அதிக பக்தர்களைக் கொண்ட ஒரே மதம் எது...? (பகுதி 7)

நண்பர்களே! குழந்தைகளின் படைப்புகளின் முந்தைய மரம் நட்டவர்களை மறக்கலாமா...? (பகுதி 6) பதிவை வாசித்து வாழ்த்திய அனைவருக்கும் நன்றி... மேலும்...


நேரத்தைப் பற்றிய பள்ளிக்கூட மாணவ மாணவியர்களின் படைப்புக்கள் !

நேரமில்லை என்பதற்கே நேரமில்லை பொங்கும் காலை முதல் மங்கும் மாலை வரை கூரை ஓடு முதல் மாடிவீடு வரை ஜன்னல் ஓரம் முதல் சாலை ஓரம் வரை பூவின் மடல் முதல் மங்கை கடல் வரை பொன் மழலை முதல் மாமனிதன் வரை இனிய இளமை முதல் முனங்கும் முதுமை வரை குடிக்கும் நல்லநீர் முதல் நடிக்கும் கானல்நீர் வரை புயல் காற்று முதல் நாற்று வரை நிஜம் முதல் நிழல் வரை நிகழும் இன்று முதல் அற்புத நாள் வரை மொத்தமாக ஓரறிவு முதல் ஆறறிவு வரை என் சேவை - இவை அத்தனையும் தேவை ஆனால் எனக்கு... நேரமில்லை என்பதற்கே நேரமில்லை-அதை சொல்லிடக்கூட எனக்கொரு வாய்ப்பில்லை

நட்டம் பணம் இழந்தால்... சொற்ப நட்டம் நேரத்தை இழந்தால்... எல்லாமே நட்டம் சுய விமர்சனம் ஒரு நாளின் முடிவில் எழுதுக ஏட்டில்... 1. செய்ய நினைத்தது 2. செய்ய முடிந்தது 3. செய்ய முடியாதது அன்றைய மணித்துளிகளை நினைவுபடுத்திவிடும்-இந்த சுய விமர்சனம்

சிகரத்தைத் தொடு நேர்மை இல்லார் கவலைப்படுவதை விட நேரமில்லார் கவலைப்படுவது தான் அதிகம் நேரம் பொன் போன்றதல்ல... அது மண் போன்றது ! வாய்ப்புக் கொடுக்கும் போது... வளத்தைக் கொடுக்கும் ! பொழுது புலரும் பொன்னான நேரத்தை பொழுதுபோக்குக்காகக் கழிப்பவர்களுண்டு மண்ணில் சரியாகப் பயிர் செய்தாவது வேளாண்மை நேரத்தைச் சரியாகப் பயிர் செய்தாவது நேர வேளாண்மை மண்ணின் தன்மை மகத்தானது என்றால் நேர மேலாண்மை நேர்த்தியானது என்பேன் நேரமில்லை என்பது நேற்றோடு போகட்டும் நேர மேலாண்மை இன்றைக்கு வரட்டும் நேர மேலாண்மை உன் வாழ்வில் கொண்டு வா உலகின் சிகரத்தை நீ தொட்டு வா

NEVER REST Life is the TEST Thinking of future is BEST In everything you should come FIRST Until then don’t take REST Golden Words Don’t take rest after your first victory, because if you fail in second, more lips are waiting to say, that your first victory was JUST LUCK ! -Dr. Ap.J.Abdul Kalam

நேரம் ஒதுக்கிடு
அன்னைக்கு நேரம் ஒதுக்கிடு - அன்பில் உயர்வாய் !
தந்தைக்கு நேரம் ஒதுக்கிடு - நற்சிந்தனையில் உயர்வாய் !
குருவுக்கு நேரம் ஒதுக்கிடு - நல்லறிவில் உயர்வாய் !
உறவினருக்கு நேரம் ஒதுக்கிடு - பாசப்பந்தத்தில் உயர்வாய் !
தோழனுக்கு நேரம் ஒதுக்கிடு - நட்பில் உயர்வாய் !
மற்றவர்களுக்கு நேரம் ஒதுக்கிடு - தொண்டில் உயர்வாய் !
புத்தகங்களுக்கு நேரம் ஒதுக்கிடு - கல்வியில் உயர்வாய் !
விளையாட்டுக்கு நேரம் ஒதுக்கிடு - உடல்நலத்தில் உயர்வாய் !
உன் சிந்தனைக்கு நேரம் ஒதுக்கிடு - வாழ்வில் உயர்வாய் !

உழைப்பிற்கு நேரம் ஒதுக்கிடு - அது வெற்றியாக மாறும் !
உடற்பயிற்சிக்கு நேரம் ஒதுக்கிடு - அது உடல் நலமாக மாறும் !
படிக்க நேரம் ஒதுக்கிடு - அது உங்களுக்கென்று தனி இடத்தை அமைக்கும் !
நட்புக்கென்று நேரம் ஒதுக்கிடு - அது மகிழ்ச்சிக்கான பாதையைக் காட்டும் !
இலட்சியத்திற்கு நேரம் ஒதுக்கிடு - அது செல்வத்தைக் கொண்டு வந்து கொட்டும் !
உதவுவதற்கென்று நேரம் ஒதுக்கிடு - அது நிச்சயம் எதையும் சாதிக்கும் வல்லமையைக் கொடுக்கும் !
மகிழ்ச்சியான வாழ்வு மலரும் !

---

பெரியாரின் சாதனைப் பயணம்
தந்தைப் பெரியார் நம் வாழ்நாளில் சுற்றுப்பயணம் செய்த தொலைவு 8,20,000 மைல்கள். இது பூமியின் சுற்றளவைப் போல் மூன்று மடங்கு பெரியது. தன்னுடைய வாழ்நாளில் 58 சதவீதம் பயணத்தில் கழித்துள்ளார். அதாவது சுற்றுப்பயணம் மேற்கொண்ட நாட்கள் = 30,000 நாட்கள்... 8,200 பேசிய கூட்டங்கள், பொதுக் கூட்டங்கள், மாநாடுகளில் 21,400 மணிநேரம் பேசியுள்ளார். அவருடைய சொற்பொழிவுகளை ஒலிநாடாவில் பதிவு செய்தால் 2 ஆண்டுகள் 5 மாதங்கள் 11 நாட்கள் ஆகும். பெரியார் நேர மேலாண்மையைச் சரியான முறையில் பயன்படுத்தி தன் வாழ்நாளில் வாழ்ந்து காட்டினார்.

---

அதிக பக்தர்களைக் கொண்ட ஒரே மதம் : "தாமதம்"

---

நானும் என்னமோ நினைச்சேன்... எல்லாம் என் நேரம்...

அதுசரி... நேர மேலாண்மை பற்றி ISO-வில் உள்ளது போல் வேறு ஒரு கட்டுரை எழுதலாம் என்றால் குழந்தைகள் இப்படி அசத்துறாங்க...! அடுத்த பகிர்வுக்கு தலைப்பு சொன்ன மனசாட்சிக்கு நன்றி... பதிவிட வாய்ப்பளித்த குழந்தைகளுக்கு வாழ்த்துக்களும் நன்றிகளும் பல...

எல்லாம் என் நேரம்...! இங்கே சொடுக்கித் தொடர்வதற்கு முன் இந்தப் பதிவைப் பற்றி...

நண்பர்களே... தங்களின் கருத்து என்ன ?

நண்பர்களிடம் பகிர்ந்து கொண்டதற்கு நன்றி !

---

புதிய பதிவுகளை பெறுதல் :

---

தொடர்புடைய எண்ணங்களின் வண்ணங்கள் சில :

முகநூல் மூலம் கருத்துக்களை பகிர :