சிரிச்சிட்டு போய்கிட்டே இருப்பேன்...!

வணக்கம் நண்பர்களே... ஒவ்வொருத்தரின் வாழ்க்கையில் எத்தனை எத்தனையோ பிரச்சனைகள், தோல்விகள், வலிகள், அவமானங்கள், துரோகங்கள் - இவற்றின் மொத்த உருவம் துன்பம்... இன்னும் பலபல காரணங்களுக்காகத் தன்னை மாய்த்துக் கொள்வதும், அறிந்தும் அறியாமலும், தெரிந்தும் தெரியாமலும், புரிந்தும் புரியாமலும், தன் மனதையும் உடம்பையும், அதனால் மற்றவர்களையும் சிறிது சிறிதாகச் சீரழித்துக் கொள்(ல்)வதும் உண்டு... இதற்கான தீர்வு தான் என்ன...?

சென்னையில் நடைபெற்ற இரண்டாவது மாபெரும் பதிவர் திருவிழாவில், ஏதோ உடல் மட்டும் உலாவிக் கொண்டிருந்தது... காரணம் : அன்பின் உயிரான சகோதரியும், உயிருக்கு அன்பான துணைவியும் மருத்துவமனையில்...! மனம் பதறித்தான் போனது... இருந்தாலும் நம் மனம் சஞ்சலப்பட்டு கலக்கமடைந்தால்...? ம்... நடந்ததையே நினைத்திருந்தால் அமைதி என்றும் இல்லை தான்...

நம்ம திருவள்ளுவரின் (63) இடுக்கணழியாமை அதிகாரத்தை ஒரு உரையாடல் மூலமும், குறளுக்கேற்ப-எண்ணங்களைச் சீர்படுத்தும் பாடல்களை, அதில் பிடித்த வரிகளை அடர்த்தி படுத்தியும் செய்தும், ஓரளவு சொல்லியுள்ளேன்... வாசிப்பவர்கள் பாடலை கேட்க ஒவ்வொரு குறளுக்குப் பின்னுள்ள இதயத்தை சொடுக்கவும்...

---

(படம் : புதுப்புது அர்த்தங்கள்) நாள்தோறும் ரசிகன்... பாராட்டும் கலைஞன் -காவல்கள் எனக்கில்லையே... சோகங்கள் எனக்கு நெஞ்சோடு இருக்கு... சிரிக்காத நாளில்லையே... துக்கம் சில நேரம் பொங்கிவரும் போதும், மக்கள் மனம் போலப் பாடுவேன் நண்பா... என் சோகம் என்னோடு தான்...

பாட்டு பாடுனா விட்டிடுவேனா...? இதோ வந்துட்டேன்... நான் தான் துன்பம்...

வாடா வா ! ஹா... ஹா... இப்படி சிரிச்சிட்டு போய்கிட்டே இருப்பேன்...! இதை விடச் சிறந்த வழி அல்லது ஆற்றல் வேறெதுவுமில்லை... தீதும் நன்றும் பிறர் தர வாரா...! தெரிஞ்சிக்கோ...!

இடுக்கண் வருங்கால் நகுக அதனை
அடுத்தூர்வது அஃதொப்ப தில் (621)
⟪ © ராஜபார்ட் ரங்கதுரை ✍ கண்ணதாசன் ♫ M.S.விஸ்வநாதன் 🎤 T.M.சௌந்தரராஜன் @ 1973 ⟫
"துன்பம் வரும் வேளையிலே சிரிங்க " என்று சொல்லி வச்சார் வள்ளுவரு சரிங்க...² பாம்பு வந்து கடிக்கையில், பாழும் உடல் துடிக்கையில், யார் முகத்தில் பொங்கி வரும் சிரிப்பு...? இதில் கீழ்ப்புறத்தில் இனிப்பு, மேற்புறத்தில் கசப்பு - பட்டினத்தார் கையில் உள்ள கரும்பு - இது பட்டினத்தார் கையில் உள்ள கரும்பு...! நான் சிரிக்கிறேன் சிரிக்கிறேன் சிரிப்பு வரலே... நான் அழுகிறேன் அழுகிறேன் அழுக வரலே... ஹஹஹஹ ஹஹஹ ஹஹஹ...

---

ஓஹோ... இப்போ பாரு... வெள்ளம் போல வர்றேன்...!

நீ சுனாமி போல வந்தாலும் சரி... அதற்கெல்லாம் தளராத மனசும் அறிவும் எங்கிட்டே இருக்கு...! நான் நினைச்சாலே நீ தானாக அழிந்து போவாய்...!

வெள்ளத் தனைய இடும்பை அறிவுடையான்
உள்ளத்தின் உள்ளக் கெடும் (622)
⟪ © என் அண்ணன் ✍ கண்ணதாசன் ♫ K.V.மகாதேவன் 🎤 T.M.சௌந்தரராஜன் @ 1970 ⟫
அடிமையின் உடம்பில் ரத்தம் எதற்கு...? தினம் அச்சப்பட்ட கோழைக்கு இல்லம் எதற்கு...?² கொடுமையைக் கண்டு கண்டு பயம் எதற்கு...?² நீ கொண்டு வந்ததென்னடா மீசை முறுக்கு... ஹேய்ய்ய்...! நெஞ்சம் உண்டு நேர்மை உண்டு ஓடு ராஜா... நேரம் வரும் காத்திருந்து பாரு ராஜா... அஞ்சி அஞ்சி வாழ்ந்தது போதும் ராஜா...² நீ ஆற்று வெள்ளம் போலெழுந்து ஓடு ராஜா... உண்டு உண்டு என்று நம்பி காலை எடு... இங்கு உன்னை விட்டால் பூமியேது கவலை விடு...² இரண்டில் ஒன்றைப் பார்ப்பதற்குத் தோளை நிமிர்த்து...!² அதில் நீதி வரவில்லை எனில் வாளை நிமிர்த்து...!

---

யம்மாடி...! அவ்வளவு ஊக்கம் உள்ளதா உன் மனசிலே...!!

அட துன்பமே...! நீ எப்படி வந்தாலும் அலட்டிக்க மாட்டேன்...! வலிகளை ஏற்றுக் கொள்... உனக்கே துன்பம் உண்டாக்கி வெல்லும் சக்தி இருக்கு...! அதனாலே ஓடிப் போயிடு...!! இல்லே என்னோட இருந்து சந்தோசப்படு...!!!

இடும்பைக்கு இடும்பை படுப்பர் இடும்பைக்கு
இடும்பை படாஅ தவர் (623)
⟪ © நான் ஆணையிட்டால் ✍ வாலி ♫ M.S.விஸ்வநாதன் 🎤 T.M.சௌந்தரராஜன் @ 1966 ⟫
இருட்டினில் வாழும் இதயங்களே - கொஞ்சம் வெளிச்சத்தில் வாருங்கள்... நல்லவர் உலகம் எப்படி இருக்கும் என்பதைப் பாருங்கள்... எத்தனை காலம் மனிதன் வாழ்ந்தான் - என்பது கேள்வி இல்லை... அவன் எப்படி வாழ்ந்தான் என்பதை உணர்ந்தால் - வாழ்க்கையில் தோல்வியில்லை... வாழ்க்கையில் தோல்வியில்லை... தாய் மேல் ஆணை, தமிழ் மேல் ஆணை...² குருடர்கள் கண்ணைத் திறந்து வைப்பேன்...! தனி ஆளானாலும், தலை போனாலும்... தீமைகள் நடப்பதைத் தடுத்து நிற்பேன்...! தனி ஒரு மனிதன் திருந்தி விட்டால் - சிறைச்சாலைகள் தேவை இல்லை... இருப்பதை எல்லாம் பொதுவில் வைத்ததாலே - எடுப்பவர் யாரும் இல்லை... பிறவியில் எவனும் பிழைகளைச் சுமந்தே வாழ்க்கையைத் தொடங்கவில்லை - பின்பு அவனிடம் வளர்ந்த குறைகளைச் சொன்னால் வார்த்தையில் அடங்கவில்லை... வார்த்தையில் அடங்கவில்லை...

---

அப்படியா...? இதற்கெல்லாம் ஓடி விடுவேனோ...? தடங்கல் நிறையக் கொடுத்து வாழ்க்கையையே கரடுமுரடான பாதையா மாத்துறேன்...

ஹேஹேய்... எந்தப் பாதையாக இருந்தாலும், பாரமாக இருந்தாலும், இழுத்துப் போற காளையைப் போல், விடாமுயற்சி உள்ள வல்லவன் நான்...!

மடுத்தவா யெல்லாம் பகடன்னான் உற்ற
இடுக்கண் இடர்ப்பாடு உடைத்து (624)
⟪ © நாடோடி மன்னன் ✍ பட்டுக்கோட்டை கல்யாணசுந்தரம் ♫ S.M.சுப்பையா நாயுடு 🎤 T.M.சௌந்தரராஜன்,P.பானுமதி @ 1958 ⟫
மாடா உழைச்சவன் வாழ்க்கையிலே - பசி வந்திடக்காரணம் என்ன மச்சான்...? // அவன் தேடிய செல்வங்கள் வேறு இடத்திலே சேர்வதினால் வரும் தொல்லையடி...! பஞ்ச பரம்பரை வாழ்வதற்கே இனி பண்ண வேண்டியது என்ன மச்சான்...? // தினம் கஞ்சி கஞ்சி என்றால் பானை நிறையாது - சிந்திச்சு முன்னேற வேணுமடி...! வாடிக்கையாய் வரும் துன்பங்களை இன்னும் நீடிக்கச் செய்வது மோசமன்றோ...? // இருள் மூடிக் கிடந்த மனமும் வெளுத்தது சேரிக்கும் இன்பம் திரும்புமடி - இனி சேரிக்கும் இன்பம் திரும்புமடி... // நல்லவர் ஒன்றாய் இணைந்துவிட்டால் மீதம் உள்ளவரின் நிலை என்ன மச்சான்...? // நாளை வருவதை எண்ணி எண்ணி அவர் நாழிக்கு நாழி தெளிவாரடி...!

---

அய்யய்யோ...! பயமா இருக்கே...! அழிந்து போய் விடுவேனோ...?

நீ எத்தனை வாட்டி வந்தாலும் சரி... அதற்கெல்லாம் கலங்கித் தளர்ந்து போற ஆள் நான் கிடையாது... பாவம் நீ...! உனக்கே இப்போ புரியுது பாரு...!

அடுக்கி வரினும் அழிவிலான் உற்ற
இடுக்கண் இடுக்கட் படும் (625)
⟪ © சிகரம் ✍ வைரமுத்து ♫ S.P.பாலசுப்ரமணியம் 🎤 K.J.யேசுதாஸ் @ 1991 ⟫
கார்காலம் வந்தாலென்ன...? கடும் கோடை வந்தாலென்ன... ? மழை வெள்ளம் போகும் - கரை இரண்டும் வாழும்... காலங்கள் போனாலென்ன...? கோலங்கள் போனாலென்ன...? பொய்யன்பு போகும் - மெய்யன்பு வாழும்...! அன்புக்கு உருவம் இல்லை; பாசத்தில் பருவம் இல்லை... வானோடு முடிவும் இல்லை; வாழ்வோடு விடையும் இல்லை... இன்றென்பது உண்மையே; நம்பிக்கை உங்கள் கையிலே...! அகரம் இப்போ சிகரம் ஆச்சு... தகரம் இப்போ தங்கம் ஆச்சு... காட்டு மூங்கில் பாட்டுப்பாடும் புல்லாங்குழலாச்சு...

---

உள்ளதைச் சொல்வேன்; சொன்னதைச் செய்வேன்; வேறொன்றும் தெரியாது... உள்ளத்தில் இருப்பதை வார்த்தையில் மறைக்கும் கபடம் தெரியாது...² // பார்த்த உலகத்தில் பாசத்தைத் தவிர எதுவும் கிடையாது எதுவும் கிடையாது... (படம் : படிக்காத மேதை)

ஓஹோ பாசமா...? நல்லதா போச்சி... மறுபடியும் வர்றேன்...!

---

தொடரும் நண்பர்களே...

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :