞ்சமா ஊத்துப்பா... நெய்யா இருந்தா இப்படி ஊத்துவியா...?" என்றாராம்... தண்ணீரைச் சிக்கனமாகப் பயன்படுத்த வேண்டுமென்பதில் கவனமாக இருந்த பெரியார், அதை நெய்யைப் போலப் பயன்படுத்த வேண்டுமென்பதைச் சிந்திக்க வேண்டாமா...? இது கிட்டத்தட்ட 50 ஆண்டுகளுக்கு முன்பு நடந்த நிகழ்ச்சி...! சிக்கனம் தேவை; அதே சமயம் தேவையானவற்றுக்குத் தாராளமும் தேவை என்று வாழ்ந்தவர்...! நம்ம ஐயன் என்ன சொன்னார் :- வானத்திலிருந்து மழைத்துளி விழாது போனா, இந்தப் பூமியிலே பசும்புல்லின் நுனியைக்கூடப் பார்க்க முடியாது... தண்ணீர் சிக்கனம் தேவை எக்கணமும்; இல்லையென்றால் அடுத்த போர் தண்ணீருக்காக...!
விசும்பின் துளிவீழின் அல்லால்மற் றாங்கே
பசும்புல் தலைகாண்பு அரிது. (குறள் எண் 16)

எல்லோரும் அப்படித்தான் சொல்லி ஆச்சரியப்பட்றாங்க...! ஆத்தா அழுத கண்ணீர் ஆறாகப் பெருகி வந்து; தொட்டில் நனைக்கும்வரை உன் தூக்கம் கலையும்வரை; கண்ணான பூமகனே கண்ணுறங்கு சூரியனே... கண்ணுறங்கு சூரியனே... ஊத்துமலை தண்ணீரே என் உள்ளங்கை சக்கரையே... நீ நான் பெத்த தங்கரதம்; இடுப்பிலுள்ள நந்தவனம்... காயப்பட்ட மாமனின்று கண்ணுறக்கம் கொள்ளவில்ல... சோகப்பட்ட மக்களுக்கு சோறு தண்ணி செல்லவில்ல... ஏகப்பட்ட மேகமுண்டு மழை பொழிய உள்ளமில்ல... இந்தப் பாடலைப் பார்த்து அழாத கண்களே இல்லை... வருங்காலத்திலே கண்ணீருக்குக் கூட இனி தண்ணீர் வாராது போலிருக்கே...!




⟪ © தண்ணீர் தண்ணீர் ✍ வைரமுத்து ♫ M.S.விஸ்வநாதன் 🎤 P.சுசிலா @ 1981 ⟫
எதையுமே தாராளமாக கிடைக்குதேன்னு தாராளமாகப் பயன்படுத்தக்கூடாது என்பதற்கு, தண்ணீர் இப்போது கண்கூடான காட்சியாக, சாட்சியாகத் தெரிகிறதா...? இனத்திற்காக, மண்ணிற்காக, பொன்னிற்காக, பெண்ணிற்காக, ஆட்சி அதிகாரத்திற்காக, புகழுக்காக, ஆணவத்திற்காக, இன்னும் பலவற்றுக்காக எத்தனையோ போர்கள் நடந்திருக்கின்றன... இனி ஒரு போர், உலகப் போர், அதாவது மூன்றாம் உலகப் போர் வருமென்றால், அது தண்ணீருக்காக மட்டுமே வரும்..! போரைத் தடுப்பதும் நம் கையில்...!



⟪ © ரிதம் ✍ வைரமுத்து ♫ A.R.ரகுமான் 🎤 உன்னி மேனன் @ 2000 ⟫

தீம்தனனா தீம்தனனா தீம்தனனா தீம்தனனா தீம்தனனா தீம்தனனா திரனா... நதியே நதியே காதல் நதியே நீயும் பெண் தானே - அடி நீயும் பெண் தானே... ஒன்றா இரண்டா காரணம் நூறு கேட்டால் சொல்வேனே - நீ கேட்டால் சொல்வேனே... நடந்தால் ஆறு; எழுந்தால் அருவி; நின்றால் கடலல்லோ... சமைந்தால் குமரி; மணந்தால் மனைவி; பெற்றால் தாயல்லோ... சிறு நதிகளே நதியிடும் கரைகளே; கரை தொடும் நுரைகளே; நுரைகளில் இவள் முகமே... தினம் மோதும் கரை தோறும் அட யாரும் இசை பாடும்... ஜில் ஜில் ஜில் என்ற ஸ்ருதியிலே... கங்கை வரும் யமுனை வரும் வைகை வரும் பொருனை வரும் - ஜல் ஜல் ஜல் என்ற நடையிலே... காதலில் அருமை பிரிவில்; மனைவியின் அருமை மறைவில்; நீரின் அருமை அறிவாய் கோடையிலே; வெட்கம் வந்தால் உறையும்; விரல்கள் தொட்டால் உருகும்; நீரும் பெண்ணும் ஒன்று வாடையிலே... தண்ணீர்க் குடத்தில் பிறக்கிறோம் ஓஹோ - தண்ணீர் கரையில் முடிக்கிறோம் ஓஹோ... வண்ண வண்ண பெண்ணே; வட்டமிடும் நதியே; வளைவுகள் அழகு - உங்கள் வளைவுகள் அழகு... ஹோ மெல்லிசைகள் படித்தல்; மேடு பள்ளம் மறைத்தல்; நதிகளின் குணமே - அது நங்கையின் குணமே... தேன்கனியில் சாறாகி பூக்களிலே தேனாகி பசுவினிலே பாலாகும் நீரே... தாயருகே சேயாகி தலைவனிடம் பாயாகி சேயருகே தாயாகும் பெண்ணே... பூங்குயிலே பூங்குயிலே... பெண்ணும் ஆறும் வடிவம் மாறக்கூடும்... நீர் நினைத்தால் பெண் நினைத்தால் கரைகள் யாவும் கரைந்து போகக் கூடும்...

---

நான் பேசி நீங்கள் கேட்டு என்ன பயன்...? அறிய இங்கே சொடுக்கித் தொடரலாம். அதற்கு முன் இந்தப் பதிவைப் பற்றி தங்களின் கருத்து என்ன...?

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :